صيام الأقصى

ايه راح يجرى ؟؟
لو حنجوعوا ايام وسنين
ليه راح نزعل ؟؟
ما حنا بقالنا كتير صايمين
بس الخوف م الجوع ليأثر
على احساسى
واشوفه يموت
خايف عزمى ف يوم يتكسّر
لما الاكل قصادى يفوت
اصل الناس
فى الارض التانيه
دفعوا تمن الاكل سكوت
شافوا البطن ما تستحملشى
قالوا بعد الاكل .. حنمشى
فطروا لما { المغرب } حان
انما عمرى
ما عشت فى طوعهم
ولاّ حاولت
فى يوم اطاوعهم
رغم العمر بحاله جعان
حاوصل للطباخ واقولّه
عمرى ما حمضغ
اكلى بذله
اصل انا عكس العالم كلّه
حا افطر لمّا
{ الفجر } يبان ...

الاستاذ الشاعر والاخ الحبيب
عبد الله جمعه
والله يا اخى هذه القصيده كتبت فى 7 / 11 / 2002
وما كانت فى الحسبان .
لولا انى باتصفح ديوان جرعة وطن ورأيتها .
وقلت هذا هو الميقات الملائم لنشرها .
اشكرك واشكر مرورك على صفحتى المتواضعه
بهامتك السامقه .
لك منى كل الود والتقدير ...

اشكرك على دعوتك للتثبيت
مرورك يشرفنى
واعلو بتشريفك ...

الاخ الحبيب
عبد الله جمعه
القصيده ثبتتها الاخت عزه الزرقانى
وانا عمرى ما كنت حا اعملها
اشكرك على اهتمامك ...

الاخت الشاعره
عزه الزرقانى
شكراّ على مرورك وتثبيت القصيده
لكى تقديرى وودى ...

معلش يا عزه
انتى عارفه اخويا عبد الله
الظاهر خبط ما لقاش حد فعرف انكم نمتم
اشكرك وفى انتظار مرورك المنتظر ...

الحبيب الغالى
عبد الله جمعه
والله انا كنت حا اقولك بلاش موضوع الديوك ده .
رمضان جاى والناس مش لاقيه
ومتلهفه على ريشه .
بعدين نندبح يابا ...

الاستاذ الشاعر الكبير
اسامه بهادر
شرفنى مرورك وتعليقك الجميل بكلماته الرائعه
وشرفت بالتعرف على شاعر من كبار الشعراء
له قلمه الخاص ورأيه وابداعه المتفرد .
كل الشكر استاذى لتواجدك على صفحتى
المتواضعه . وتقبل منى كل التقدير .

الاخ الحبيب الشاعر
عاطف الجندى
دائماّ عند مرورك على قصائدى ارى اننى نجحت
فى استفزازك واقرأ لك شعراّ يعلو على ما كتبت
وهذا يسعدنى لأنى تراهنت عليك فى يوم على ان
اجعلك تكتب العاميه والحمد لله نجحت .
قصيدتك جميله يا استاذ عاطف وبالفعل قد طفت اضواء
قصيدتى . وهذا يسعدنى والله .
شرفت بمرورك الرائع وقصيدتك الهائله .
كل الحب والتقدير ايها الرائد ...

اما بالنسبه لموضوع الديوك
فأخوك عبد الله جمعه منه لله لما بينكشنى
ما اعرفش امسك نفسى . ويجرجنى وهوه
يقعد يضحك . معلش له يوم ...

الابنه الغاليه
سحر العيون
اشكرك يا جميل على كلماتك الجميله
ومرورك اسعدنى .
كل سنه وانتى طيبه ...

فيه ايه ياعم عبد الله ؟
انا عطست .
جبتلنا انفلونزا الطيور منك لله
وبكره عاملين فرخه حاضطر ارميها
وارمى جتتى على اى حد اتغدى عنده
ياللا .كاك . كاك . كاك ...