خطر ..قطر- طارق منيب

الغريب إن الندالة والطناش
من دول مستنطعة مايهمهاش
مصر تاكل .. مصر تشبع
مصر تتبهدل وتسقع
والجميع ساكت وهس
واللسان أهو اتبلع من غير نقاش

تيجي دولة صغننة وتقول أنا
مش حاسيب أختي الكبيرة بدون عشا
مش حاسيها بدون دولر
مش حاسيبها بدون سولر
فالكلام يكتر ويقسى
أما رد جميل أصيل مايهمناش

الخطر مش من قطر من إسرائيل
واللي قامت بيه قطر ده شئ جليل
يبقى لازم شكرنا
للجميل وحمدنا
إن لينا أخت صغرى
كات كبيرة مع الكبير بوشوش بُشاش

ده أحنا يوم قامت علينا حملة كبرى
برضه يوم عدوان كبير من قوى عظمى
يوم مضينا عـ المعاهدة
والعدو في أيده وردة
بس مين يقدر يامصر يذل أبنك
ده الغريب قالها بلسانه مصر صخرة ماتتنهاش
..........................................

والله اصبت يا طروقه .

ورغم كل ماحدث إلا ان مصر مازلت سيدة العرب .

ولن يخذلنا الله ابداّ .

الله ينور يا طروقه . وزيدنا يا جميل .

مودتى وتحيتى ...

[quote="عادل عوض سند"]

والله اصبت يا طروقه .

ورغم كل ماحدث إلا ان مصر مازلت سيدة العرب .

ولن يخذلنا الله ابداّ .

الله ينور يا طروقه . وزيدنا يا جميل .

مودتى وتحيتى ...

[/quote]

حبيبي وأستاذي عدولة

بهذه القصيدة أولاً أشكر الشقيقة الصغرى قطر

التي ينبغي أن نتعامل معها بحب وقبول وشفافية وحُسن نية

ثم أعلن للمتخوفين من منعدمي الثقة في قدرات بلدهم مصر

إن الحملة الفرنسية لم تنجح على مصر

إن الاستعمار البريطاني لم ينجح في أنجلة مصر

ورحل بعد مرمطة طويلة

إن الاحتلال السوفيتي بـ 17 ألف خبير لم يتمكن من مصر

إن العدوان الثلاثي لم ينجح على مصر

الدولة الوحيدة التي استردت أرضها من العدو الصهيوني مصر

إن معاهدة السلام المشئومة مع إسرائيل والتي كانت غزو سلمي لمصر

لم تجعل إسرائيل تنل من مصر.. بل أن الشعب حما مصر من

ماكُتب على الأوراق.. وسرعان ماتلاشى حلم التطبيع

لدى إسرائيل.. وفهموا كويس إن الكلام حبر على ورق

والآن نحن خائفين من قطر الشقيقة الصغرى بدل مانشكرها

طب فلنفترض سوء النية ولو للحظة

هل قطر أقوى من من ذكرتهم ولم يقدروا على مصر

قطر نصف مليون ومصر 100 مليون (على وشك يعني قول بعد 5 سنوات)

صحفي قطري كاتب لو قسمنا ثروتنا مع مصر لن نوفيها حقها وجمايلها علينا

وإحنا خايفين.. خايفين من إيه وعلى إيه؟

الله المستعان

مودتي وتقديري

أخوك

طارق منيب

السلام عليكم ورحمة الله وبركاته
أخي العزيز الشاعر / طارق منيب
نص جميل أخي
ويخالف توجه الأعلام وما به من .........
أحسنت أخي
في إنتظار جديدك

عماد عبد الحكيم كتب:: السلام عليكم ورحمة الله وبركاته
أخي العزيز الشاعر / طارق منيب
نص جميل أخي
ويخالف توجه الأعلام وما به من .........
أحسنت أخي
في إنتظار جديدك

أخي الحبيب الأستاذ/ عماد عبد الحكيم

السلام عليكم ورحمة الله وبركاته

سعيد بمرورك وتعليقك

والإعلام الصهيوني اللي كان بيهلل لما مبارك يروح يجيب من أمريكا ربع المبلغ ده.. يعلم كويس مين قطر ومين مصر الشقيقتين..
ويعلم جيداً أيضاً مين قطر ومين مصر من حيث القوة والمكانة
ولكنه تعود تشويه كل شئ في عصر الرئيس محمد مرسي
مرة الهرم حيتباع.. ومرة قناة السويس حتتياع.. ومرة حلايب ومرة شلاتين
لو جبت أقوى ديكتاتور في تاريخ مصر (نظراً لقوته وجبروته وشعبيته) وهو جمال عبد الناصر .. مش حيقدر يعمل حاجة زي دي ..يبقى مرسي اللي جه بـ 51% حيقدر يعمل كده
الله المستعان
مودتي وتقديري
طارق منيب

موضوع: خطر .. قطر الأحد أبريل 14, 2013 3:01 am

اخى العزيز وحبيب قلبى الشاعر والمترجم الرائع المتألق دائما
الاستاذ طارق منيب

تحياتى وتقديرى وشكرا على امتاعنا بتلك القصيدة الجميلة والصادقة فى مضمونها ولكن كل من ساعد مصر او كان يريد ان يساعدها كانت له مصالح سياسية .

ودمت بكل خير ومحبة وسعادة ودام ابداعك الرائع .

عمي وأستاذي/ فوزي الشربيني

مصر هي مصر

قطر هي قطر

قطر ساعدتنا وتشكر

لكن مصر عمرها ماتخاف من قطر الشقيقة

مودتي وتقديري لمرورك

أخوكم

طارق منيب

» بيرم منيب يعارض بيرم سند "مهداه للرئيس مرسي - طارق منيب
» هي كده.. لأ مش كده- طارق منيب
» حرب!!!!- طارق منيب
» صعب....تشوفنى
» حدث في مثل هذا اليوم - طارق منيب