يقولو درويش

موضوع: يقولو درويش الأربعاء أكتوبر 28, 2009 2:19 pm

يقولو درويش
ودروشتك سبب همك
سبب جرحك سبب غمك
ودايما للورا جايباك
فامتى تعيش
بقولو م تزيح ورا ضهرك
وامشي كلهم ماشيين
وروق م الجنان خاطرك
وعيش كلنا عايشين
بفيه ومفيش
قالو الدراويش د غلبانة
وشايلة الهم تعبانة
متتشطر وتتشحرر
و تتدردح و تتنحرر
وهلبش زي ماهي ماشية
لا تستنى نضافة ايد
ولا تتغم يوم العيد
دا دنيا وحوش
معيِّش روحك الضلمة
ضعيف والجموع ظالمة
متظهر يا للا م العتمة
وتنسى تكية الدراويش
لا بلدك تملى وجدانك
ولا دينك ولا اخوانك
ولا ارضك ولا اوطانك
و لو مال الزمان مرة
تدوس الكل بحصانك
وزوَّغ زوغة الخفافيش
لبخلك علق اليافطة
وماتديش ولو فايضة
دا لو سبتلهم السايب
من السيراميك تكون انضف
وزيرك والله يتفضَّى
ساعتها مفيش
لتلقى حد يديلك
يقيم الشيلة ويشيلك
ولا ولادك مساعدينك
لا هدمة ولاَّ لقمة عيش
فلسطين ايه كده روَّح
وغزة ايه بتطوح
ولأ وكمان تقول بغداد
متطرَّق وتتسوَّح
علينا نافش المنافيش
م تنسى دي الهموم انسى
وترسيلك على مرسى
وبص لفقرك اللاذق
على كتافك حمول أقسى
م يا لا تاخد البنسا
يا راجل شوف بلاوينا
و طاطي وعيش
د حكامنا
يعيشو العمر حكامنا
يطول العمر قدامنا
نزلنا م لقيناش غيرهم
كتر خيرهم
وهايسوقونا بأديهم
لحد م نوصل التربة
وهيعزونا لارحمنا
واولادنا
ونصبة خيمة او مادنة
يعيش ويعيش
وقالوا قد ايه الدراويش
قليل ومفيش
م تدروش ف خيمة وانتهى امرك
وتعبد ربك الباري
وتنسى الكل وتداري
وكاس القرب دا خمرك
بحبة زيت ولقمة عيش
وهدمة خيش
يا إمَّا تدخل الزنازين
ورا القضبان وشباكها
سواد والضلمة قولي مين
هايفتكرك بشنكلها
وسجانها على راسك
وصقعتها وجدرانها
تسيب بيتك واولادك
ع البرش اللي اجدادك
زاروه هتزور وجلادك
متشبعشي من التلطيش
وتنسى يعنى ايه اسمك
وتنسى يعنى ايه بلدك
وتنسى يعنى ايه دينك
ولا تشوكنا من شوكك
ولا تشممنا ياسمينك
وإلاَّ نقتل الدراويش
فقلتلهم
د موتنا امنية دينا
لا نهنا العيش و يهنالنا
بغير م نقدم ارواحنا
فدا دينا وأوطانا
فمتقلولويش
دكل الناس تغنيلها
وانا المحروم من الغنوة
وانا طيرها مفيش غيرها
دي نن عنيا من جوة
د لحم اكتافي من خيرها
و جسمي الطميِّ من نيلها
ونور عيني فدا نورها
هارجع نور قناديلها
تضوي وشوش
ولو متنا نحنِّيها
ودمِّة قلبنا الحنِّة
نرقَّع توبها بجلودنا
وعضم التربة عكَّازها
مخدتها نعامة ريش
لحد م يرجع الفارس
صلاح عابد وحراسها
يوحدها يجددها يجمعها
وعدله يغسل اوجاعها
يجيب النصر بالفرحة
يلبسها الايمان طرحة
ويلمح تحت حدوة خيل
من التربة ابتسامتنا
فيدعيلنا وندعيلوا
ولو تحت التراب إحنا
مبنخبيش
د ملح الارض م الدراويش
ومية خضرة والضِّلّة
د لمَّا يفهمو دينهم
يكونو العون من الذلة
يكونو للعيون فلة
وللعطشان من الرحمة
وزحمة ظلمهم عتمة
نكون قلة
فقلتم ايه
بقينا التقل في كتافكو
فيا للا هاتوا سيافكم
ولا شفنا ولا شافكم
وهنونا بختمتنا
وهاتوا الجنة للدراويش
متتعبونيش
ولا تقولوش ف يوم درويش
و تنهوا قصة الدراويش
29/11/2008
دمتم مبدعين

قصيدة كلها الحب لمصر ..

صور ها ومفرداتها وصدقها مرت كلها من القلب الذى يعشق تراب

هذا البلد الأمين .

دمت مبدعا

وداد الهــــــــــــــــــوارى

موضوع: رد: يقولو درويش السبت أكتوبر 31, 2009 1:09 pm

الاستاذ الشاعر
الطنطاوى
الدراويش فى قصيدتك الوطنيه الصارخه
يتمنون عودة صلاح الدين او عمر بن الخطاب
بعدله وإيمانه . ونسوا ان بيننا الف صلاح والف
عمر .. ولكن .. وضع الف خط تحت ولكن ..
اين هم ؟ اتدرى اين هم ؟
خلف القضبان وداخل الشقوق المعتمه لكونهم
قالوا : لا إله إلا الله محمد رسول الله ..
سوف يحين الوقت ان آجلاّ او عاجلاّ لتخرج
الكلمه على الملأ وتنتشر كإنتشار النار فى الهشيم
قصيده احييك على صياغتها وصبغتها الوطنيه
الصادقه .. مع خالص تقديرى ...

موضوع: رد: يقولو درويش السبت أكتوبر 31, 2009 2:07 pm

الشاعر المبدع الكبير
الاستاذ طنطاوى

قصيدة وطنية فوية
تفاعلنا معها فادمت قلوبنا
دمت ودام ابداعك الرائع
وتقبل مرورى المتواضع

موضوع: رد: يقولو درويش الأحد نوفمبر 01, 2009 3:19 pm

وداد الهوارى كتب:: قصيدة كلها الحب لمصر ..

صور ها ومفرداتها وصدقها مرت كلها من القلب الذى يعشق تراب

هذا البلد الأمين .

دمت مبدعا

وداد الهــــــــــــــــــوارى

اختي وداد الهواري المبدعة الكريمة
السلام عليك ورحمة الله وبركاته
نعم اختي
تشرحني هذه الابيات
د كل الناس تغنلها
وانا المحروم من الغنوة
وانا طيرها مفيش غيرها
دي نن عنيا من جوة
دلحم كتافي من خيرها
وجسمي الطمي من نيلها
ونور عيني فدا نورها
اختنا الكريمة ومن لا يحبها
الخير مزخور بها والامل معقود عليها لنصر دين الله
فمتى تقوم نسأل الله النصرة منه وبنا أمين
تقديري لسبقك الكريم الي تواضع ابداعي

موضوع: رد: يقولو درويش الأحد نوفمبر 01, 2009 3:50 pm

الشاعر الرائع الطنطاوى حسين

جميل أن أراك على صفحة العاميه

والاجمل أن أرى قصيدة عالية الجوده

والروعه والسرد والمفردات والمعانى

أهنئك عليها

دمت مبدعا دمت بكل خير وحب

ملحوظه تثبت القصيده بواسطتى

لروعة الحرف

موضوع: رد: يقولو درويش الأحد نوفمبر 01, 2009 4:13 pm

الشاعر المبدع / الطنطاوى حسين
الله عليك روعه واكثر من روعه
قصيده وطنيه تشم فيها ريحه بلدنا
ما اجمل تعبراتك وتصويراتك
اللى بتاخد العقل والقلب
دمت مبدعا
تقبل مرورى

موضوع: رد: يقولو درويش الأحد نوفمبر 01, 2009 4:46 pm

الشاعر الطنطاوى
عاميتك لا تقل عن فصحاك
تقبل كل الود و الاحترام

عادل عوض سند كتب:: الاستاذ الشاعر
الطنطاوى
الدراويش فى قصيدتك الوطنيه الصارخه
يتمنون عودة صلاح الدين او عمر بن الخطاب
بعدله وإيمانه . ونسوا ان بيننا الف صلاح والف
عمر .. ولكن .. وضع الف خط تحت ولكن ..
اين هم ؟ اتدرى اين هم ؟
خلف القضبان وداخل الشقوق المعتمه لكونهم
قالوا : لا إله إلا الله محمد رسول الله ..
سوف يحين الوقت ان آجلاّ او عاجلاّ لتخرج
الكلمه على الملأ وتنتشر كإنتشار النار فى الهشيم
قصيده احييك على صياغتها وصبغتها الوطنيه
الصادقه .. مع خالص تقديرى ...

سلام من الله عليكم ورحمته وبركاته
اخي الكبير الحبيب عادل سند
تشريفك لي ابداع وحده
وانا لست معك ان الدرويش البطل في القصيدة ينتظر صلاح الدين كصلاح الدين ولكن كرمز للقيادة المسلمة
اما الدرويش نفسه هنا فقد قدم من نفسه القدوة وما يستطيع حتى روحه وعيونه وجلده وعظمه فلم يرم الشيلة على غيرة
اخي تقبل تقديري واحترامي ونورتني والله

فوزي الشربيني كتب:: الشاعر المبدع الكبير
الاستاذ طنطاوى

قصيدة وطنية فوية
تفاعلنا معها فادمت قلوبنا
دمت ودام ابداعك الرائع
وتقبل مرورى المتواضع

الاستاذ فوزي الشربيني
سلام الله عليك ورحمته وبركاته
نورتني وشرفتني اخي
والحمد لله ان حازت الرضا القبول
وانما ادمت القلوب لان الجرح واحد والدرب واحد ان شاء الله
تقبل تقديري وامتناني

أخى الطنطاوى
أيها الدرويش الجميل فى حضرة مصر
و فى رحاب الجمال
لقد أمتعتنا بهذا الجمال الساحر
و هذا ابوح الشفيف الذى أدهشنا
عذوبة و حميمية رائعة
خالص الود
أخوك

الشاعرة عزة الزرقانى كتب:: الشاعر الرائع الطنطاوى حسين

جميل أن أراك على صفحة العاميه

والاجمل أن أرى قصيدة عالية الجوده

والروعه والسرد والمفردات والمعانى

أهنئك عليها

دمت مبدعا دمت بكل خير وحب

ملحوظه تثبت القصيده بواسطتى

لروعة الحرف

الشاعر القديرة والمشرفة الفاضلة /عزة الزرقاني
سلام الله عليك ورحمته وبركاته
شكرا جزيلا على التثبيت
وتقديري لمرورك الجميل وثناءك الحسن الذي اسأل الله ان اكون اهله
والحمد لله ان حازت الرضا والذائقة الكريمة
تقديري وامتناني لك اختاه
دمت مبدعة متألقة

أميرة البدرى كتب:: الشاعر المبدع / الطنطاوى حسين
الله عليك روعه واكثر من روعه
قصيده وطنيه تشم فيها ريحه بلدنا
ما اجمل تعبراتك وتصويراتك
اللى بتاخد العقل والقلب
دمت مبدعا
تقبل مرورى

الفاضلة اميرة البدري
سلام الله عليك ورحمته وبركاته
اختنا شرفتيني في متصفحي المتواضع
وبوحي المقصر
فدمت بكل خير
واشكرك للتعليق الرائع الجميل المحفز
تحياتي

الحبيب تامر محمود
شرفني مرورك ايها الجميل
وشكرا لتعليقك الممتاز
اخي عاطف واستاذي
اسف للتأخر في الر د
وجزاك الله خيرا على الوقوف بجانبي
دمت مبدعا رائعا استاذا

» محمود درويش
» مرحبا امل درويش
» هرتلات درويش
» البقاء لله فى محمود درويش
» الحصان الورق شعر على درويش