قصيدة بالعامية المصرية للشاعرة سيدة فاروق بعنوان (قططى)

قططي

الواد المترب ده
اايوه اللي مش باينه ملامحه ده هوه
ولا لون لقميصه الوحداني
الواد اللي لما بيهجم الجوع والحاجه لسيجارة فرط
يتكور تحت الحيط
الاخراانى هناااك ف القصر
ويتغطى بالحان الفرق الدايرة ف الأقاليم
يتدفى
ويغوط ف النوم
من غير كوابييييييييس ولا شوق
الواد العاشق
كل حيطان القصر ده هوه
الواد اللي ساعات الناس بتخاف حتى تمد أديها حتى تسلم بس عليه
ويقولو عليه مجذوب ومكمكم
الواد العاشق
حافظ الحان الفرقة وكل كلام المسرح
وشتيمة المخرج لما يفيض الكيل
حافظ كل الكلمات ف النص
بالصوت والضوء والحركة
حافظ كل النغمات
ويشيل ف حاجاتهم
ونهاية الليل
لما بيتعب م اللف
ببدور على حد
يشحت منه سيجارة فرط
ولا يلاقى
يغمض عينه
ويدندن
ينكب النغم السارح فيه
ف آخر الليل
ف قلب مخازن لبس المسرح
يتغطى
بهدوم الفرقة الدايبه
ويغمض ف عنيه
فيناااااااااام بسعادة أمن
قططي
يقعد تحت الرجلين
وياشاش فضلات الفرقة وياكل
ويلم سبارس
وبنظرة عجييبه عجيبه
تغرق جوه عنيه ولا بيكاسو
ولوركا لما بيتعب م التفكير ف قضايا العالم
ويشد ف عقب سيجارة ف ايده
بيبان كأنه يفكر ف الملكوت
والجسم تابوت
بيكتف جناحات أفكاره الضخمة الفخمة
ويغيييييييييب م الوعي
يقولو عليه مجذوب
يسحب ف الدخان ويغمض عينه ببطء شديد
ويروح حاطط رجل ما فوق التانيه
ويشد ف سيجارته الفرط
وآنا لما بعدى عليه بيقولى
آنا لو يوم مره ماجتش القصر؟
القصر يموت
ولا هتلاقى لاضوء ولاصوت
كل القصر ده هوه ما فوق كتافى
لو يوم غفلت القصر يموت
أسيبه
واقعدمن بعد أراقبه
جنب الحيطة
آخر حيطة ف حيطان القصر
ينام ويغوط ف النوم
ويدندن طول ما هو نايم
قططي يا احنا بشكل جميل
من غير مكاييج ولا لون
آنا عايزة اعد أدور عن كل حيطان القصر ف كل سكك وحواري ودرب
قططية كتيييير ع العد
قططية
لحن ماسمعوش حد

الشاعرة الجميله المتفرده بالجمال

سيده الأسيوطى

كما عودتينا دائما

على اختيارك للمواضيع الشيقه

دمتِ لنا ودامت روعتك

دمتِ بكل خير وحب

ملحوظه

تثبت القصيده بواسطتى

لروعة المضمون

اشكرك ياأستاذة
خالص الود

الشاعره سيده فاروق
قصيده فى منتهى الروعه فى الجمال
متفرده من حيث المضمون ومن حيت روعه الكلمات
رسمتى بكلمات اروع اللوحات اللى اتفرجنا عليها
وعلى جمالها
دمت مبدعه رائعه
تقبلى مرورى وتقديرى

الاستاذه الشاعره

سيده فاروق

انتى رائعه فى قصائدك النثريه . وهاهى قصيده من ابداعك

تنير صفحة العاميه .

واهمس فى اذنك بعد إذنك انقلها لقسم النثر .

منتظر ردك . كل المودة والتقدير ..

الاستاذ/عادل عوض سند
شرف لى عظيم مرورك على عملى
وشرف اكبر ان تضع العمل فى اى مكان تكون انت فيه انت دائما لى علما وثقافة وخلق كريم

الرائعة/اميرة البدرى
التفرد الحقيقى هو انت يا صديقتى
انا دائما اتابع اسهاماتك بجديةوانتظار
سعيدة جدا بتواصلك الجميل
كما اتمنى التواصل الدائم

الدكتور/صلاح طاهر
الشكر لك سيدى على مرورك الجاد
مودتى واحترامى

الشاعرة المتالقة دائما/عزة الزرقانى
يعلم الله ما مدى سعادتى بمرورك على عملى فانا باستمرار اتابع اعمالك باهتمام وشغف
كما اقدر لك جديتك وعشقك للكلمة اينما كانت

والنبى يا عم عادل تنقلها لقسم النثر
راااااااااائعة
بس لما تيجى

استاذ عادل سند

برجاء نقل الموضوع الى قسم النثر

دمت بكل حب

الاستاذه الشاعره

سيده الاسيوطى

تم نقل القصيده الى قسم النثر .

خالص شكرى لتلبية طلبى ..

الله عليكى يا أستاذة أبداع رائع بجد كلنا معجبين بيه دائما مبدعة لكى تمتعينا بإبداعك

Very Happy

الشاعرة / سيدة فاروق
بجد أنا سعيد بتواجدك فى قسم النثر
فشكرا للأستاذ عادل
بس بجد شااااااااااااعرة
لهذا الإلتقاط البسيط الذى لا يمر مرور الكرام على الشاعر
فقط يتم تثبيت النص ولى عودة أخرى

الشاعره/ سيدة فاروق
تحياتي لك ولنص غايه في الجمال
دكت بكل خير

الأخت الشاعرة القديرة سيدة فاروق
و الله زماااااااااااان
مرحبا بعودتك الجميلة
و بعملك الرائع الذى يستحق التثبيت
بكل تأكيد
أخوك

سيدة فاروق الاسيوطى كتب:: قططي

الواد المترب ده
اايوه اللي مش باينه ملامحه ده هوه
ولا لون لقميصه الوحداني
الواد اللي لما بيهجم الجوع والحاجه لسيجارة فرط
يتكور تحت الحيط
الاخراانى هناااك ف القصر
ويتغطى بالحان الفرق الدايرة ف الأقاليم
يتدفى
ويغوط ف النوم
من غير كوابييييييييس ولا شوق
الواد العاشق
كل حيطان القصر ده هوه
الواد اللي ساعات الناس بتخاف حتى تمد أديها حتى تسلم بس عليه
ويقولو عليه مجذوب ومكمكم
الواد العاشق
حافظ الحان الفرقة وكل كلام المسرح
وشتيمة المخرج لما يفيض الكيل
حافظ كل الكلمات ف النص
بالصوت والضوء والحركة
حافظ كل النغمات
ويشيل ف حاجاتهم
ونهاية الليل
لما بيتعب م اللف
ببدور على حد
يشحت منه سيجارة فرط
ولا يلاقى
يغمض عينه
ويدندن
ينكب النغم السارح فيه
ف آخر الليل
ف قلب مخازن لبس المسرح
يتغطى
بهدوم الفرقة الدايبه
ويغمض ف عنيه
فيناااااااااام بسعادة أمن
قططي
يقعد تحت الرجلين
وياشاش فضلات الفرقة وياكل
ويلم سبارس
وبنظرة عجييبه عجيبه
تغرق جوه عنيه ولا بيكاسو
ولوركا لما بيتعب م التفكير ف قضايا العالم
ويشد ف عقب سيجارة ف ايده
بيبان كأنه يفكر ف الملكوت
والجسم تابوت
بيكتف جناحات أفكاره الضخمة الفخمة
ويغيييييييييب م الوعي
يقولو عليه مجذوب
يسحب ف الدخان ويغمض عينه ببطء شديد
ويروح حاطط رجل ما فوق التانيه
ويشد ف سيجارته الفرط
وآنا لما بعدى عليه بيقولى
آنا لو يوم مره ماجتش القصر؟
القصر يموت
ولا هتلاقى لاضوء ولاصوت
كل القصر ده هوه ما فوق كتافى
لو يوم غفلت القصر يموت
أسيبه
واقعدمن بعد أراقبه
جنب الحيطة
آخر حيطة ف حيطان القصر
ينام ويغوط ف النوم
ويدندن طول ما هو نايم
قططي يا احنا بشكل جميل
من غير مكاييج ولا لون
آنا عايزة اعد أدور عن كل حيطان القصر ف كل سكك وحواري ودرب
قططية كتيييير ع العد
قططية
لحن ماسمعوش حد

الله الله يا سيدة الكلمات الجميلة والواعية والمؤثرة بالوجع
يا كل زملائي وزميلاتى فى المنتدى عايزة اقولكم بس خايفة تحسدونى
انا سمعت قصيدةالاستاذة سيدة فاروق اللى اسمها (الواد قططى)وهيا نسيت تحط كلمة( الواد)
وكنت اقيم معاها فى حجرة واحدة فى مؤتمر الاقاليم اللى فى القناطر الخيرية تلات ايام وانا اسمع منها اجمل الكلمات وانبهر من جمال كلامها
والحكم الموجودة فى ديوانها (تمرينات مؤلمة على الفرح)وطبعا اهديتنى نسخة مش بقولكم حتسحدونى
المهم شوفو الدراما العالية واحساسها بالمهمشين وإنسانيتها العظيمة
واختيار العنوان (الواد قططى )
التعليق محتاج صفحات كتييييرلإظهار مواطن الجمال والوصف التلقائى والسهل الممتنع ولفت النظرلرمز رائع من الناس الغلابة الصابرة
واد كل همه سيجارة فرط مع انه هو البطل الحقيقي المخفى لجوقة المسرح وهو عامل الستارة وهو اللى بينظف المكان وهو وهو وهو ..
نص رائع بكل المقاييس احييكى عليه يا استاذة سيدة
استاذ عادل عوض سند:
النص دة يستحق ينزل على كل أقسام المنتدى ويتثبت بدون فك ..للأبد
عشان نتعلم منه كلنا وننظر لكل الاشياء بالإنسانية العالية دى
الواد قططى لحن مسمعوووووش حد!

قرأت واستمتعت ، هو الواقع المرير بكل ما تحمله الكلمة ، توظيف الرمزمنح النص زخما وثراء ، وأقول : نعم سيدتي الكثير من الناس الذين يقومون بواجبهم على أكمل وجه ولكنهم مهمّشين ، كالجندي المجهول من وراء الكواليس ، كبطل النص في عمله المسرحي يغدو كالقطط التي تموء في زوايا الفقر لتحصل على كسرة خبز ،، موضوع شيق ويحمل العديد من الأبعاد ،، أحييك رائعة شاعرتنا الأستاذة سيدة فاروق ..!
مودتي / هيام

الأستاذه الشاعره

سيده فاروق

تشرفت بقراءة نزفك الرائع

دمت بهذا التألق و اكثر

خالص ودي

Very Happy

المبدعة الإنسانة / سيدة فاروق

وأؤكد على إنسانيتك خلقاً وإبداعاً

فإبداعك له كاميرا إنسانية لها خصوصية للمشاعر

لا يراها إلا من له قلب سليم وروح شفافة ويمتلك عطر الإبداع

فيفوح ويمتع الأخرين حتى وإن إحسوه شجناً فهو محرك لمشاعرهم

نثرية إنسانية رائعة

دمت بهذه المشاعر وهذا الإبداع

وداد الهـــــــــــــــوارى

» قصيدة مجرد اقتراح- سيدة فاروق
» قصيدة بالعامية بعنوان(بكا)لسيدة فاروق
» قصيدة بعنوان (بنت ) سيدة فاروق
» قصائد لعملاقة العامية المصرية (سيدة فاروق )
» قصيدة شوية عضم ف قفه سيدة فاروق