{{ شوية حب 3 ..}}

أنت يا عمري يا كل سنيني

مين من بعدك راح يواسيني

ضي نجومك ضلم عندي

لما بعدت ومين هيجيني

:
:
قلت ف حبك أحلا كلام

ولا همني إنسان لو لام

لما الشعر لقلبك يوصل

نفسي تقول للحب سلام

:
:

ليه أسطورة الحب تموت

لما نقول للهمس سكوت

ازرع صوتك جوة ف قلبي

غصن بيطرح شجر التوت

:
:

كل ورود الحب ف إيدك

ياللي وهبت الروح لوريدك

ليك بستان الحب لوحدك

لو مش كافي ! إيه هيفيدك ؟؟

:

نفسي ف يوم نطلع للشمس

ونسيب فوق الأرض الأمس

تاخد رمشي في جفن عيونك

لجل يدوب حوالينا الهمس

:
تغزل م الافلاك فستــــان

لونه الأبيض شكله جنان

تلبسه أحلا أميرة ف عمرك

لا تقول بلقيس والا رزان

:

حبة وننــزل تاني الأرض

نحصد منها الطول والعرض

حتى ان شافنا عزول هنقوله

حبنا واجب زي الفـــرض

:

اوعى تبص ف مرة لغيري

دانا خليت الحب لطيري

لما الطير راح يهجر عشه

راح نطرح له دستور ميري

:
:

أيوة الحب دا حاجة كبيرة

خلى قلوب الكل ف حيرة

بس انا غير الكل يا عمري

بس ف قلبي شوية غيرة

:
:

غيرة الحب متتعيبش

حتى ان قلت تروح .. (ما تغبش )

وان مديت لك ايدي ف مرة

خدها ف حضنك . (لأ ما تسبش ) !

:

:
لما الحب ف قلبي يثور

ويحطم لك كام دستور

أوعى تقولي الحب قضية

وف محكمة الكون هيبور

:
:

لو بثيت لك همس ف حرفي

هجر . ومش راح تعرف ظرفي

ارجع رتـّب نفسك تاني

ياللي ف بعدك أدميت طرفي

:
:
:

قلنا شوية حب كتير

وأنت بتهجر زي الطير

وأنا كان نفسي تسجل اسمك

أوعى تكون ياواد أنت جرير !!

:
:

فوزية شاهين

الأستاذة الرائعة :- فوزية شاهين

فعلاً شوية حب كتير .. من قلب كبير بيساع من الحبايب ياما

سلمت يداكِ .. دمت محبة بقلب صافى .

Very Happy

و الله يا بخته يا ست الكل
اللى مطنش و لا بيطل
***
بس ف قلبك لخضر ساكن
عنقود طارح عطر الفل
***
تعرفى لو كان همسك لى َّ
كنت أضم الكون بأدي َّ
***
كنت أوهب لك كل مشاعرى
و أجرى و أصرخ ول يا ول
***
ههههههههه
مساء الشعر يا باشا

سيبك من عطوفه يافوز

ياللى كلامك زى اللوز

ياللى الحب ف قلبك زهّر

طارح كل الالوان روز

************

الاخت الشاعره الكبيره

ام القوافى / فوزيه شاهين

ثنائياتك الرائعه المحتويه كل هذا الحب النقى نادرة المعنى

وواضح إقتدار كاتبتها ومهارتها الفائقه فى استعمال البحر

المتدارك بتفعيلته السريعه والتى اعطت نكهة للقصيده بما

تحمله من مشاعر فيّاضه من قلب أشعله الغرام .

فكتبتِ :

اوعى تبص ف مرة لغيري

دانا خليت الحب لطيري

لما الطير راح يهجر عشه

راح نطرح له دستور ميري

الشطره الاخيره اشعر انها مدسوسه على القصيده لإرتباطك

بالقافيه ..فما رأيك لو بُدّلت وكُتبت :

إيه حا يكون فى البعد مصيرى

يهيأ لى ان هنا المعنى قد خدم النص اكثر .

هذا رأى ربما يصيب وربما يُخطيء .

كل المودة والتقدير لهذا الإبداع المتميز ...

[b]

تثبت القصيده بواسطتى

تقديراّ للكلمه وتقديراّ

للشــــــــــــــاعره ..

يسلام الحب وحلاوته

وكلامك الناطق ونقاوته

بتقولى ولحرفك معنى

ع الصحبه الحلوة يجمعنا

واللهِ يافوزة ومن قلبى

بدعي لك واطلب من ربى

يحقق لك طلبك ويلبى

وتلاقى محبوبك جنبك

بيقول لك شرفت يا حبى

إيمان الروبى كتب:: الأستاذة الرائعة :- فوزية شاهين

فعلاً شوية حب كتير .. من قلب كبير بيساع من الحبايب ياما

سلمت يداكِ .. دمت محبة بقلب صافى .

الغالية / أيمان الروبي

بالتأكيد أنت أول الأحبة الذين لهم مكانة في قلبي

راقني تواجدك العذب وكلماتك الندية

سعدت بك أيما سعادة

كوني بخير

:

الشاعره الرائعه والقديره
فوزيه شاهين
كلماتك غمرت قلبى بالسعاده
وملئت واضاءت روحى وقلبى بانوارها الوهاجه
الله على حضرتك وعلى روعه كلماتك
دمت استاذتى بهذا القلب النابض بالحب
لكى يمتعنا بكثير من الحب
تقبلى ودى وتقديرى

عاطف الجندى كتب:: و الله يا بخته يا ست الكل
اللى مطنش و لا بيطل
***
بس ف قلبك لخضر ساكن
عنقود طارح عطر الفل
***
تعرفى لو كان همسك لى َّ
كنت أضم الكون بأدي َّ
***
كنت أوهب لك كل مشاعرى
و أجرى و أصرخ ول يا ول
***
ههههههههه
مساء الشعر يا باشا

:

حتى ان قلت لي ول يا ول

وبتهديني ورد وفــــــــــل

أنت الأخ الطيب عندي

ياللي ردودك ضوء بيطل

:

انا لو قلت مشاعر ياما

على صفحات الحب علامة

لازم تعرف ان مشاعري

دي لاخواتي يا أجمل خامة

:

أستاذي الشاعر الجميل / عاطف الجندي

راقني ما تفضلت به من عذب الشعر ورقي المشاعر

جميل هذا التفاعل النقي

لك من القلب تحية

وكن بخير

:

:

الاخت العزيزة الغالية الشاعرة الكبيرة المتألقة دائما
الاستاذة فوزية شاهين ام القوافى

تحياتى وتقديرى وشكرا على امتاعنا دائما بقصائد الحب العاطرة
الرائعة شوية حب واحد واتنين وثلاثة والف كمان 0 ولما
دول شوية حب امال الحب كله يبقى عنك شكله ايه0؟

ودعينىاكرر ماقلته لك من قبل :
***
الحب عندك حب صادق
من قلب طاهر
الحب عندك مش بالمظاهر
الحب عندك
حب مغزول بالجواهر
بنلاقيه بالود ويا الصدق بادئ
بالمبادئ
واللى بيحب المبادئ
بتلاقيه واضح وظاهر
***

ودمت بكل خير ومحبة وسعادة ودام ابداعك الرائع
وتقبلى مرورى المتواضع

عادل عوض سند كتب:: سيبك من عطوفه يافوز

ياللى كلامك زى اللوز

ياللى الحب ف قلبك زهّر

طارح كل الالوان روز

************

الاخت الشاعره الكبيره

ام القوافى / فوزيه شاهين

ثنائياتك الرائعه المحتويه كل هذا الحب النقى نادرة المعنى

وواضح إقتدار كاتبتها ومهارتها الفائقه فى استعمال البحر

المتدارك بتفعيلته السريعه والتى اعطت نكهة للقصيده بما

تحمله من مشاعر فيّاضه من قلب أشعله الغرام .

فكتبتِ :

اوعى تبص ف مرة لغيري

دانا خليت الحب لطيري

لما الطير راح يهجر عشه

راح نطرح له دستور ميري

الشطره الاخيره اشعر انها مدسوسه على القصيده لإرتباطك

بالقافيه ..فما رأيك لو بُدّلت وكُتبت :

إيه حا يكون فى البعد مصيرى

يهيأ لى ان هنا المعنى قد خدم النص اكثر .

هذا رأى ربما يصيب وربما يُخطيء .

كل المودة والتقدير لهذا الإبداع المتميز ...
[b]

انت كلامك زي الشهد

وف أشعارك نمر وفهد

حطيت عينك عندي في شطرة

وانت العارف اني ف مهد

:

استاذي العظيم والشاعر الجليل / عادل سند

سعدت بك كونك هنا تخط بمداد من عسجد على متصفحي

ليزداد بهاء بتواجدك ومشاركتك الفعالة

وانت على حق لقد جلبتها للقافية هههههههههه

بدأت تنهار وتعترف

:

أنت ياعادل عم الكل

ياللي ف حسنك نور بيطل

حبك جوة عيون اولادك

شجرة بتطرح ورد وفل

:

مشكور عدولا على ردك الجميل

أختك فوز

:

عادل عوض سند كتب:: تثبت القصيده بواسطتى

تقديراّ للكلمه وتقديراّ

للشــــــــــــــاعره ..

ثبتك الله على قول الحق

مشكور استاذي الجليل على التثبيت

لك جل الشكر

الشاعرة عزة الزرقانى كتب:: يسلام الحب وحلاوته

وكلامك الناطق ونقاوته

بتقولى ولحرفك معنى

ع الصحبه الحلوة يجمعنا

واللهِ يافوزة ومن قلبى

بدعي لك واطلب من ربى

يحقق لك طلبك ويلبى

وتلاقى محبوبك جنبك

بيقول لك شرفت يا حبى

لما نقول ع الحب كتير

نجري ونفرح زي الطير

واما يكون حبنا لاخواتنا

نلقى ف قلب الكل الخير

:

الجميلة الرقيقة / عزة الزرقاني

كلماتك فيها من الود ما يكفي

ومن الحب ما يكفي

ومن الجمال ما يكفي

ولذلك أقول لك

راقني ما طرحته من كلمات ماسية وحروف نرجسية

ولك كل الود

كوني بخير

:

الاخت الشاعره الكبيره

فوزيه شاهين

تم تثبيت القصيده من قبل من مدة حوالى { سبع سنوات تقريباّ }

وطبعاّ فك تثبيتها وها انتِ تعودين .

فتقديراّ لعودتك السالمه من بلاد { الفرنجه }

تثبت القصيده بواسطتى مرة { سابعه }

هههههههههههههههههه

مساء الفل ..

عادل عوض سند كتب:: الاخت الشاعره الكبيره

فوزيه شاهين

تم تثبيت القصيده من قبل من مدة حوالى { سبع سنوات تقريباّ }

وطبعاّ فك تثبيتها وها انتِ تعودين .

فتقديراّ لعودتك السالمه من بلاد { الفرنجه }

تثبت القصيده بواسطتى مرة { سابعه }

هههههههههههههههههه

مساء الفل ..

ههههههههههههههه

مساء الورد

ولأنك غالي علينا اووووووووووووي

رجعت لك من بلاد الفرنجة احمل حقيبتي

وبها ما بها من كلمات وحروف

كي ابثها لكم بكل حب وود

وربنا ما يحرمني منك ولا من تثبيتك لقصائدي

يا عم الكل أنت

ياقلب ابيض وصافي

يا نبض اخضر ودافي

ياحرف مؤنس وشافي

حلوة شافي دي كأنك دكتور هههههههههه

طبعا انت احسن من مليون دكتور

:

اختك فوز

:

أميرة البدرى كتب:: الشاعره الرائعه والقديره
فوزيه شاهين
كلماتك غمرت قلبى بالسعاده
وملئت واضاءت روحى وقلبى بانوارها الوهاجه
الله على حضرتك وعلى روعه كلماتك
دمت استاذتى بهذا القلب النابض بالحب
لكى يمتعنا بكثير من الحب
تقبلى ودى وتقديرى

الشاعرة المتألقة / أميرة البدري

سعيدة بك كونك هنا تحطين الرحال على ضيعتي

كما راقني ما تفضلت به من عذب الحديث

وكلماتي ازدانت بتواجدك

واشرقت شمسي اليوم

واتمنى الا تغرب

غاليتي

كوني بخير

:

الشاعرة الرائعة والقديرة فوزية شاهين
ما اجمل قصيدتك فهى بها كل المعانى الجميلة
والكلمات المنسقة
دمتى ودامت روعتك
دمتى بكل الحب

عادل عوض سند كتب:: الاخت الشاعره الكبيره

فوزيه شاهين

تم تثبيت القصيده من قبل من مدة حوالى { سبع سنوات تقريباّ }

وطبعاّ فك تثبيتها وها انتِ تعودين .

فتقديراّ لعودتك السالمه من بلاد { الفرنجه }

تثبت القصيده بواسطتى مرة { سابعه }

هههههههههههههههههه

مساء الفل ..

منا كمان بقول انا فكره انى انا اللى مثبتاها يا استاذ عادل

بقدرة قادر اتثبتت تانى أزاى

كويس انك قولت اصل انا كنت فاكره انى

اتجننت ومتهيألى بس الحمد الله انا بخير

دمت بكل حب

السلام عليكم .. مجرد رأي
الأخت الفاضله .. الشاعره القديري أ / فوزيه شاهين
احترامي وتقديري

أستاذه فوزيه
دائما أتجول بين كلماتك ..
فأحاول أن أكتب كلمات ..
ورغم صعوبة المحاوله .. والمعاناه التي تتحدي
من مثلي .. إلا أنني أطرح بين يديك ما نتج عن المحاوله ..

ليه الحب تمللي خطير
جوّ قلوبنا يفضّي وطِير
وبيشغلنا كتير ويطوّل
وطول الغيبه أعيشه أسير

نفسي اطمن رغم غيابك
يمكن قلبي سابني وجالك
وانت بقالك وقت مليـّـل
طيفك جاني يطل عشانك

لما سألته مين وصـّاك
تيجي ويهرب قلبي معاك
ولمّـا بيرجع بالقاه عيّـل
وبيعصاني ويجري وراك

بعد دا كله ناسي تجيني
تجبر خاطر قلبي وعيني
إن مارجعتش هاقدر احوّل
قلبي ونبضي وكل حنيني

وأشكرك لو تقبلتي مروري المتواضع
وللجميع تحياتي

إيمان الروبى كتب:: الأستاذة الرائعة :- فوزية شاهين

فعلاً شوية حب كتير .. من قلب كبير بيساع من الحبايب ياما

سلمت يداكِ .. دمت محبة بقلب صافى .

أستاذتى وشاعرتنا
ليه أسطورة الحب تموت

لما نقول للهمس سكوت

===
الشوية حب كثرت قوى
مش شايفة انه كفاية حب بقى

فوزي الشربيني كتب:: الاخت العزيزة الغالية الشاعرة الكبيرة المتألقة دائما
الاستاذة فوزية شاهين ام القوافى

تحياتى وتقديرى وشكرا على امتاعنا دائما بقصائد الحب العاطرة
الرائعة شوية حب واحد واتنين وثلاثة والف كمان 0 ولما
دول شوية حب امال الحب كله يبقى عنك شكله ايه0؟

ودعينىاكرر ماقلته لك من قبل :
***
الحب عندك حب صادق
من قلب طاهر
الحب عندك مش بالمظاهر
الحب عندك
حب مغزول بالجواهر
بنلاقيه بالود ويا الصدق بادئ
بالمبادئ
واللى بيحب المبادئ
بتلاقيه واضح وظاهر
***

ودمت بكل خير ومحبة وسعادة ودام ابداعك الرائع
وتقبلى مرورى المتواضع

الشاعر ذا المشاعر النقية / فوزي الشربيني

لقد راقني ما تفضلت به من جمال الكلمات التي تدل

على طهر قلبك ونقاء سريرتك وشفافية روحك

كما أنت علامة في جبين كل مبدع

وكما أنت الأخ الذي يحتوي الكل تحت جناحيه

وكما أنت المشجع لكل كبير وصغير

وسوف تظل هامة عالية في عيوننا أبد الدهر

أخي الكريم

أسعدتني بكلماتك وأثلجت صدري بحضورك المشرق

كن دوما بخير يحدوك الحبور والبشر

:

احمد ابراهيم الحارونى كتب:: الشاعرة الرائعة والقديرة فوزية شاهين
ما اجمل قصيدتك فهى بها كل المعانى الجميلة
والكلمات المنسقة
دمتى ودامت روعتك
دمتى بكل الحب

الشاعر المبدع والأخ الراقي / أحمد إبراهيم

الجمال في حضورك تجسد على متصفحي

وأشرق فجر جديد عندما خط قلمك هنا

والروعة تواجدت بتواجدك

لك من قلبي تحية جلية

وكن بخير

:

الشاعرة عزة الزرقانى كتب:

عادل عوض سند كتب:: الاخت الشاعره الكبيره

فوزيه شاهين

تم تثبيت القصيده من قبل من مدة حوالى { سبع سنوات تقريباّ }

وطبعاّ فك تثبيتها وها انتِ تعودين .

فتقديراّ لعودتك السالمه من بلاد { الفرنجه }

تثبت القصيده بواسطتى مرة { سابعه }

هههههههههههههههههه

مساء الفل ..

منا كمان بقول انا فكره انى انا اللى مثبتاها يا استاذ عادل

بقدرة قادر اتثبتت تانى أزاى

كويس انك قولت اصل انا كنت فاكره انى

اتجننت ومتهيألى بس الحمد الله انا بخير

دمت بكل حب

حصل خير يا جماعة

لكن في الحالتين الاستاذ عادل قال انه هو اللي ثبت القصيدة

ولم تعلني يا عزة تثبيتك لها

المهم انا سعيدة بكما لانكما تواجدتا معا على قصيدتي

وهذا يدل على حرصكما الدؤوب على اظهار اعمال الشعراء بصورة جميلة

أشكركما من كل قلبي

» {... شوية حب1 . ..}
» شوية حاجات
» شوية فضفضه فى مربعات ورباعيات
» لحظات .......’’ عمل قديم شوية,,
» لأ يانجم أستنى شوية - طارق منيب