لو يحاولوا يوصفوك....

السلام عليكم .. مجرد راي

تحياتي وتقديري

.......

لو يحاولوا يوصفوك

...........

مهما كانوا بيحكوعنك

أو يقولوا كلام يهمك

يشكروك ......

ويمجَّدوك .....

مستحيل هيقدَّروك

بالقليل من كل حقك

لو يحاولوا يوصفوك

مش هيلاقوا حتي وصفك

أصل الكل عاش ف حضنك

كل هذا وذاك لأنك

مش كفايه تكوني منُّهم

لأ.. لأنك انتي أمهم

شمس الظهيرة وضلهم

قلبك جناين وردهم

كنتي القريبة....

وانتي الطبيبة ...

وكتير تداوي جرحهم

بتعيشي دايما همُّهم

تقوِّي فيهم , حب المكان

توصليهم , بر الأمان

بتروي خير يطرح حنان

ومية عنيك..

بكفوف إيديك..

ياما سقيتي أرضهم

ولما شبعت بطنهم

النبته كانت , عطشت وماتت

رجَّعت , بعد ماشربت

والعين بنورك فتحت

الزهرة قِوْيِتْ , زرَّعِتْ

طرحت ديابه يقطعوك

وكتير يحاولوا يقسموك

وسْقوك خلاصة مرهم

يقْسوا عليك وانتي العفية

ويصبروك رغم الأسية

والضحكة لسه هيَّ هيَّ

ساكنه ف قلبك

حاضنه ف غصنك

تطرح تقاوي تقوي زرعك

تكتب غناوي تغني لحنك

وطول عمرك.....

ماكنتي ف يوم انت الضحيه

ودا إكمنك......

وانتي عايشه ف عز فرحك

همُّهم أكيد يهمك

وتقاسمي كل كربهم

وتآنسي وقت غمُّهم

تنسِّيهم

تِقْسِمِي بينك وبينهم

تطبطبي وتاخدي بإيدهم

تسكِّني جراحهم ف حضنك

ترطَّبي همومهم ف قلبك

تخلِِّي الحب يرجْع مابينهم

تعلِّي الفرح , والله يعينهم



أشكركم

وللجميع تحياتي