انت دينـك أي دين .! مصطفى هاشم الجابري

إنت مين إنت مين ؟

ياللي سامح يوم لنفسك

تحمــل إسم المسلمين

إنت مين إنت مين ؟

ياللي بتفجر وتهـدم

حلم كل المؤمنين

إنت مجرم إنت خاين

إحنـا كلنــا مسلمين

إحنا دينــا كــله باين

وإنت دينــك أي دين

إنت مين .؟

إنت صعب أوصـف ملامحك

شكل عيسى أو محمــد

م البداية كنت لامـحـك

وإنت تهـدم دين محمـد

إنت صعــب تعيش معــايا

تحت ســـــقف المسلميـن

إنت للإسـلم نفــاية

إنت شُبـه لكـل دين

إوعا تفتــكر إني هسكت

وانت بتـزيــد في الدمـار

صعب صوت الحق يسـكت

مهمــا بتولعـها نار

لسه باقين . في الشوارع

والحـواري والبيـوت

لو نشــوفك في شـارع

في أي حتى راح تموت

إنت مجرم إنت خاين

وإحنـا كلنــا مسلمين

إحـنا دينــا كــله باين

وانت دينــك أي دين

أي دين ؟؟؟

اخى الشاعر
مصطفى هاشم
احييك على حسك واحساسك وحرفك الوطنى
وانا معك فى هذا التساؤل ..
ولكن لا جواب لديهم .
مودتى وتحيتى ...

أشكرك أستاذ عادل على هذا التضامن
دمتَ بخير