كل كلمه

كل كلمه بقولها ليك من قلبى صدقني انا قلبي ميت فيك وانت معذبني عمال احايل فيك وانت مغلبني قريب او كنت بعيد ياحبيبي واحشني من كتر حبي ليك انت بقيت مني حاول تقرب مني حاول تصدقني انا عمري كله ليك وانت بتقتلني وان جيت زعلت في يوم ياحبيبي عاتبني لكن تبعد بعيد عايز تجنني اوصفلك حالي ايه لما بتحضني بكون طاير لفوق ولا حد هاممني وبحس احساس جميل ليه منه بتحرمني ولو كنت بجد بتحبني بتبعد ليه عني لو كنت بجد شاريني بتهرب ليه مني دانت بتوحشني وانت هنا جنبي ولما تيجي تمشي قلبي بيندهلي قوله استني شويه خليه هنا جنبي وعيني تقولي حرام هتسيبه يوحشني وايدي تسال ليه الوقت بيعدي ولما يجري الوقت ياحبيبي وتسيبني بفضل اعاتب فيك بيني وبين نفسي انا ليه بقرب منك وانت بتبعدني انا ليه بفكر فيك وانت غريب عني ياحبيبي شاغلك ايه ياحبيبي ماتقولي وافضل قاعد حزين والفكر شاغلني وافضل افكر فيك والوحده تقتلني خلتني احبك ليه ومنك هتحرمني ياللي غرامك اسرني وانت بعيد عني ياللي جمالك اسرني وانت هنا جنبي حاول تفكر فيا حاول تكون مني وانت بعيد الليل بيطول مابيعدي وافضل اناجي القمر واقوله ويقولي اقوله بحبه ليه وبحبه شاغلني انا ليه بحس بشوق لما بيلمسني انا ليه بحس في عينه بحنين بيقتلني انا ليه لما بحضنه روحي بتتسرق مني ليه بحس انه مني وهو ناسيني رد عليا القمر وبسرعه جاوبني قاللي داهو الحب وعنه اسالني قولتله يالا ياقمر قوللي وانصحني قاللي انا دليل كتير من المحبين انا اللي بسهر اناجي المغرمين انا اللي شفت كل قصص العاشقين قولتله طب ياقمر ماتقوللي طريقي منين قاللي فيه ناس كتير بيحبوا ومش داريين وفيه ناس بيحبوا وهما عارفين وناس عيزين يحبوا ومش قادرين وناس بيحبوا لكن مش محبوبين وناس محبوبين لكن مش حاسين واخيرا ناس بيحبوا ومن حبايبهم محبوبين قولتله قوللي ياقمر انا حبي واخدني لفين وفجأه سكت القمر بصيت شمال ويمين لقيت الفجر هل وعدى الليل الحزين وقعدت استنى ف حبيبي ونور العين وقلت خلاص لما ييجي انا هساله سؤالين ياترى حاسس بيا وف قلبه شوق وحنين والا اللي حبيته مشغول بناس تانيين ولوكان محبنيش اجيب الصبر منين الصبر انا خلصته وبقيت من اليأسين وعموما ياقمر لو كان من العارفين يالا سيبني ياقمر اقوله كلمتين لو كنت عايش لوحدك ومحدش ساكن قلبك لوكنت عايش لنفسك ومحدش شاغل فكرك يبقى انت اكيد مش عايش
[i][list][*]
[list=1][*]

[font=Arial]font]

أرجو ابداء الرأي لانه اول تسجيل

شكراااا جزيلا استاذ عادل عوض على اباء رأيك بهذا الاسلوب الجميل تعودنا منك على هذا دائماااااااااااااا

والله انتي اللي خطيره
انا بجد عاجز عن الشكر
استاذتنا الجليله عزه الزرقاني
تقبلي وافر احترامي على مرورك الكريم