صوت الميدان

موضوع: صوت الميدان الأحد مارس 23, 2014 5:36 pm

.................#صوت الميدان#......................

افرد ضلوع الخلق....جمع كلام فى الحلق.. واحلف تقولهولها
لو تبكى م الاوجاع ...او يوم حنينك جاع ..سدوا بهوا نيلها
دى الشمس فيها ربيع ...وجنه الينابيع ..نايمه على سريرها
لو يوم تحس الفقر.. والضهر مل القهر.. اسأل ينابيعها
مين ايلى نهبينك.. من ايلى دبحينك..مين ايلى راح باعها
مين ايلى شردها ..من ايلى جردها.. مين ايلى جوعها
مين ايلى قتل النور.. مين ايلى نشر الزور..مين ايلى ضيعها

******

أنا ببكى من خوفى ..ببكى على همى
وانتى لا بتشوفى ....دمعى ولا دمى
خايف ماكنش ابنك ...ولا انتى مش امي

******

يا بسمه غاب ضيها .. مش ناويه ليه تصحى
انا راضى ليه بحضنها .. ايلى سبب جرحى
غاوى اعيش جنبها .. راضى اكون ابنها..ولو اتقتل فرحى
دا انا كل يوم اروى .. قلبى وسراديبه
لجل الزروع تكبر.. واقطفلها طرحى
هى النسيم هزها ..مره عشان تبنى.. ام كسرت صرحى
ولاهمها موتى .. ولا شدها سكوتى .. ولا ردها صرخى
وفى حفلة التأبين ..بعت شويش وأمين .. يفتشوا كفنى
غاظ الامين شكلى .. اصل فى مظاهره زمااااااااااان
بهتف يغور الظلم.. أأأم الامين شافنى
هدونا وانا عايش .. وانتى ايلى كرمتى
دبحوا بقسوه الجسد.. وبواقى فى كرمتى
والليله وانا ميت.. بيحرموا دفنــــــــــــــى
يا وطنى انا جاهل ..ولو انت تعرفنى
ادينى كورس سكوت .. وارسملى درب الموت
خلصنى من عفنى

******

مش باقى غيرى انا .. علشان يزيد صوتى
خارج عن الاساليب .. بستخدم الالاعيب .. مش راضى بسكوتى
مش فاهم انه حرام ..ان ايلى زى يعيش .. وان الحلال موتى

******

وأنا ايلى على بابك بكيت .. وصنعت من جوفى الهوا
وشربت من كاسك مرار.. وعملت من دمى دوا
وصنعــــــــــــــــــت صدرى صك يمسح ف الذنوب
ورفعت علمك وسط ألمك لما صرخ نفسى أ تـوب
وناديت بصوتى وسط همسك نادى شمسك لجل تطلع ف الغروب
حسيت بنفس الضحكه ديا ايلى ماتت من زمان
رجعتلى عشمانه تواسينى وتهادين بلأمان
رجعتلى والموجه فى عيونها والفرح خط ف جبينها
والشموخ راسم حنينها والهتاف قاتل انينها ..حالفه لتحاسب خاينها

******
والفرح عم البلاد .....شال على كتافه الولاد
بدد الموت ايلى سايد ...واترسم دفتر ميلاد
دعوى صافيه واستــــــــــجاب رب العباد
دم الشهيد ...كسر الحديد والحق بان
سقط ايلى باعك يا وطن ...سقط ايلى خان
ســـــــــــــــقط الجبـــــــــــــــــــان
لو هحكى عن ثوره شباب
لازم تجيبوا ألف قلب وميت لسان
زين سمانا بالفرح وأملى المـــــــكان
صوت النفاق يخلص خلااااااااااااااص
حافظاه اكيد كل الودان
الليله صوت واحد هينطق فأسمعوا .......
#صوت الميداااااااان #

اخى ابراهيم الشاعر
نص جميل وقراته واستمتعت بقراءته .
وان هرب منك الوزن فى بعض المناطق .
احييك وتقبل مودتى ..

موضوع: رد: صوت الميدان الخميس أبريل 10, 2014 3:16 am

أخي الشاعر الرائع إبراهيم الشاعر

في أول لقاء لي مع اعمالك دعني اقول انني سعدت بقراءة

نصك الوطني الرائع ..

اسمح لي قمت بتنسيق النص ووضع بعض النقاط لإظهار

الموسيقي الداخلية وتصحيح بعض اخطاء الكيبورد

أما عن النص فهو بشكل عام رائع جدا ويدل عن شاعر

يعرف كيف يكتب قصيدة عامية وطنية مصرية متقنة ..

وإن خالفت الوزن العام للقصيدة في المقطع قبل الاخير الذي

أري انه لا يلزم القصيدة وإن حذفه أولي ولكن لك الاختيار

استمتعت بالتجول في حديقتك الوطنية النازفة

علي موعد في أعمال أخري

لك خالص الود والتقدير

موضوع: رد: صوت الميدان السبت أبريل 19, 2014 8:09 pm

الشاعر الكبير*عادل عوض سند* ان تكن قد استمعت بنصى فأنا قد شرفت جدا بمرورك الجميل عليه
دمت معلمى

موضوع: رد: صوت الميدان السبت أبريل 19, 2014 8:13 pm

الشاعر *محمود جمعه * اولا بشكر حضرتك على التعديل الجميل اولا.......النص ازداد جمالا بمرورك ....يعلم الله كم احبك فى الله
ويشرفنى جدا انك تقرا لى ...وفى النهايه بنتعلم من حضرتك