أنا مصري وماليش اى حزب

ليه كل راجل دمُه حُر
يتقال عليه خرفان

ليه كل رافض لانقلاب
بس م الاخوان

أنا مصري وماليش اى حزب
وبأيد الشُجعان

ملعون ابو الايد اللي تقتل
مصري يا جدعان
..
فيه مصري مصر بريئه منه
ومصري مات إنسان

ومصري مصر رواها دمُه
ومصري عاش حيوان

الغِل مالي عنيه وقلبُه
ووشُه ليه ألوان

عالشاشه بيداري الحقيقه
ويمدح ف اللي خان
..
ف شخص تيجي تكلمه
غباؤه كله يبان

وشخص تيجي تفهمُه
يقول عليك غلبان

دا الباشا بيطهر بلدنا
م القهر والعدوان

تقول له بيموت ولادنا
يقول شويه كمان
..
رضا عثمان

الله ينور عليك
اخى الاستاذ رضا
لكم التحية والتقدير

اخى الشاعر
رضا عثمان
عندما ينظر الانسان من زاويه واحده لايرى المشهد كاملا .
لماذا لم تذكر اول من اعتدى على رجال الجيش عند الحرس الجمهورى واول شهيد
اطلقت عليها رصاصات الغدر من فوق اسطح البنايات المجاوره ؟؟؟؟
هل تعرف من الذى بدأ بالعدوان واستخدام القوه والقتل والترهيب ؟؟؟
هل سمعت احدهم وهو يقول عقب تظاهرات 6 اكتوبر :
كفايه ان احنا افسدنا فرحة { المصريين } بالنصر ..
قال المصريين .. لانه لايمت لمصر باى صله ..
حاول ان تكون منصفا ولاتدع التعاطف مع مجرم ياخذك الى طريق العتمه .
مودتى وتحيتى ...

ملعون ابو الايد اللي تقتل
مصري يا جدعان

الرائع رضا .. نعم أخي هذا فصل الخطاب ...

فلنبتهل جميعا الي الله ان يلعن ويهلك من قتل مصريا ظلما اي كان هذا المصري

جندي ثائر أخواني قبطي ضابط

فنقل جميعا آمين ،،، اللهم من قتل مصريا ظلما فأقتله شر قتله

اللهم من حمل سلاحا ظلما في وجه مصري فخذه أخذ عزير مقتدر

اللهم من بطش بمصري وطغي وتكبر .. أيا كان هو ،، فدمره وجمد

الدماء في عروقه

اللهم آآآآآآآآآآآآآآآآآآآآمين

اعجابي لشخصك قبل نصك
وبقولك وانا كمان
دمت مبدعا

كلنا مثلك ياشاعرنا الجميل
مصريين حتى النخاع
لانقبل الذل ولايحكمنا الخداع ...
أبداع بصدق مشاعرك فنفذت كلماتك إلى القلوب ..
سلمت يمينك ودام إبداعك
تقبل مرورى وخالص محبتى والورود
وكل عام أنت وأسرتك الكريمة بخير وسعادة ويمن وبركة بإذن الله

أخوكم المحب فى الله
الطبيب الشاعر المصرى/ د.محمد رزق

صدّقتي ولاّ ماصدّقتيشْ
إن التاريخ بيعيد نفسُهْ
راجعين قفانَا يقمّر عيشْ
وثورتِك طِلعت فالصُو
الباشا راجـع بعد غيابْ
يرفع شعار ضدّ الإرهابْ
حالف يخلّي حياتنا هبابْ
وكأن ميت عفريت لبسُه !
...................................تقبل مروري ياشاعرنا الجميل من وحي إبداعك