المخلوع ويا المعزول للزجال محمد سرور

المخلوع ويا المعزول

ع اللى جرى لنا مين مسئول

المخلوع والا المعزول

ربك عالم مين الظالم

مين المجرم مين الغول

بس الدنيا غريبه بجد

اللى خرابها وخان العهد

سابها معارك ايوه مبارك

خارج تانى يبور ارض

شفت الدنيا ازاى دواره

كان بسلامته عايزها اماره

ضيع هيبتك زادت شيبتك

دا ما ينفعشى يحكم حاره

لاتنين اسواء حكام مصر

باعوا الشعب عشان القصر

عاش لعشرته وحلم امارته

اما التانى رمانا ف اسر

وانت يا مصر ما بين لاتنين

دم ولادك سال نهرين

مين يحميكى م اللى باليكى

واتقسمنا فى غمضه عين

واتخيلت ان المعزول

قابل حسنى بكل زهول

كنت ما بينهم عينى ف عينهم

كل كلامهم كان موصول

مرسى يقوله لبست قضيه

وانا متمسك بالشرعيه

كنت انا طيب بس قريب

هارجع تانى لحضن بهيه

واسمع ضحكه ف ودنى ترن

حسنى يقوله بجد تجن

خليك واهم كده مش فاهم

مصر شبابها اصبح جن

كنت حاكمها بجمره نار

كنت البعبع ليل ونهار

كنت ناهيبها بس شبابها

فتحوا القمقم بقوا ثوار

مرسى يقول دا بجد كلام

دول بيحاربوا ف الاسلام

بس انا حرتى ان عاشرتى

قبضوا عليهم كالأغنام

حسنى يقوله بجد صحيح

كنت بتحكم مصريا شيخ

ليه مش فاكر ان الشاطر

ويا بديع ذادوا التبريح

وانا اقبليكم كنت ف وادى

سبت الشعب يهاتى ينادى

كان احلامى اشوف قدامى

كرسى الحكم ف ايد اولادى

قالو كلام كده شرحه يطول

بعدها نادى عليه الصول

حسنى مبارك افراج جالك

مين تفتكروا المسئول

الزجال

محمد سرور

اخى العزيز الزجال المتميز جدا والمتألق دائما
الاستاذ محمد سرور

تحياتى وتقديرى وشكرا على امتاعنا بتلك القصيدة الزجلية الساخرة الرائعة . ولك الله يامصر
ودمت بكل خير ومحبة وسعادة ودام ابداعك الرائع .

تسلم الأيادي كلمات ممتعة تقبل مروري

الشاعر الزاجل / محمد سرور
قصيدة حوارية جميله بين رئيسين حكما مصر الأول كان له من البطولات حرب اكتوبر والثاني كان له من الإخفاقات أكثر من 365 إخفاقا الأول ترك مصر تنهب من خلال عصابه خلال العشر سنوات الأخيرة من حكمه ربما بسبب تقدمه في السن وأنا لا أبرر له اخطاؤه وإنما أحمله المسئولية بصفته الوالي لهذه الأمه وان تركها دون اقتتال والثاني تمسك بالكرسي ولم ينجز شييئا ايجابيا سوى إعادة تلاحم الشرطة والشعب وإظهار الوجه الحقيقي للجيش الوطني المصري ومن انجازاته عودة أشقاء المحنه السعودية والإمارات والكويت والبحرين والأردن ومن إخفاقته تمسكه بالصندوق الإنتخابي بما احتوى من بطاقات المطابع الأميرية المزورة 2.5 مليون بطاقه بل من العجب أن يرى 33 مليون مواطن يقولون إرحل ويقول متمسك بالشرعية أي شرعية تلك طالما أن الأصيل سحب توكيله ... وكان من نتيجة ذلك ما نراه من دماء تسيل من أبناء الشعب المصري بصرف النظر عن أي فصل فالكل مصري .
اشكرك ودام إبداعك

الله عليك يا سرور

قصيدة فيها مواجهه جميلة

بس انا ليا عندك طلب بصفتك محامي

اشرح للناس ان مبارك لم يأخد براءة ولكن مدة حكمة الاحتياطي انتهت وان لسة لة قضية واخد فيها خمسة وعشرون سنة بسبب قتل المتظاهرين ولسة فيها

طعن او نقض عشان في ناس فاكرةانة طلع براءة

ارجوا يصفتك محامي ان توضح للناس في المنتدي الوجهه القانونية عشان في ناس بيستغلوا الموضوع دة وبيشهروا بالجيش

حامي حمي مصر اللهم احفظ جيشنا وولي علينا من يصلح

وعلي فكرة انا من المعارضيين بشدة لنظام مبارك اللي جرف خير مصر وجوع الناس وبور بنات مصر وخلي شبابها عاطل بالوراثة ومنعة الحق في معيشة

كريمة ومحترمة

وشكرا ايضا تعليق عمنا البهنساوي علي تعليقة القيم علي القصيدة

تقبل تحياتي

وكأنك كنت معاهم بجد يا محمد
هههههههههههههههههههههههههههههههههه
الله ينور عليك ..
زجال من العيار التقيل بجد .
تسلم ايدك ياشاعر .
مودتى وتحيتى ...

النص للتثبيت بواسطتى
تقديرا للشعر والشاعر ..

أردت أن أقرأ شيئا جميلا فجئت هنا أبحث عنك
شكرا لك

فوزي الشربيني كتب:: اخى العزيز الزجال المتميز جدا والمتألق دائما
الاستاذ محمد سرور

تحياتى وتقديرى وشكرا على امتاعنا بتلك القصيدة الزجلية الساخرة الرائعة . ولك الله يامصر
ودمت بكل خير ومحبة وسعادة ودام ابداعك الرائع .

استاذى الكبير ومعلمى
فوزى الشربينى
حياتى وشكرا لمروك ووحشنى

سلامه رجب سلامه كتب:: تسلم الأيادي كلمات ممتعة تقبل مروري

شكرا استاذ سلامه لمروك

محمد البهنساوي كتب:: الشاعر الزاجل / محمد سرور
قصيدة حوارية جميله بين رئيسين حكما مصر الأول كان له من البطولات حرب اكتوبر والثاني كان له من الإخفاقات أكثر من 365 إخفاقا الأول ترك مصر تنهب من خلال عصابه خلال العشر سنوات الأخيرة من حكمه ربما بسبب تقدمه في السن وأنا لا أبرر له اخطاؤه وإنما أحمله المسئولية بصفته الوالي لهذه الأمه وان تركها دون اقتتال والثاني تمسك بالكرسي ولم ينجز شييئا ايجابيا سوى إعادة تلاحم الشرطة والشعب وإظهار الوجه الحقيقي للجيش الوطني المصري ومن انجازاته عودة أشقاء المحنه السعودية والإمارات والكويت والبحرين والأردن ومن إخفاقته تمسكه بالصندوق الإنتخابي بما احتوى من بطاقات المطابع الأميرية المزورة 2.5 مليون بطاقه بل من العجب أن يرى 33 مليون مواطن يقولون إرحل ويقول متمسك بالشرعية أي شرعية تلك طالما أن الأصيل سحب توكيله ... وكان من نتيجة ذلك ما نراه من دماء تسيل من أبناء الشعب المصري بصرف النظر عن أي فصل فالكل مصري .
اشكرك ودام إبداعك

استاذنا الكبير /محمد البهنساوى
شكرا لمروك بس هانعمل ايه يا ريس
مش بيقولوا العيره بالخواتيم
ربنا يحمى مصر من الفتنه يا رب

أخي الزجال الرائع محمد سرور

أحييك علي عملك الزجلي الرائع وفكرته المبتكرة في الحوار بيت الرئيسين

فقط أأخذ عليك وعلي بعض الردود المتابعة لزجلك الجميل الاعتماد علي الاعلام المضاد فقط في المعلومات التي

بنيت عليها فكرة القصيدة .. فحينما يكون الاعلام يمثل صوتا واحد فقط دون السماح للصوت الاخر الا بالانين تحت التعذيب

فلا يمكن لعمل ادبي منصف ان يقوم علي طرف واحد فقط

أيها الزجال الرائع ،،، إن عقد مقارنه بين ثلاثين عاما من جهة وعاما واحد من جهة لهو عين الظلم

وعليك ان تسأل من قال ان 33 مليون واحد خرجوا كيف تم حساب العدد ؟؟ وعليك ان تسأل من يقول

لك ذهبنا الي المحمكة الدستور نحمل 22 مليون استمارة تمرد كيف حملتم خمسة عشر طنا من الاوراق

بل وعليك ان تسأل من يصنعون دستور الانقلاب الان لماذا يقولون الازهر فقط ممثلنا ثم يقومون بإالغاء

نفس المادة الني وضعتها هيئة كبار العلماء بالأزهر الشريف ..

أسأل أخي رئيس الوزراء الذي استقال في احداث ماسبيرو اعتراضا علي دم المصريين الثمانية عشر

لما برر نفس الرجل قتل الالاف وقال للإمريكان كنا في نفس وضعكم في حرب فيتنام والحرب العالمية الثانية

ايها الاخ الكريم ،، مهما التبست الصورة ومهما أقام المدلسون والاعلاميون والمغرضون والمسيسون والمخالفون

حججا واهية الحقيقية الوحيدة ان ما حدث بعد الانقلاب هو في صالح طرف واحد فقط لا غير اسرائيــــــــــــــل

أخي الكريم ،، أحييك علي عملك الجميل وأختلافي مع الاساس الذي قام عليه لا ينفي جماله ابدا

لك خالص التقدير والاحترام