مــن دمــــــعـــــــتى

من دمعتى من ضحكتى من عشق عينى
وسط الحياه وسط الزمن هـــاتعرفينى
هاتعرفى قلبى الكبير
مش هايتغير كتير
هاتلاقى من يوم ماسيبتك
لسه ماتغيرش فى
حاجه مالحب اللى كان بينك وبينى
صعبه الحياه وعذبها صعب اتحملوا
بس الطريق كان لازم امشى واكملوا
سبتينى وسط الدنيا والايام لوحدى
سبتينى اضيع جوا الزمن واخترتى بعدى
سبتينى اقاسى وانتى عشتى العمر بعدى
وفى لحظه واحده كسرتى قلبى وخونتى وعدى
ايام كتيره مره بعدك عشتها
وليالى حزن كتير خادتنى فى حضنها
فكرتى فيكى وقلبى قالى ماتستاهلشى
وقالتلى عينى خساره يبكى عليها رمشى
قلبى وعينيا يقولو خونها واقول ماخنشى
وكأن حبك جوا دمى بحور بتمشى

غنائيه جميله يا سامح
واظن انك تمتلك القدره على كتابة القصيده
فلماذا لا تكتب القصيده ؟
نجحت فى الاغنيه . ومن السهل ان تنجح فى القصيده
حاول ونحن فى الانتظار .
نص احييك عليه صغته بإقتدار وحرفيه ومهارة شاعر متمكن
تقبل منى مرورى وودى ...

وليالى حزن كتير خادتنى فى حضنها
فكرتى فيكى وقلبى قالى ماتستاهلشى
وقالتلى عينى خساره يبكى عليها رمشى
قلبى وعينيا يقولو خونها واقول ماخنشى
وكأن حبك جوا دمى بحور بتمشى

الشاعر الجميل المتميز جدا جدا سامح
الله عليكى قصيده فى منتهى الجمال والروعه
واحساسها عالى جدا
وابدعت فى خلق حوار مع العين والقلب
ولكن فى النهايه الحب الصادق والاحساس الصادق تغلب عليهم
وفاض كالبحر فى دمائك
قصيده مليانه بالتعبيرات الجميله جدا
برافو عليك ياقمر
ومزيد من التقدم بأذن الله
تقبل مودتى وتقديرى لفنك الجميل

ودائما تتحفنا

سامح الكومى

بإبداعك المتميز

وغنائياتك عالية الجوده

ورغم انها

من دمعتك

ألا أنها

زى ماحبيتها

كتير حبتك

وان كانت مشيت

وسبيتك

معنى اكيد

أنها أصلا صحبتك

تسلم وسلم قلمك الرائع

دمت بكل حب وخير

دمت ودام ابداعك

الروح الغنائية فيك يا سامح قوية وقدرتك على رسم تابلوه الأغنية تثبت أنك شاعر غنائي خطير والتفعيلة المقلوبة من مستفعلن إلى فاعلاتن مقبولة في الأغنية لقرب المسافات الصوتية بين التفعيلتين
تهنئتي لروحك الغنائية

ســــامح الكومى / الشاعر المتميز

الأن تحكمك فى الوزن للقصيدة الغنائية واضح

ومن قرأ لك من قبل يلاحظ تقدمك السريع والملحوظ

بسم الله ما شاء الله

ولكننى لاحظت أيضاً إصرارك على الكتابة حول موضوع

واحد هو خيانة الحبيب ما عدا (رسالة إلى روح والدى )

تلك القصيدة الرائعة . ( و ح أتجوزها ) !!

إنسى هذا الحبيب الخائن وأبتعد عن دائرته .. لتكتب .. شعراً

ذا قضية وفكِر .

فبرغم الصدق

فيما كتبت إلا أنك أعطيت هذا الخائن أكثر مما يستحق فى الكتابة

عنه!!!

دمت مبدعاً

وكل عام وأنتم بخـــــــــــير

وداد الهـــــــــــــوارى

سامح
بجد انك جدير بالابداع بكل كلماتك
لاكن اتمنى ان تنظر لعدم تكرار بعض الكلمات؟ سبتينى؟
معندهاش نظر تسيب واحد مثلك ههههه
اختك
بنت الصعيد ريمى

اشكرك يااستاذ عادل عوض سند

شكرا يامرمر على كلامك الرقيق ده

اشكرك يااستاذه عزه الزرقانى

اشكرك يااستاذ ابو القوافى

شكرك يااستاذه وداد

ميرسى ليكى جدا يااحلى ريم صعيد على شبكه الانترنت كلها