جحا والحمار(من مربعات فن الواو )

راكب على حمارى

ف حديدته عم يشكى

قلعته من دارى

دمعه ف حيفان يبكى

تبنه عايكلم

جوه القليب مشروخ

ناضره عليه يسلم

ف حكاوى طير مجروح

برسيم عايتنمرد

عايقول ما يلزمنيش

قوله عليه أتنمرد

ولا عادشى منه دشيش

قلتله يلزم حد

الخوف ملا ودانه

ادلدلت بلاحد

زادت عليه اوزانه

عايجينى ساعة الجد

ف نهيقة يدارى

ناولته كفى ف رد

دمع العيون زاره

سيرة الحمار عوجه

ولا عمرهاش تعدل

ف البحر كيه موجه

من ميته فيه نعقل

صون اللسان واجب

والجحش يتطاول

ننصح ومش عاجب

فى العيبه يتداول

عمركش شفت ف يوم

الجحش سب فى ابوه

فى البحر لو عايعوم

يكبر لمن سبقوه

رعم انى امتنعت عن المشاركه

فى تلك المساجله . إلا اننى كان ولابد

ان اعود للمرة الاخيرة بهاتان الرباعيتان .

ولكل صاحب عقل ان يتعقل عند الكتابه ..

رشا فؤاد كتب:: سيرة الحمار عوجه

ولا عمرهاش تعدل

ف البحر كيه موجه

من ميته فيه نعقل

كلامك وفيه تلميح

والمعنى فيه واضح

صون اللسان يافصيح

وبلاش كلام جارح

الأخوة الأعزاء
اسمحوا لي بقفل هذه المساجلة
و نقلها إلى ركن المساجلات
شكرا لكم جميعا
و إلى مساجلة أخرى فى أى شئ جميل
أخوكم