حاقول للعصافير من طرف محمد السيد السلاموني

حاقول للعصافير
ماتعرفكيش مكاني
لو كان في هواكي خير
لشجرنا حاتيجي تاني
كبرتي فشجري وورَقتي
وورقتك لحمت في ورقتي
يعني لو رحتي وقطعتي
يتقطع قلب تاني

العصافير عودناها
تشوفنا ويا بعض
من كتر ماطيرنا وياها
نزلت تنام عالأرض
لما إحنا غبنا وسبناها
كرهت شجرها وسماها
وإحنا السبب حزَنَاها
بفراقنا اللي مايرضيش حد

أما الشجر من غير عصافير
دِبل وورقه بيتقطَف
عالأرض كل ورقه تطير
ومعاها قلبي بيتخطَف
بس الفراق ماجرحش إتنين
أخد معاه قلوب تانيين
شجر عليه عصافير حلوين
إيه يجرى ليهم مين يعرف

أخيراًرضيت عننا ياأستاذ عادل على فكره رأيك مهم عندي جداَ أما مرورك زي مرور دمنهور كل حته كمين
ويارب أكون عند حسن ظنك

الموضوع جميل والفكرة اجمل وانشاء الله مع الوقت انا وحضرتك هنوصل للتفعيله
تقبل مرورى

ياستي ربنا يتقبل
ومش المهم تفعيله أو غيره المهم الصدق ياأستاذه منه
وأنا سعيد بمرورك وماتحرمش منه أبداً

قصيدة مغردة
أيها العصفور الشعرى المميز
تقبل مرورى المتواضع

أنا سعيد جداًبمرورك ودمتى
يا أستاذه إيمان
مع أملي بتواصل دائم

شكرأً على مرورك يا أستاذه
عزه لأنك على قدر من
الوعي الشعوري وهوه
ما يفتقده بعض الفنانين
وشكراً

الأستاذه وداد
نحن نختلف عن البشر مادمنا
فنانون حقيقيون
نتأمل الكون في وقت
لايعرف فيه أحد التأمل
نشعر بالدفأ في وقت
الأخرون فيه من حولنا
قد يشعرون بالبروده
نحزن في وقت
لا يوجد للحزن مكان فيه
إلا أخر تلك التفاعلات
مع الوجود
لما الإستغراب إذاًوالعصافير
نحن نملكها بما إننا نملك
الوجود بداخلنا
وعصافير أخرى ستأتي
لأنك تحبينها

وشكراً لك على مرورك
السلاموني