حكاية مصر

موضوع: حكاية مصر الأحد فبراير 23, 2014 4:01 pm

اسمع مني اخر اخبار وحكاية مصر بتنهار
هي حكاية بسيطة وسهلة بس حكاية ذل وعار
بأت لما اراد الشعب يحي حياة الاحرار
نزل الشعب وضحى الشعب ومات من الشعب ناس وكتار
بصبر الشعب وبذل الشعب انتصر الشعب على الفجار
صبحت عشته عيشة هنية والشعب اتنفس حرية
جتله هدية من الغفار
ولأول مرة في تاريخه الشعب لرئيسه اختار
اختاره مخلص اختاره صالح وده عكر صفو الاشرار
خانو ومكرو عمرمشكرو حربوه ليل ويا نهار
من غير لزمة عملولو ازمة اشي امن وكهربا وسولار
والجيش والشرطة عملو ورطة نزلو مدان وقالو ثوار
شووف العار ثورنا عليهم صبحو ثوار
-------------------------
الناحية التانية في ميدان رابعة اعتصمو هناك رجال احرار
مع بعض اتحدو ولربنا عهدو يكونو للشرعية انصار
فرضو الطهر في الميدان هما الخيرة والابرار
تحرش محال ولا سرقة مال يومهم صلاه قران اذكار
ودا عكر صفو الاشرار
بكل بشاعة عملو اشاعة قالو ارهاب على احلى جماعة
قالو سلاح في الميدان . قالو تعذيب وقتل كمان
قالو الزور والبهتان في القنوات والاخبار
ودا زود فينا الاصرار على الحرية والشرعية
وبسلمية لا للعنف كان الشعار
في صلاة الفجر والناس في خشوع
على الاحرار فتحو النار وما في رجوع
عشرات الشهدا ادولنا شموع قلولنا السيسي هو بشار
ودا زود فينا الاصرار
طلبو تفويض من شعب عبيد بمحاربة كل الاطهار
بعد التفويض بحور من دم -- وفي كل قرية مصيبة وهم
كرم الميت دفن الجثة --- لو عايزها قول انتحار
ااااااااه يامصر
محال يجرى في بلاد كفار
ومازال الصبر
مسيرات يومية في كل محافظة
وعلى السلمية الناس دي محافظة
ودا زود مكر الاشرار
القمع زاد في بنات وولاد
والصبر زاد للاحرار
وشهدنا حي والنصر جي
رغم عن كل الفجار
---------------
-----------------
-----------------------
بقلم محمد ابو الليل

طبعا الكلام بحسن نيه اه يابلد

يا ابنى مصر مش عزبه .
مصر دوله وليها كيان .
ومن يحاول تدميرها وحرقها وقتل اولادها
فهو الخاسر .
واعلم اننا كُنا نُحكم من قبل عصابه اهانت مصر وذلت اولادها
وارادت بيع الوطن . إقرأ التاريخ يا ابنى .نشأتهم دمويه وهم من النشأه
خونه وعملاء .. إقرأ التاريخ فالتاريخ لايُزوّر .
واعلم ان المخطط الدولى لتقسيم مصر افشله الوطنيون من ابنائه المخلصين
والذين تسمونهم الآن خونه .. من الخونه ؟؟
الذى يبيع الوطن ويسكنه للإرهابيين فى سيناء ؟؟ ام الذى يدافع عنه ويحميه ؟؟
افيقوا يرحمكم الله واعلموا ان مصر اكبر من اى فصيل اراد ان يحكمها ولو على حساب
ملايين الجثث كما قالها احد افرادها ..
انهم يعملون لصالح مخطط افسدته المخابرات المصريه ورجال شرفاء .
إقرأوا التاريخ جيداّ لتعلموا من تأمر ومن خان .

الاستاذ الفاضل -- عادل
جزاكم الله خيرا على مرور حضرتك على مشاركتي
ولكن انوه على تقبل الاخر
فأنت تتقبل اخوتك في مصر المسيحيين رغم اختلاف الملة
وانا كذلك
والمسئلة اختلاف في وجهات النظر
وادعو الله بالخير لبلدي واهلي
ولكن هذه الكلمات كتبتها بعد رجوعي من رابعة
وانا اسف لو اسائت لأحد
لك احترامي ومودتي
Question

» تعالى يا حكاية احكيلك حكاية
» حكاية حب
» حكاية امه
» حكاية عاطل
» حكاية نص قرن