من ديوان سرسوب قمر

مرصود على خط ضميرك
..................................
بيعيد فى النظره وسارح
بيبوس فى سيجارته السافله
وشريط بيعيد فى إمبارح
ويقوله مالكش فى بكره
مسنود
فوق همه وساكت
ومعلّق عينه عليها
بتشد بكل زهقها
م الطاوله دراع كرسيها
مسكت فنجان القهوه
وقالتله أ شوف وأبيّن
بتساوى الفكره ف راسها
واترجرج حب عيونه
على صوت
ميّت ف وداعها
يزعق فى ضميره الساكت
ليه شطبت فى ضهر كتابك
تراتيل وببان الحكمه
واتحير قلبه معاها
خايف من خط الرجعه
بتقوله
الخط ده أعوج
حرقاك قوى طعم العيشه
ومرارها بيلدع حلقك؟!
ساكت
وبتنعى ف همك؟
برضُه عليه مابترد ش
وجعك
أهو قدام عينى
صابروده كله ف قلبك
فرغ من جوفك وجعك
افتح كفك ورينى
الخط اللى فى فنجالك
مقطوع
فى قراية حظك
والخط التانى البايش
مرصود
على خط ضميرك
بيصحّى الجزء الميت
ويموت
من خوفه العايش
بتدارى الخوف بسكوتك
سارح
مستنى رجوعك
تتمنى اليوم
أو بُكره
على اخر نقطه فى دمك
بتقول لك فيها
يا وطنى
مدبوح
على عتبة حلمهُ
خايفين لا ف سَكرة موتك
تهتف وتنادى بإ سمه
صحّت أوجاعهُ النايمه
تسكت يفاجأها بكلمه
كمّلى ايه تانى ح يجرى
شايفاه بيغلى ويتلوى
ونهايته فى آخر نقطه
معقول دلوقت حتحصل
ويتوه فيها ويتأمل
تلاقيه بيسلم بدرى
الروح ودوسيه اعماله
تغرق فى عينيه وتعلل
تصرخ
اصحى وكلمنى
زى مافنجالك
قالى
ح تموت
من قبل ماكمّل..
................................

الله عليك يا عبده يا نجيلى ... بتشــــــــــوف الفنجان إزاى لحــــــــد

كان بيمـــــــــــوت ؟ قفلة حراقة قــــــــــــــــوى .

ولكــــــــــن هـــــــــو الأمل يا أخـــــــــى

الذى لابد أن نتمسك به لأخــــــــــر الخط

ولا نقطعــــــــــــه !

وداد الهـــــــــــــــــــوارى

شاعرنا الكبير عبد القادر
قصيدة تحتاج للمرور اكثر من مرة
لاستبطان خفايا هذه الرائعة
خالص المودة
أخوك

الاستاذ الشاعر الكبير
عبده النجيلى
{ كذب المنجمون ولو صدقوا }
وهنا فى هذه القصيده وببراعة الشاعر وحرفيته
اجلستنا امام هذه العرّافه لنرى المستقبل المعتم
وصراع النفس وصحوة الضميروالابيات التى تقول :
والخط التانى البايش
مرصود
على خط ضميرك
بيصحّى الجزء الميت
ويموت
من خوفه العايش
الله عليك وعلى جمال هذه القصيده وهذه البصمه التى لا تتكرر
كل التقدير لقلمك الذهبى ولشخصك الرائع ...

القدير عبده النجيلى

مش عارفه أقول لك ايه

حد متفرد بموضوعاتك

اللى لا يطرقها ألا عبده النجيلى فقط

دمت رائعا ومتفردا ايها القدير

ملحوظه

تثبت القصيدة بواسطتى

جميلة يا استاذ عبده
تهنئة من القلب على هذه الروعة

الاستاذ الشاعر / عبد القادر النجيلى

ااحسنت التعبير وابدعت التصوير

فنجانك

ده خدَاع والعرَافه كدابة

صور لى العمر ضياع

حاول ما تصدقهوش

مهما يقول لك من خانك

مش رب الكون كان قال

لو كات صادقة العرَافه

برضه هى الكدابة

رجاءا تقبل مرورى

موضوع: رد السبت سبتمبر 19, 2009 2:59 pm

الأستاذه / وداد
ستظل مصر هى عرافتنا التى نستضئ بطالعها
اشكرك جداً ديماً سباقه بالخير
احنا بنستمد الأمل من الله ومن الناس الطيبين امثالك
اشكرك على المرور
وربنا يتقبل منا ومنك الصيام والقيام
وكل عام وانتِ بخير

وداد الهوارى كتب:: الله عليك يا عبده يا نجيلى ... بتشــــــــــوف الفنجان إزاى لحــــــــد

كان بيمـــــــــــوت ؟ قفلة حراقة قــــــــــــــــوى .

ولكــــــــــن هـــــــــو الأمل يا أخـــــــــى

الذى لابد أن نتمسك به لأخــــــــــر الخط

ولا نقطعــــــــــــه !

وداد الهـــــــــــــــــــوارى

الأستاذ عاطف الجندى
اشكرك على هذه الكلمات التى اسعدتنى
وكل عام وانت بخير

عبد القادر النجيلي كتب:: الأستاذ عاطف الجندى
اشكرك على هذه الكلمات التى اسعدتنى
وكل عام وانت بخير

الأستاذ الكبير والأخ الحبيب/ عادل سند
والله ياخويا ولاد كلب المنجمين دول هرشوا دماغنا
والحاله استدعت..ان نهتدى بطالع عرفتنا مصر المرسوم فى واقع فنجانها المر
واهو خليك ورا الكداب لحد باب الدار
والله ماعارف يمكن خيلنا احنا اللى كداب
اشكرك على المرور ياغالى
وعيد سعيد عليك وعلى الأسرة الكريمة

اشكرك استاذة عزة
انتِ والله اللى متفرده فى تعلقاتك
كل سنه وانتِ طيبه ياغاليه
واشكرك

اشكرك استاذ / عنانى عنانى على هذه المجامله الطيبه
وكل عام وانت بخير

استاذة / هناء سعيد
اسعدنى مرورك
ومشاركتك لقراة فنجان وقعنا المرير

من أبرز سمات الشاعر عبد القادر النجيلي سمة هي الواجب توفرها في شاعر العامية بشكل محدد؛ الاهتمام بالهم العام ومحاولة التصدي لتعرية هموم هذا الواقع المعقد في جملة تفاصيله .
إنه بالضرورة لم يسع لمحاكمة واقعه محاكمة محفة ولكنه فقط يحمل في جنبه قلب الشاعر الحقيقي الذي قد يعتب ولكنه لا يكره.
إن الوطن قد سمح بتغييب العدالة عمدا؛ وحين احتكمنا للحظ أختلت الموازين؛ فاضطرننا إلى استجداء القدريات التي قد تمنحنا معنى جديدا للحياة بين جنباته.
عم عبده .. أعترف هنا إننا أمام نص مراوغ حقا لا يمنحنا نفسه من القراءة الأولى
دمت مبدعا كبيرا كعهدي بك

الحبيب حسام حسين
كل عام وانت بخير بمناسبة عيد الفطر المبارك
اعاده الله علينا وعليك وعلى الأمه الأسلاميه باليمن والبركات
اشكرك ياغالى على هذه القراه التى اسعدتنى وعايز اشوفك طوالت قوى عليه
(غيابك طال ياروح قلبى ومن امتى الغياب بيطول)
اشكر مرورك واتمنى نلتقى فى اسرع وقت على خير
سلام ياغالى

الشاعر الفنان / عبد القادر النجيلى

خطفتنى قصيدتك مرة ثانية فعدت لقراءتها

شكراً لجمال إبداعـــــــــك ووعيك

وداد الهـــــــــــــــوارى

موضوع: رد السبت أكتوبر 10, 2009 8:32 am

الأستاذة والأخت الغالية / وداد الهوراى
أشكرك جداً على الإهتمام بالنص
وأسف جداً على التأخير فى الرد ..
أشكرك على هذه المجاملة التى أثلجت صدرى