شخابيط حلم

فى صمت الليل
يكون الحلم متحدد
بكام نجمة
تنور فى السكون
رسمة
دموع طرحة
فى سجن وسور

فى صمت الليل
وأنا بسكن مع قمرى
أشوف حلمى
مابين النجمة والنجمة
بتتبخر معانى الذكرى
تصبح بور
وقلبى فى السكون شارد
بإيد القسوة بيعاند
كما البراوز كما العاجز
كما البركان
فى حزنه يثور

يشق من الأمل مجرى
وعينى من البكا رافضة
بترسم بالدموع خدى
وتروى الصمت والذكرى
لقيت الشمس بتشقشق
بفرحة حب متزوق
أتارى الضلمة دى أصدق
تشق النور

رسمتك فى الهوى أسمى
حروف أسمك بتكتبنى
جذور وردك طرحلى الشوك
وشوك همسك بيلمسنى
ملانى حنين
ونار وأنين
وقلبى حزين
بعيد عنك
صبح مشطور

بحبك
بحبك كلمة تقتلنى
بتنطقنى
بتملكنى
يا مالكنى
يا غربة فارضة أيامها
فسامحنى
إيدين العزم مكتوفة
بتصرخ بس من غير صوت
ساعات الفرحة معدودة
أمل جوايا بكرة يموت
وألمح فى السما الرسمة
مابين النجمة والنجمة
ألاقى الحلم كالقسمة
حزين مبتور

ياااااااااااااااااااااسلام منجم من الاحساس و الرقة , قصيدة تحفة فعلا ذات معاني جميلة معبرة , سلم قلمك , و دمت بخير , وتقبلي مروري وتحياتي

الشاعرة و القاصة / صدفة
احساسك عالى جدا يستحق كل الاشادة
بجد احسنت ف اختيلر كلماتك واسلوبك جميل
الى الامام دائما
محمد رمضان

الشاعرة القاصة الجميلة صدفة
طبعا بعد الكلام الجميل الى اتقال على القصيدة الجامدة دى مفيش بعد كده وانتى عارفة ان كنت واثق ان عندك حاجات جميلة وهتطليها واديكى بتورينا قصايدك الرائعة وانا واثق الى عندك اجمل واجمل من كده بمليون مرة ربنا يوفقك ونشوفك شاعرة كبيرة جدا
احمد سعد
تيمو

إ[center] إيه يا بنتى الروعه دى ؟؟؟؟؟

الابنه الغاليه الشاعره

صــــــــــدفه

قصيده مطرزه وجميله . وانا هنا لأسجل إعجابى

وتوقعاتى المستقبليه فى ان تصبحى شاعره كبيره

كل التوفيق وخالص امنياتى بالتقدم ..[/center]

القاص المبدع والأخ الغالى:شريف العجوز
يسعدنىدائماوجودك فى صفحاتى لانك متذوق عالى فسررت جدا بأعجابك بالقصيده ولكنها ليس الا شخابيط فى عالم الشعر
تقبل تحياتى

أميرة الرقةوالأحساس:أميرة البدرى
نورتى صفحتى وانا اقول ايه روائح العطر والياسمين اللى منورة صفحتى دى
اعجابك بقصيدتى وسام كبير على صدرى خاصةمن شاعرةمتمكنه مثلك
وبلاش موضوع شاعرةجامده عشان صعبةاوى تتقال فى وجودك يا أميرة الاحساس

الشاعر الجميل : جمال الدليل
سررت جدا بمرورك يا شاعرنا المتميز فهى ليست سوى تجربةمتواضعةفى عالم الشعر
تقبل تحياتى

الشاعر الواعد: محمدرمضان
نورت صفحتىوسعيدةبوجودك وإعجابك بالقصيدة بس لسه مبقتش شاعرة
انا اللى هستنى منك اشعار حلوةكتير

شاعر الاحساس الصادق:أحمد علام
اسعدنىوجودك ومرورك جدا انا بقه اللى شكلى هتعودعليه
بس لسهانا مبقتش شاعره دى بس شخابيط

الشاعر الغنائى: أحمد تيمو
تنبؤاتك جميلة يا أحمد بس لسه بالنسبالى مش اكتر من حلم وانا لسه بشخبط
اتمنى ان اراك دائما

االشاعرة المتميز والاديبة الرائعة
الاستاذة صدفة

تحياتى وتقديرى وشكرا على امتاعنا بتلك القصيدة
الجميلة الرائعة 0

دمت بكل خير ومحبة وسعادة ودام ابداعك الرائع
وتقبلى مرورى المتواضع

صاحب الوحى والالهام فى بدايتى مع شعر العامية:أحمدموسى
اهلا بيك فى شخابيطى
اكيد ههتم بالاخطاء واسعدنى اهتمامك بالنص ليخرج فى احسن صورة
بس انت عارف انا لسه عابر سبيل فى نهر الشعر
اسعدنى اعجابك بالقصيبده بس انا اجى ايه جمب قصايدك المدهشه

الشاعر الكبير:د\صلاح طاهر
وجودك فى صفحتى لاول مره وسام على صدرى
اقول ايه بعد كلامك الجميل
تشجيع شاعر كبير مثلك لى يسعدنى جدااا
فلا تحرمنى من وجودك فى صفحاتى

استاذى الكبير:عادل عوض سند
الروعة هى روعة مرورك فأنت الأبالروحى لى عالم الشعر لتشجيعك المستمر لى فى كل أعمالى
فأدين لك بذلك
اسعدنى وجودك واعجابك
تقبل تحياتى لشعرك الغالى

الشاعر: محمد مديح
انت اللى رائع يا محمد مش أنا فروعة مرورك وأسلوبك يعجزنى عن الرد
اسعدتنى بقصيدتك أمس فى ندوة المنتدى
هستنى قصيدتكالجديده

الاستاذ المبدع الكبير:فوزى الشربينى
بشكرك على مرورك الغالى الذى أضاف لقصيدتى الكثير
اتمنى ان اكون دائما عند حسن ظنك
تقبل تحياتى