قصيدة للشاعر محمد احمد وشهرته ابو عمر من وسط الموج باتكلم..

أنا قلبي شراع لسفينة
تحلم ترسى لها في مينا
والموج في البحر بيعلا
وسفينتي واقفه حزينة
ليكون الحلم كابوس
حا يدمر كل مدينة
بتنادي عليا سفينتي
محتاجة قيادة أمينة
أنا نفسي أدوق الشهد
من بعد مرارة عهد
عيشنا سنين في الحزن
واخوتنا سكنوا اللحد
حلموا وضحوا بارواحهم
علشان ما نعود للمجد
بدموعنا ودعناهم
وأثرها ما زال ع الخد
وأدينا أهو ماشين
للظلم دا مش راجعين
بنقول خمسة وعشرين
دا نهاية ظلم سنين
أمرنا لو كان بشورى
تصبح مصرنا بساتين
مزروعة زهور للفرحة
زرعتها ايدين عاشقين
نبني مجدنا بأدينا
ونحطه جوه عنينا
نصبح في أمان وسلام.
م الخونة ومن أعادينا
عاوزين م الحزن نعدي
والفرحة تملا عنينا
وتكون البسمة طريقنا
تتحقق لنا أمانينا
ونودع وقت جفاف
وسنين عشناها عجاف
ونشوف بعنينا الدنيا
من بعد ما كنا ضعاف
م القلب نقول كلمتنا
مش زي زمان حانخاف
الأسم اللي احنا بنحكم
والحق دا حكم زعاف...
............................
شعر محمد أحمد(أبو عمر)

للاشتراك فى مسابقة العاميه عن شهر ديسمبر
مع خالص تمنياتى بالتوفيق ..

» قصيدة للشاعر محمد الملوانى بعنوان المداخل
» ((أحضنيني)) قصيدة صوتيه للشاعر احمد عبد الكريم هيكل @شـــــا
» قصيدة { شمس الثوره } للشاعر محمد ابو عمر
» قصيدة معداوى للشاعر محمد عبد الرازق زهيرى
» قصيدة حلم مع ايقاف التنفيذ للشاعر محمد أبو زيد الاسيوطي