لصالح مستشفى سرطان الأطفال

لو كان بجنيه اتبرع
إيدك مع إيدي نجمع
ممكن بجنيهك أأسس
وابني المستشفى واوسع
وأعالج طفل بيبكي
قاعد عمال يتوجع
صوته المجروح بينادي
بيقول للعالم اسمع
ضحكتي تاهت واتقتلت
وياعالم امتى هاترجع
ولا انتو خلاص مش فارقة
طب حتى بصوتك شجع
زي ما من حقق تفرح
من حقه يعيش يتمتع
من حقي يعيش ويغني
ويشوف الشمس بتطلع
ويشوف الحلم حقيقة
ويشوف أمراضي تودع
يا قلوب بالخير مليانه
راح ييجي اليوم وهاتدفع
أصالتنا بتصرخ فينا
والكل ياريته بيسمع

رائع أخي أحمد
ولكن اسمح لي
يوجد بعض الخلل في استعمال بعض الضمائر على حسب فهمي المتواضع


فكلامك هنا على لسان الطفل

بيقول للعالم اسمع
ضحكتي تاهت واتقتلت
وياعالم امتى هاترجع
ولا انتو خلاص مش فارقة
طب حتى بصوتك شجع
زي ما من حقك تفرح
من حقي أعيش أتمتع
من حقي أعيش وأغني
وأشوف الشمس بتطلع
وأشوف الحلم حقيقة
وأشوف أمراضي تودع

*****
أرجو أن أكون وفقت في نقدي لك
ورغم هذا
أنت رائع

احمد شبل
تقبل اهدائى

انا شاكر ليكم جدا على تعليقاتكم الجميلة وان شاء الله راح ااخد بالنقد وان شاء الله أكون عن حسن ظنكم دائما والله الموفق

يا جماعه انتو بتخلوني مش عارف أقول ايه من كتر التعلييقات الجميله بتاعتكم
عاجز عن الشكر

جنية واحد ممكن يجمع مبلغ كبير
فعلا يا استاذ احمد
الله عليك
عمل موجه للخير

بس اللي يسمع يا هناء