يا دبوسك - مساجلة شعرية جديدة

إخوتي الأعزاء , ظهر دون جوان المنتدى الشاعر الكبير عادل عوض سند في أمسية منتدى عاطف الجندي السبت الاول من نوفمبر 2012في أتيليه أدباء مصر في القاهرة بدبوس كرافت جديد أثار مشاعر العذراوات كالعادة مما دفع بأصدقائه عاطف الجندي وهشام عبد الحميد و عبد الله جمعة إلى الغيرة منه مرة أخرى فقرروا بدء مساجلة جديدة بعنوان ( يا دبوسك ) بمناسبة الدبوس الجديد لعادل عوض سند فهل من مشاركين ؟




يا دبوسك .. يا دبوسك
ومين زيك يا ننوسك
شغلت الكل ع الآخر
بنات الحاره هتبوسك

وأول عيني ما شافت
دبابيسك , قوام خافت
عرفت انك نويت ترسم
على عذراء بتتهافت

ولما شافت الدبوس
صابتها رعشة المهووس
وقالت يا قمر طالع
وقلب البنت بات مهووس

يا دبوس الكرافته
مقطع قلب عذرائنا
ميتين حته
خطفت البنت من نظرة
وانا وعاطف - معانا هشام - بناكل في الظلام فتَّه

[center] [b] [size=24] [color=blue]

الشاعر عبد الله جمعة كتب/

يا ربي نفسي اكون دبوس
والاقي بنت ماسكه فانوس
تقول لي كلمة تحييني
تفرحني ما انا متعوس

_________________


هاهاهاهاهاهاهاهاهاههاهاهاهاهاهاهاهااهههههههههههههههههههههههه


معلش يا متعوس

لنا رجعة وروقة ورد

الشاعر الجميل الاستاذ عبد الله جمعة بدأت رباعيات لطيفة مغرضة للنيل من دبوس شاعرنا الحبيب الأستاذ عادل عوض سند
لكني أكن لأخي وحبيب قلبي عادل عوض سند محبة خاصة فلن أكون فى الجبهة
التي تنال من دبوسه بل ساقف مدافعاً فى الجبهة الأخري

فسمحلي أقولك


ودبوسو عملك إيه

ومين قالك تبص عليه

أخاف من عينك الحلوة

تقطع بدلته وتأذيه

عبد الله جمعه كتب:

إخوتي الأعزاء , ظهر دون جوان المنتدى الشاعر الكبير عادل عوض سند في أمسية منتدى عاطف الجندي السبت الاول من نوفمبر 2012في أتيليه أدباء مصر في القاهرة بدبوس كرافت جديد أثار مشاعر العذراوات كالعادة مما دفع بأصدقائه عاطف الجندي وهشام عبد الحميد و عبد الله جمعة إلى الغيرة منه مرة أخرى فقرروا بدء مساجلة جديدة بعنوان ( يا دبوسك ) بمناسبة الدبوس الجديد لعادل عوض سند فهل من مشاركين ؟




يا دبوسك .. يا دبوسك
ومين زيك يا ننوسك
شغلت الكل ع الآخر
بنات الحاره هتبوسك

وأول عيني ما شافت
دبابيسك , قوام خافت
عرفت انك نويت ترسم
على عذراء بتتهافت

ولما شافت الدبوس
صابتها رعشة المهووس
وقالت يا قمر طالع
وقلب البنت بات مهووس

يا دبوس الكرافته
مقطع قلب عذرائنا
ميتين حته
خطفت البنت من نظرة
وانا وعاطف - معانا هشام - بناكل في الظلام فتَّه

[color=blue

[/color]

عبد الله جمعه كتب:

وانا واكلاني غيرة وشوق
نزلت أصرخ طلعت لفوق
لقيت عاطف يقول : ما تفوق
دا عادل واكل القعده

وقلت الحق يا صاحبي هشام
ما صدقنا وقلنا : أهو نام
طلع دبوسه في غفله
رمانا وراه , وطلع قدام

ويخرب بيت دبابيسك
ونفسي ادخل كواليسك
أشوف كيف تشغل المزة
واطلع عين فلافيصك

دا أول ما دخل يا ناس
لقينا البنت دايبه خلاص
وبتقول له : يا دبوسك
خلاص دوبت لي الإحساس

وانا بصت لي في استحقار
وقلبي كان مولع نار
وجد الجد عقلي اتشد
وبات يغلي من الجبار

وقلت لها ما : انا موجود
وخلي الجوده بالموجود
قالت لي قوم قوام بره
دا عادل في الغرام معبود

فقلت لها هاجيب دبوس
وهادفع فيه دهب و فلوس
فقالت لي : ولو برضه
أنا قلبي بهواه مهووس

ومين يا ناس يحوش عادل
ويرحم حظنا المايل
أنا وهشام هنتحنط
وهو الحلو بيشاغل

يا ربي نفسي اكون دبوس
والاقي بنت ماسكه فانوس
تقول لي كلمة تحييني
تفرحني ما انا متعوس

سلوى سيد عبدالعزيز كتب:

الشاعر عبد الله جمعة كتب/

يا ربي نفسي اكون دبوس
والاقي بنت ماسكه فانوس
تقول لي كلمة تحييني
تفرحني ما انا متعوس

_________________


هاهاهاهاهاهاهاهاهاههاهاهاهاهاهاهاهااهههههههههههههههههههههههه


معلش يا متعوس

لنا رجعة وروقة ورد

محمود بسيوني كتب:

الشاعر الجميل الاستاذ عبد الله جمعة بدأت رباعيات لطيفة مغرضة للنيل من دبوس شاعرنا الحبيب الأستاذ عادل عوض سند
لكني أكن لأخي وحبيب قلبي عادل عوض سند محبة خاصة فلن أكون فى الجبهة
التي تنال من دبوسه بل ساقف مدافعاً فى الجبهة الأخري

فسمحلي أقولك


ودبوسو عملك إيه

ومين قالك تبص عليه

أخاف من عينك الحلوة

تقطع بدلته وتأذيه

زمان غارو من البدلة

ودلوقت من الدبوس

ويوم ما تهل بالبدلة

شباب الحتة بات ملحوس

يبات عاطف مع جمعة

ينعوا الحظ المنحوس

ياعم عادل الرحمة

ماهيش ناقصة كمان دبوس

وجمعة سلم الراية

وقالك انة واد متعوس

وعاطف من بعيد شايف

وقال عادل دة واد خلبوص

وخلي هشام ييجي حماية

معاة مدفع متارليوس

عشان العين يا عدولا

بتفلق في الحجر وتدوس

يامستر عطية الترويح عن النفس شئ مستحب وعموما المساجلات دي فيه شئ من الدعابة وممكن تعمل برضة مساجلة عن اي موضوع انت بتحبة واللي عايز يشارك يدخل محدش ممنوع وبلاش تكون متزمت اوي كدة اعمل استفتاء علي المنتدي لو الناس بتزعل من المساجلات دي بلاش منها لكن بلاش تحرج الناس وبلاش كل كلامنا يكون عن المشاكل وبس لازم ناخد هدنةوالا سنصاب بالكآبة
واعمل بالاغنية اللي بتقول اضحك بقي وافرجها يا عم
ارجو ان تتقبل كلامي بدون زعل
والسلام ختام

عن الدبوس بلغني كتير
و ناس انتحروا وانقهروا
ده مش دبوس ده تقّيلة
ليُوُقع دولة على ضهره

امانة عليك بلاش تزعل
و نفضل بالنفوس صافية
ده حب ماهوش عدم تقدير
و لاكن.......... حكمت القافية

كل التقدير و الاحترام

فى كل ندوة وكل لقاء
بتكلفت الكل فى جيبك
بغمزة ونظرة بكبرياء
كل البنات تبقا نصيبك
والصحاب يبقوا اعداء
وانت طيب و دة عيبك
عاملين سجال ع الازياء
وانا هنا برد فى غيبك
ما تجيب بقا رقم هيفاء
وقولها انى حبيبك .....

مسترعطيه كتب:

وعشان محدش
يتضايق اوعدكم اننى لن ادخل بعد الان الى المنتدى
انا هروح فين وسط العباقره
وان شاء الله
ساحول حذف كل ماكتبت
فى موضوع
لاترك المجال للعمالقه يتساجلون

يا استاذ عطية ياريت مانكبرش الموضوع ونديله اكبر من حجمه الطبيعى الاستاذة سلوى مكنتش تقصد تحرجك بالكلام او تضايقك ولكنها قالت ان الموضوع حرية وأن المساجلات دى بتدخل شىء من الفرح على الاعضاء كلهم ,, وقالت ان حضرتك بلاش تبقا متزمت تقصد يعنى ان حضرتك تكون لين الجانب شوية يعنى من باب الترويح عن النفس وان كان حضرتك صاحب هم وقضية ف سيدنا النبى كان صاحب اكبر هم وقضية وكان الترفيه له نصيب من حياته فكان يلاعب الحسن والحسين وكانا يمتطيان ظهره الشريف صلى الله عليه وسلم وكان يسابق عائشة رضى الله عنها فهون علينا وعليك ،، اما عن موضوع ان المساجلة تقلل من شأن الشخص الذى يدور السجال عليه فهو احق الناس بالتكلم فى هذا الموضوع وان كان لا يعجبه لقال هذا ..
اخر ما اردت قوله يجب ان يكون التواجد بالمنتدى خارج نطاق جميع الاختلافات فالمنتدى يضيف للجميع فتواجدنا بداخله هو اضافة لنا لا له .
ارجو ان تتقبل وجهة نظرى الشخصية التى لا تعبر عن اى احد سواى .
دمت بخير وسعادة يا استاذ عطية .

هناك رسالة فى إنتظارك مني أخي الحبيب مستر عطيه

أحببت التنويه لك هنا لأني أعرف أن الرسايل فى المنتدا تحتاج لتقنية أعلى من الحالية لتبيه عنها فى المنتدا
أرجو أن يتسع صدرك لها

على فكرة كمان دبوس عم عادل باظ خالص .هههههههههههه بضحك والله ياعم متقفش

مسترعطيه كتب:

سلوى سيد عبدالعزيز كتب:

يامستر عطية الترويح عن النفس شئ مستحب
(ومين قال مش مستحب
وهل مينفعش الترويح الا بالسخريه والاستهزاء

)
وعموما المساجلات دي فيه شئ من الدعابة
وممكن تعمل برضة مساجلة عن اي موضوع
انت بتحبة واللي عايز يشارك
يدخل محدش ممنوع (دى حريه
ياست سلوى وكده معنى كلامك انك متدخلش
ويا ست مش انتى اللى تقررى
ثم ان دى مش حاجه تشرف
ان اعيب او اسخر او اى كان المُسمى
عن شخص فاضل ) وبلاش تكون متزمت
اوي كدة (يعنى اتحزم وارقص
يعنى اسخر واعيب
ثم واضح ان انتى لم تقرأى
ما كتبت فين التزمت فيه ترفيه
محدش قال حاجه لكن ترفيه
هادف مش هايف يعالج موقف
ودا الغرض من الشعر
حتى لو ترفيه )اعمل استفتاء
علي المنتدي(وانا مش صاحب المنتدى
علشان اعمل استفتاء
دا رأى وكل واحد حر مقلتش لحد
يبطل مساجلات ) لو الناس بتزعل
من المساجلات دي بلاش منها
لكن بلاش تحرج الناس(
يعنى ايه احرج الناس
وكلامك وتعليقاتك مش محرجه
لمن يُقال عنه المُساجله
) وبلاش كل كلامنا
يكون عن المشاكل(
امال لو المثقفين متكلموش بجد
وبسخريه وبطرافه عن الاوضاع
مين اللى هيتكلم )
وبس لازم ناخد هدنةوالا سنصاب بالكآبة
واعمل بالاغنية اللي
بتقول اضحك بقي
وافرجها يا عم
ارجو ان تتقبل كلامي
بدون زعل(فعلا والله
اصل أنا مبحسش هزعل ازاى )
والسلام ختام

الاخ / عطيه
ان تصف من تساجلوا بالهيافه . فهذا شيء مرفوض .
وان كنت لاتعرف ماهى المساجلات ؟؟ ادخل على قسم المساجلات وانت تعرف كيف كنا نساجل فى اكثر من موضوع . وان كانت كلها تخص شخص واحد . ولكن اتضح من كلامك انك لاتميل الى المساجلات من هذا النوع . فلتترك المساجله ولا تشارك حتى لاتخطيء فى حق الغير . وتعيب فينا كمشاركين . ثم تصفنا بالهيافه .
ثم تذكر فى قولك ان هذا شيء لايشرف .. ان كان لايشرفك فلك مطلق الحريه أن لاتشارك فيها . وانا ارفض ان تغلط مع اى احد من الاعضاء . كما ارفض ان يغلط احدا فيك . هنا اسره يحكمنا الاحترام وحب واخوه منذ زمن . وتلك ليست اول مساجله بيننا ولا آخر مساجله . فمن اراد الاشتراك مرحبا به .. ومن لايحب المشاركه مرحبا به ايضا .

مسترعطيه كتب:

وعشان محدش
يتضايق اوعدكم اننى لن ادخل بعد الان الى المنتدى
انا هروح فين وسط العباقره
وان شاء الله
ساحول حذف كل ماكتبت
فى موضوع
لاترك المجال للعمالقه يتساجلون