أنا مصري

مليش دعوه ولا حاجه

ولا نفسي دي محتاجه

للقمة عيش

تكون مغموسه بإهانة

بلاش منها

كده بناقص

انا أصلا" فايض بيا ومش

ناقص

خلاص الكاس بقي لأخره

ومش عاوز

ولا ميه

ولا لقمه

هيحصل ايه

هموت يعني

مانا أصلا كده ميت

من الأول

انا عايش

لكن

روحي

مفارقاني

وسيباني

كيان فارغ

مالوش لازمه

ومتسول

انا مصري

شربت المر من كوعي

وياما من دموع عيني

رويت جوعي

ببلة ريق

مشيت وياكي يابلادي

في كل طريق

أدور ع الهنا معاكي

لحد مادابت الجزمة

مالوش لازمه

لا اعيد ولا ازيد

انا مصري

رضيتي ولا مش راضيه

انا مصري

حزين وياك ولا سعيد

فما يصحش

وميجوزسش

اني ابقي بعيد

مليش دعوه

ولو حتي

مليش دعوه

فانا معزوم

عشانك راضي يابلادي أكون مهموم

انا موافق ببهدلتي

وراضي اني اعيش مظلوم

انا لو عمري يفديكي

يانبع النيل

يهون عمرى ولا تهوني

ويرخص دمعي ف عيونى

كتير        وقليل



** محمد طلبه **