يحيى الريس حُسني مُبارك

عمل جميل أخي
في انتظار البراءة لباقي متهمي نكسة 25 يناير
كما يطلق عليها الآن
..
في انتظار جديدك أخي

استاذي الحبيب أ.عادل سند
اولا انا بشكر حضرتك على مرورك الراقي
ثانيا انا لست اخواني وانت تعلم هذا جيدا وليس معناه انى اتبرأ منهم او انهم ليسو على حق
ثالثا انا لا اقصد بالميادين هتولع نار ... بالنار التى نعرفها جميعا ولكنى عنيت هنا الحماسه
زي ما بنقول بالبلدي كده مثلا دا احنا كنا بنشجع الاهلى تشجيع من نار , فهذا ليس معناه اننا نحمل النار
وهذه القصيده ليست بلسان اخوانى أو اى فصيل اخر وانما بلسان مصري لا يقبل الظلم
وانا بعجب يا استاذ عادل ان حضرتك ياما كتبت في قصايدك عن المخلوع ونظامه وظلمه واستبداده
وانت تعلم حاليا علم اليقين انه ونظامه خارجين خارجين واللى مش عاجبه يخبط دماغه فى الحيط
وساكت
تحياتى لك يا من علمنى بقصائده معنى الوطنيه

استاذي الشاعر الجميل أ. عماد عبد الحكيم
اشكرك جدا على مرورك المشرف والغالى
ولك مني كل التقدير

[quote="رضا عثمان"][b]يحيى الريس حسنى مُبارك
تحت مُخَطط حزبُه العادِل

عاش السيس البطل القائد
زي ما قال الأخ الفاضِل

يسقُط عَزم الشعب المصري
تحت بيادة جُندُه الباسِل

يسقُط رأيي ويسقُط مُرسي
ويسقُط صوت الشعب الباطِل
..
يسقُط دم شهيد بينادي
أنا مُش بـ اطلب ورث اجدادي

عايز حقي وحق ولادي
شوفو الحل ف حالى المايل

يحيى سلاح الجُندي الماهر
اللي أحل الدم الطاهر

تحت رعاية إعلام شاطر
عُمرُه لا يكدب ولا بيماطل
..
يحيى ويسقُط ... يحيى ويسقُط
يحيى الدم اللي بيتنحرر

يحيى الصوت الحُر ف بلدي
يسقُط يسقُط حُكم العسكر

مُش هنسلِم لـ اللي باعونا
واللي بكُل خساسه خانونا

واللي بـ فتنه وحرب رمونا
مصر بتنهار وبتتعسكر
..
إحنا اللي ها ننزل ونقرر
وإحنا اللي ها نسجن ونحرر

واحنا اللي هانرجع من تاني
بالملايين نهتف ونكبر

والميادين هاتولع نار
وهناخُد بالعدل التار

حق الشُهدا بإيد ثوار
واشهد يا تاريخ لينا وسطَر

يسقُط يسقُط حُكم العسكر
يسقُط يسقُط حُكم العسكر

أخى الحبيب العزيز رضا

قول ما يهمش كلمة فى وادى

مش هاتسمع أهل بلادى

ولا هاترجع زحف الشرفا

مصر هاتفضل حلم ولادى

قول بشجاعة منطق راقى

يسقط كل جبان مش عاجبه

نور الحق و فجر جهادى

ليه نتبرأ من إخوانا

دى مش تهمة وفخر عملنا

وانا والله مش إخوانى

لكن هابقى لمستقبلنا

قول يا حبيبى وصوتك يعلا

ده القرأن دستور وده أحلا

من طعيان ناصر وسجونه

يونيه يسلم أهلا وسهلا

مهما يقتل مهما يدمر

هافضل أقولها أكتر وأكتر

صبح وليل والعالم يسمع

يسقط يسقط حكم العسكر

استاذ رضا انت ليه ناقم على اراده شعب هى ارادتنا اللى شالت مرسى من ع الكرسى انا واحده كنت فى سيدى جابر وليا الشرف انى عملت كده وليه ناقم على الرئيس حسنى مبارك على الاقل مامرش بقتل الشعب ولا انت لسه مصمم ان اللى فى رابعه مظلومين انت ماشوفتش بيعملوا ايه هو الدين امر بالغدر والطعن فى الخلف والسب والخوض فى الاعراض نسال الله ان تفيقوا من اللى انتم فيه

اشكر مرورك الراقي الشاعر الجميل منصور غيضان
تحياتى لك

يا استاذه حنان الموضوع اكبر من ومنك ومننا كلنا
مرسي كان جاى خراب على الناس اللى ما زالو ماسكين البلد من 30 سنه
بيمارسو فيها الوساطه ونهب خيرات البلد لصالحهم واستعباط واستحقار المواطن البسيط
مرسي كان بالفعل هيطبق الحد الاقصى والحد الادنى للاجور عشان يعمل عداله اجتماعيه
مش واحد يبقا مصروف بنته فى الشهر 50 الف جنيه وواحد يعول اسره مرتبه 300 جنيه
يا استاذه مرسي كان ماشي فى مشروع النهضه وكان بيعمل المحور بتاع قناة السويس عشان
يعود بالربح على البلد ويوظف الاف العاطلين قالو انه بيبيعها لقطر بالرغم من انه كان حق انتفاع وهما دلوقتى اللى بيبيعو بالفعل للبحرين والامارات ومن ساندهم فى انقلابهم
يا استاذه مرسي مارس الديموقراطيه وطبقها ولم يعطى اية اوامر بقتل المتظاهرين الذين ذهبو لحرق القصر الجمهوري وقال للسلطات دول ولادنا
يا استاذه مرسي لم يعتقل احدا سبه ولعنه علانية وقال اى اهانات فى حقي انا مسامح , والله البلد دي هتشوف السواد , فين عقولكم وضمايركم ,
بالفعل قدرو ينجحو فى خططهم ويشوهو صورة الاخوان عشان يستولو عالبلد وترجع من تانى البلد للغني , والفقير يفضل طول عمره حقير
ما تخلوش كرهكم للاخوان يعمي ضمايركم وعنيكم , دي مصر بلدنا بتضيع مننا ولازم نحافظ عليها , واظن كل كلامى بعيدا عن الدين

احسنت استاذ رضا
واعجب من ديموقراطى لا يطيق صوت معارضه وكانما اعتاد "موافقون موافقون موافقون"
فالمعارضه شطر ادوات بناء الاوطان والا لحذفت كلمات كثيره كتداول وتبادل وتطور من قاموس الانسان

نص مدهش أخي رضا
دومت علي الحق الذي تخلي
عنه الكثير تحت حجج واهيه
جزيل شكري