إنتى السبب

(1)
إرجعى .....بلاش عناد
وإنسى بقى كل اللى فات
كفايه بعاد..رددى صوتك بعد السكات
لأجل مايعيش حبنا إنتى وأنا لأبعد مدى
إطلقى لحبك عنانه يطير يرفرف فى الفضا
وأكسرى الخوف اللى عشش جوة قلبك مـ البدايه
وإسمعى.....كلام قلبى اللى داب فيكى
واللى بحنانه مدفيكى
ياأحلى غنوة برددها على لسانى
فى فرحى وجرحى أغنيكى
إوعى فى يوم أشوفك إنتى بتدمعى
رغم البعاد بقول فى يوم راح ترجعى
وأنده عليكى ومابسمع غير الصدى ردى الندى
ياللى بشوف صورتك فى كل حبات الندى ..
(2)
سبتينى مابين الماضى والحاضر
وبتجينى.تقول نرجع أقول حاضر
حيرنى حبك وأقول لقلبك تنسانى ليه
ماتسبنى وإبعد ده جرح بعدك ها أقدرعليه
إزاى معاك عايزنى أدوس على كبريائى
أنا بإستطاعتى بكرامتى أقتل إشتياقى
أنا لوهاموت فى بعدى عنك وعن هواك
أرحم كتير من إنى أعيش( ميت) معاك
الوردة كنت بسألها ...بيحبنى ..مابيحبنيش
دلوقتى بسألها ..يمشى ولامعاه أعيش
لكن هاقولك حبك خلاص ميهمنيش..
(3)
لكن خلاص حبك ده أصبح مستحيل
وإنتى لازم تندمى
كان نفسى حبى يكون على قلبك ملك
وتكونى يوم من قسمتى
بإيديكى سيبتى المملكة وقلبك هلك
بإيديكى سيبتى جوه عينى دمعتى
إبعدى ..مبقاش لحبك جوة قلبى خلاص مكان
مبقاش لغيرك مهما كان جواه أمان
إسجدى ...وإدعى ربك يوم يسامحك
عن ذنب قلبى اللى إنجرح بإيدين حبيبه
روحى وسبيه فى لحظت فرح يلقى نصيبه
وإتحملى...كل العذاب اللى قسيته قبل منك
كل السنين اللى مضت فى بعدى عنك
كملى...طريق لوحدك فيه مشيتى .مين الضحيه كان أنا
لكن براهنك لو نسيتى .حبى اللى كان من كام سنة
مش صعب أشوف جوة عنيكى دمعتك
إنتى اللى سيبتى المملكة وقلبك هلك
ومن جوة قلبى صورتك بإيدى هتنشطب

(وإنتى السبب)

الاستاذ الشاعر

محمد فتحى

ارحب بك اولا واهلا وسهلا بك

بين اخوة الحرف والهوايه .

نص للتعارف جميل وننتظر منك المزيد لنتقرب منك اكثر .

مودتى وتحيتى ...