جحا والحمار(من مربعات فن الواو )

كنك عبيط فى نهيق

واللئم فيك باين

ميته خلاص منيك

ماعرفشى مش باين

غلك عليك شاهد

ف التبن ويا الفول

ناضرين قليب جاحد

ماعرفشى يومه أصول

ركبته من تانى

وغلى فيه راح أفش

زودلى أشجانى

ولا عمرى منه أكش

مانضرشى فيه عله

علاته جات فينا

والوكل صار فوله

ولا عاد مكفينا

العقل فينا يجن

حيران ف أحكامه

حمارنا عمره ما حن

قام قطع لجامه

بردعنا ميت بردعة

راضينله بالمقسوم

لجمنا ف الصومعة

رصينا كيه الشوم

حمار مع حبله

ماشى عايتمختر

العقل زاد خبله

ف دشيشه يتبحتر

قولوا الكلام للحمار

اللي مسامع حد

النار ما ناقصا حمار

ليه تنفخوها بجد

جحا لما كان والي

العدل كان موجود

كان الأصيل عالي

والكل كان بيجود

يا عم يسرى جحا

دا كان حكيم وأديب

و لاعمره يوم أنتحى

وساب نعاجه لديب

الزهيرى

جحا لما ساب البلد

أخد الحمار وياه

كان عاده هو الولد

يا فرحته يا هناه

الزهيرى

وحماره كان واعى

يفهم فنون وعلوم

لكن بدون داعى

جايب عليه اللوم

الزهيرى

حمار عايضايق

ف القوله صار شتمه

كرباجاها يتعايق

على جدته العتمه

حمار يدب خطاوى

عايقول مفيش زيه

جننا ف حكاوى

ف القوله شين زيه

الغلب فيه معصور

والشكل حمارى

ف الساقية عامبيدور

ولا حد بيه دارى

عايجننوه الأسود

ماقدرشى يغلبهم

عايحركوه بريموت

عارف طريق أيديهم

مجنون وساب ركبه

يتمنى حرية

صاحبه قوام ركبه

والقسوة ليه غية

شيال هموم حمله

ف معايرة عايحمل

ودموعة فى قلبه

عاصراه ما يتحمل

الناس عليه لايمين

ف القوله قسوتهم

وعيون لئام عايمين

ع الظلم غيتهم

هملته فك قيود

وفى لحظة فر عنى

قابل كرم بجحود

وجحوده فرعنى

الزهيرى

جايبه شديد وأليف

والأصل متهجن

حملته حمل خفبف

لقيته مات هتجن

الزهيرى

السلام عليكم .. مجرد رأي
كلام من قلبي

حمار وشكله كان ظريف

يمشي ويتعايق

لو حمله كان وزن الرغيف

يرفص ويتخانق

حمار وخلف جحش

قعد يدرس له

قال يا ابنى خليك وحش

من علمه ترّس له

الزهيرى

حمار تشوف سحنته
غباوته باينه عليه
يتباهي في مشيته
أصل الجحوش حواليه

أصل الجحوش عزوته

بيهم عاتباهى

فى السكة دول حدوته

رجليه ما سايباها

الزهيرى

عملم سبق للخيل

وحمارنا قام مدسوس

رفع العلم ع الديل

كنه فى حرب بسوس

عدى بطول وبعرض

ويادوب خلاص خطوه

فجأه برك فى الأرض

بيلمع الحدوه

جحا عقله راح منه

وف آخر المشوار

قام سامحه إكمنه

عارف بإنه حمار

» مربعات الواو
» مربعات ..فن الواو
» مربعات فى فن الواو
» من الواو (مربعات من محاولاتى)
» قد إيه حبك يامصر (مربعات من فن الواو)