موال زمان

مفتتح

عرفت الحب في صغري
سرابا ضالأ من الكذبِ

فمن ذا يقتاضني حبا
ويأخذ دونه حبي

1

على السلم
وكنتي زي ما كنتي
انا في الوصف مش ضُئرم

عرقت وتاهت الأفكار مني
مكنتش عارف اتكلم

ضحكتي
عشان عارفاني مش بعرف
وقلبي خالي ومعتم

...
...
...


على السلم
لمحتك وانت بتداري
زواغ عينك
وبتمثل

وقال يعني
مانيش هامّاك
وانا اللي كبرت معاك
طب استحمل

متحكي
كنت بداري ؟؟
ولا مش داري
ومستسهل


...
...
...

2


على السلم
يارتني كنت كلمتك
تعبّر ولو نظرة
يارتني جريت بوستك

وتخبط ايدك على خدي
اقله بس اني اوصل

دواخلي اللي قتلتني
سنين بعد
نزولي ع السلم

...
...
...

ياريتك كنت تحضني
هخاصمك اه
بس كنت افهم

او انك كنت تضربني
هسيبك اه
بس كنت افهم

عادل عوض سند كتب:

الاخ الشاعر

محمد ابو زايد

انت كتبت :

فمن ذا يقتاضني حبا .. فهل كنت تقصد :

فمن ذا يقتاتنى ؟؟؟؟؟؟؟؟؟؟؟

لاحظت هروب الوزن منك فى اكثر من موضع .

وننتظرك فى الاجمل والاكمل .

مودتى وتحيتى ...

يقتاض ....تصريفي انا مش تصريف اللغة ل"يقايض"
طبعا لا ينفي انه خطأ لغوي غير مقصود

الوزن ياريت حضرتك تقولي اي مش مظبوط واي اقتراحك
انا داخل المنتدى هنا للتعلم ف المقام الاول

اشكرك استاذ عادل
ببقى سعيد جدا بالردود الل زي ردك

رضا محمود كتب:

أخي الحبيب..محمد أبو زيد..ياريته كان قِدر يعبّر عن مشاعره وإحساسُه على السلّم ولم يكتفي بمجرد إستراق النظرات على خَجَل (بس بما لا يُغضب الله طبعاً) هههههههههههه عشان ما تفهمنيش غلط..
فكرة جديدة في الموضوع والصياغة..أحييك عليها..دُمت بكُل الخير..

هههههههههههه حتى لو تجاوز كده ولا كده ...مكنش بيتحسبله ليه )
ياريته .......بس معادش ينفع

اشكرك اكتير اكتير

هي المرة الأولى التي أقرأ أعمالك ،وإن شاء الله لا تكون الأخيرة ،وأعجبتني الفكرة والصياغة والأكثر ،ردك على أستاذ/عادل بحبك للتعلم فتلك النظرية أحبها وهي تبادل الآراء بين القراء في مزيد من الإحترام والبعد عن المجاملات
مودتي وتقديري

الفكرة جميلة

والصياغة اجمل

واضم صوتي لصوت الاستاذ عادل

ابدعت

السيد عبد الجابر كتب:

هي المرة الأولى التي أقرأ أعمالك ،وإن شاء الله لا تكون الأخيرة ،وأعجبتني الفكرة والصياغة والأكثر ،ردك على أستاذ/عادل بحبك للتعلم فتلك النظرية أحبها وهي تبادل الآراء بين القراء في مزيد من الإحترام والبعد عن المجاملات
مودتي وتقديري

استاذ السيد
اشكرك اكتير
ياسيدي انما انا مجرد هاوٍ استمتع بكتابة بعض الكلمات
دمت بود