خلاص

موضوع: خلاص الأحد مارس 29, 2015 7:34 pm

خلاص
خلاص يا امايا

ما تبكيش وماتلومنيش

ولا تقولى أنا قاسى

منيش عارف أقيم راسى

وكل حواسى

بتصلبنى من الكفين

أروح على فين

أغمى عنيا ومشوفشى

وأعمل نفسى مش ف البيت

ولاعميت

ولا وعيت

وهما يااما..جرينك

ووخدينك

لسكه صعبه معتومه

وبحر غريق

وانا اللى ف ضيق

ومتكتف

مفيش قدامى غير أهتف

واقول ياغاليه..سامحينى

ح عيش العمر وبدَينى

وانا المغصوب

ولا بأمرى

ولا بأيدى ولا عمرى

لغيرك أعيش

ياضى لعينى متُظنيش

تهونى عليا وأسيبك

دا انا حبيبك

ومهما يكون

أنا فداكى

ح أموت مره و100مره

ودمى يأمى يرعاكى

ودم أخواتى .. نجاكى

حلف ليسيل كمان ياما

ويمحى فلول

ويقتل غول

ويترك للعدو علامه

تكون الدرس فى الكراس

تكونى ياأمى فوق الراس

مش أنتى الحِكر ولاّ ميراث

ولا ريس ح يتريس

عليكى يا امه من تانى

ح أكون علشانك الجانى

واقطع إيد كانت قاضيه

لقلب شهيد

وأموت كل حُسادك

وأجيب لك يااما

نصر جديد

عزة الزرقانى

موضوع: رد: خلاص الإثنين مارس 30, 2015 12:28 am

مرحباً بالأخت عزة الزرقاني مرة أخرى

أستاذة ومعلمة ومشرفة وعضوة بالمنتدى

النص جميل جداً ومعبر جداً عن المرحلة اللي بنعيشها

وربنا ينصرنا على أنفسنا أولاً

وبعد كدة حيكون من السهل جداً إن مصر تنتصر

موضوع: رد: خلاص الإثنين مارس 30, 2015 10:58 am

طارق منيب كتب:: مرحباً بالأخت عزة الزرقاني مرة أخرى

أستاذة ومعلمة ومشرفة وعضوة بالمنتدى

النص جميل جداً ومعبر جداً عن المرحلة اللي بنعيشها

وربنا ينصرنا على أنفسنا أولاً

وبعد كدة حيكون من السهل جداً إن مصر تنتصر

انشاء الله مصر منصوره وللخير دايما مهما حاولو اعدائنا فا هى العظيمه القديره اللى رافعه راسها دا يما وفوق الجميع سلمت استاذ طارق متحرمش من حضورك الجميل

موضوع: رد: خلاص الإثنين مارس 30, 2015 11:31 am

يــــــاه عودٌ حميد أيتها الشاعرة الكبيرة عزة الزقانى
لفترة زمنية كبيرة لم نقرأ لك شيئا فى هذا المنتدى
وأقول لك بان المنتدى قد ذاد إشراقا بعودتك إليه مرة أخرى
ولاأخفى عليك سعادتى بذلك وانتظر باقى الشعراء الأخرين الذين تعلمنا على أيديهم الشعر والأدب

موضوع: رد: خلاص الإثنين مارس 30, 2015 12:44 pm

طاهر طاهر كتب:: يــــــاه عودٌ حميد أيتها الشاعرة الكبيرة عزة الزقانى
لفترة زمنية كبيرة لم نقرأ لك شيئا فى هذا المنتدى
وأقول لك بان المنتدى قد ذاد إشراقا بعودتك إليه مرة أخرى
ولاأخفى عليك سعادتى بذلك وانتظر باقى الشعراء الأخرين الذين تعلمنا على أيديهم الشعر والأدب

......الشرف لى انا وانا لا انسى ولا انكر فضل هذا الصرح الكبير على كليا وعلى كل المبدعين دمت بكل خير وحب استاذ طاهر تحيتى لك

موضوع: رد: خلاص الأربعاء أبريل 01, 2015 7:36 am

الأخت الكريمة الشاعرة / عزة الزرقاني
عمل جميل
في انتظار جديدك دائما

موضوع: رد: خلاص الأربعاء أبريل 01, 2015 11:32 pm

سلمت لنا استاذ عماد عبد الحكيم تحية وتقدير لحضورك الجميل

» خلاص ( ق.ق.ج )
» خلاص..خلاص
» خلاص
» أنا خلاص كده
» خلاص