عايز أتجوز

بكرة خلاص قررت أتجوز

وحخلص نفسي في شهرين

حشتري شقة وحشتري مهرك

أصلك بنت أصيلة وزين



بس منين



دأنا معييش حق مواصلاتي

حتي الشغل ده حلم وطار

كل ببان الفرحة إتقفلت

وبقيت قاعد كدة محتار




حتي أبوكي بيطلب مني

إني اجيب شقة وعربية

طاب مش حاسس ليه بأحوالي

دي المحفظة فاضية مهوية




بس ف مرة انا كنت في بيتنا

كنت بقلب في القنوات

شوفت خطاب جامد لرئيسنا

قال حيزود ف العلاوات




كل الناس عمالة بتهتف

عاش الريس عاش الريس

وانا قاعد اضحك علي خيبتي

منا عارف خطباته كويس




عمري مصدقته ف خطاباته

اصل رئيسنا رئيس كداب

قال حيوظف كام مليون

وخلع ايده وقفل الباب




صدر لينا حكومة غبية

ووزير تافه م البشاوات

عمره ما فكر يبني عمارة

ولا حتي بياخد قرارات




اعمل ايه يا خواتنا غيتوني

حلم حياتي خلاص بيدوب

حتي حبيبتي بتطلب مني

وانا معييش حق الدبدوب




ربي اغثني وحقق حلمي

اصل انا عبدك ومليش غيرك

كل عبادك قسيو عليا

راضي يارب انا بتدبيرك

كلنا في الهم شرق ياعزيزي

وفي ظل الحكام الجدد اللي وصلوا

مصر لحافة الأنهيار

أنسي ياكبير

ودي وتقديري أخي بهاء

عصام سامى ناجى كتب:

كلنا في الهم شرق ياعزيزي

وفي ظل الحكام الجدد اللي وصلوا

مصر لحافة الأنهيار

أنسي ياكبير

ودي وتقديري أخي بهاء

شكرا لمرور حضرتك الطيب
بس والله برغم كل الظروف اللي حوالينا
لازم يبقي عندنا امل في بكرة
وان شاء الله بكرة يبقي احلي
تحياتي اخي عصام

عادل عوض سند كتب:

             الابن الشاعر الجميل
بهاء الدين محمد
نصك جميل وبدأت تهتم بالوزن واحييك على اصرارك على النجاح .
برافو عليك .. استمر وربنا يوفقك
مودتى وتحيتى ...                                        

شكرا لحضرتك استاذي العظيم
علي هذا التعليق الراقي
فهو شهادة ووسام علي صدري
تحياتي لحضرتك استاذي