يا مصر ضحكتك زادي .... الشاعر الثائر محمد سالم

يا مصر ضحكتك زادي
*******************
أنــــا مش قــايل وحشتيني

ولا قايل

يـا روحي حقك علي عيني

و مش طالـــب انك توديني

ومش عاوزك تشيلي الهم وتجيني

أنا مشتاق لقلبك يحكي لي شجونك

يحس القلب بهمومك

ترد العين بكل الحب لعيـــــــونك

أنا جنبك

دقات القلب بتنادي

علي قلبك

ياللي ضحكتك زادي

دانــا عاشـــــق بحبك موت

أنا ولهان

عاشق وعشقه متخبي بورقة توت

بقالي زمان

عيونك ســــارقه مني الروح

عاشـــق قلبك وأنا مجــروح

ومش قادر أعيش قي أمان

ياللي ضحكتك زادي
******************
الشاعر الثائر
محمد سالم

كلمات جميله اخى محمد سالم

ونص فى حب من لايختلف اثنان عليه .

مودتى وتحيتى ..

كلمات جميلة

لوطن اجمل

ابدعت

الاخ الفاضل
عادل عوض
مرورك العطر اسعدني كثيرا
تحياتي دمت بالف خير

كلمات جميلة يااستاذ محمد
ولكنى ارى بعض الكسور فى الوزن
وهى حاجات بسيطة ويمكنك تداركها
ولكن العمل فى المجمل جميل. تسلم ايديك
تحياتى لك يااستاذ محمد
Very Happy

نص رائع في حب مصر أحييك عليه ايها الشاعر الثائر

خالص التقدير والاعجاب بعملك الجميل

الاخ الفاضل احمد رجب
تحياتي اشكرك Very Happy

الاخ حسن الجمال
من حضرتكم نستفيد ياغالي
نشكرك تحياتي

الاخ محمود جمعه
تحياتي اليك ايها الحر الرائع

وحبيتك
كما حب العرُوق للدم
وبتعذب بنار حبك
لكن قلبى ماهوش مهتم
عشانك
ادوق المُر فى الدنيا
أو أشرب سم
و أستحمل عشان قربك
أدوق الهم
وأشرب غم
يادوب يكفى اشوف طيفك
كمان يكفى اكون ضيفك
على كلمه بتقريها
يكون فيها
بحبك يا خفيفة الدم
بفكر كل يوم أكتب
لكن خايف
وأقول عيبه ياواد اتلم
كفايه تشوفها قدامك
ولو تكتب يجوز تزعل
ولو تزعل
هيبقى حكم اعدامك
وراح تبعد فى يوم عنك
ونور عينك ومن حزنك هيضلّم

الاخ الفاضل Very Happy

عطيه خضري
سعيد انا بمرورك ايها الرئع
خاصة وانت ابن بلدي الحبيب
كفر الشيخ يا بن قلين ياغالي
اخوك من بلطيم
**************
Cool

أخي محمد
كل عام و أنت شاعر و صديق رائع
أحسنت أيها الشاعر الشاعر
دمت بخير

الاخ الفاضل والصديق الصدوق
الشاعر عاطف الجندي
تواجدي هنا بينكم شرف وان يكون هناك
مرور من قامتكم علي حرفي المتواضع
فذاك وسام اتمني ان اكون عند حسن ظنكم
كل عام وانت واسرتك الكريمة وكذالك
اسرة المنتدي بالف خير وتقدم
************************
اخوك محمد سالم

اخويه الحبيب
محمد يا سالم
يانعم الاديب
يا زينة السَوالِم
ياطيب وهادىء
ودايما مُسالم
الشرف ده ليِّه
وربى اللى عالم

» (هاتف نداني في منامي) الشاعر :الثائر(محمد سالم)
» الحروف الملهمة ** للشاعر الثائر محمد سالم *ودي كمان لك عاطف
» سامح المرة دي ... للشاعر الثائر محمد سالم
» قصيدة (على شطك)
» ماحس بيه