مساجلة ( اللي اساء للنبي ) رجاء المشاركة حبا لنبينا الكريم

بناءً علي اقتراح أخي الشاعر الكبير عاطف الجندي المدير العام

نبدأ علي بركة الله المساجلة حبا في رسولنا الكريم صلوات ربي

وسلامه عليه ...

*****************************************

اللي أساء للنبي
مسكين مريض بالجهلْ
جاهل حقود مفتري
والخلطة دي
مش سهل ْ
لو إنه عَرف النبي
كان أتبع دِينه
وقدّم المصطفي
ع النَفس قبل الأهل ْ

عاطف الجندي كتب :

اللى أساء للنبي في الدنيا ماله حياء
الحقد فيه انطوى و الغل أصل الداء
لو كان فهم دعوته ،أو بص ف القرآن
ما كان غلط غلطته أو عوَّى ف الأرجاء !

جايلك ياحودة بس أنا في المكتب ويادوبك سرقت وقت أنزل قصيدة كلمة عتاب من فنانة شريفة

اللى اساء للنبى فى الاصل هوه غشيم

والكفر لو حا اوصفه موجود واصله قديم

لكن بقى ف عصرنا يطلع جهول حيوان

يشتم ف سيدنا النبى . وهوه اصله بهيم

كذاب الل قال ع النبي كذاب

ووحي الاله للنبي حديث وكتاب

سافل .. جبان .. جاهل .. غبي

اللي اساء للنبي واللي سب النبي

ولو تاب ملعون فى كل كتاب

اللى أساء للنبي
في الدنيا فهمه قليل

تقول له قال ربنا
أو جالنا ف التنزيل

يقول كلام البشر
و مؤلفه صاحبك

تقول له أفهم بقى ..
تلاقيه طالع له ديل

مداخله بسيطه فى مساجلة اللى أساء للنبى
اللى أساء للنبى
فى الاصل ما عنده دين
لو كان من طبع البشر
كان عرف ان اصله طين
شيطان وضحك عليهم
ومين اللى هياخد بايدهم يوم الدين
لو كانو عارفينه
ما كان فى يوم رسموه
لو كانو عارفينه
ما كفى حياتهم لوم
ازاى يسبو النبى
ويبيعو اخرتهم
ده هو ده عين الكفر
اللى عمى قلوبهم
اللى أساء للنبى
ما يعرف التنزيل
قرأن رب العباد
نصره ليوم الدين
محمود الشاعر

اللي أساء للنبي

عايش ف وهم كبير

فاكر بأن الهبل

راح يعمل التغيير

ربك وقال حكمته

في محكم القرآن

حافظ كتاب أنزله

كافي النبي التشهير

السلام عليكم ورحمة الله وبركاته

صح لسانكم وبوركت حروفكم جميعاً

اللي أساء للنبي
سيبينه لجنونه

بيغلي دمه الحقود
بين وهمه وظنونه

دا اللي عليه أفترى
القبر ما يصونه

وعهدنا سنته
طريق ماهـانخونه

الله فسابع سما
كافي عبده وشؤونه

اللي أساء للنبي حقده عليه مردود

ملعون عليه الغضب أسود وقلبه حقود

مفضوح كدة في دنيته والآخرة سوده وطين

والقبر فيه رمته عمال ياكلها الدود

هذا الذي سبَّ النبيَّ محمدا
لو كان يعلم سمته لبهِ اقتدا

يا كاتباً هلا قرأت مسيرهُ
فانظر له فهو الكريم الأجودا

اللي أساء للنبي منلُمشي على جُرمته

لزّقنا فيه السبب واحنا سبب فعلته

يا أمة فيك العجب بطلتوا تستحيوا

لوغيرانيين عـ النبي كان سُنّته تحيوا

لن أقول شعرا بل أقول ما قاله الله :

و إنّك لعلى خلق عظيم

و يقول :

هو الذي أرسل رسوله بالهدى و دين الحق ليظهره على الدين كله و كفى بالله شهيدا

صدق الله العظيم

اللي أساء للنبي
يا ويله صبح وليل

لا طعم في لقمته
عايش وقلبه ذليل

وياشقاه في أخرته
هيشوف في ناره الويل

لأمريكا هتنفعه
فسعير عذابه تقيل

الىأساء للنبى واطى وابن كلاب
لقيط وامه زانيه والطبع فيه غلاب
لو يعرف قيمة النبى وعظمة تالانساب
لراح لقبر النبى يحلفله انه تاب
وساعتها اه النبى
هيسامحه ويقوله
الغلطه مش غلطتك
دى غلطة ال ساب
كل من هب ودب
يشتم يهين ويسب
ونفتحلهم ابوابنا
ونديهم الحب
لو احنا قاطعناهم
هييجوا يترجوا
بترول وقمح ورز
يال تسب النبى
ينعل ابوك ومنى انا ليك
مليون يا زفت طظ

اللي أساء للنبي... شاف مُسلمين تايهين

الكَهلْ قبل الصَبي...للجهلْ.. قالوا آمين

نسيوا الفرُوض والسُنَنْ وشريعة الإسلام

واللّي بينسى الإله..خسراااان ليوم الدين

اللّي أساء للنبي..(عُصبة) ما بين ملايينْ

أذكى ما فيهم غَبي..والباقي مُش فاهمينْ

لوكانوا عِرفوا النبي.. أو فهموا أخلاقُهْ

كان عاشوا للمُصطفى أتباع في دُنيا ودِينْ

اللّي أساء للنبي...لو مَهما قالوا عليهْ

إنسان غريب أجنَبي...والمُسلمين حواليهْ

عايشين عبيد للدولار والكُرسي والسُلطانْ

والأخ لَجل الميراث.. يقتل أخُوه بإيديهْ

اللى أساء للنبى صحبه من الخايبين

لا عرفوا يوم مذهبه عاشوا كده مساكين

سيبهم على حقدهم ف الكفر وهمومه

وأحيوا ف سنة نبى أغلى من الغاليين

على اللى أساء للنبى ربى حسيب ووكيل
يقول ويعيد أفترى وماله عليه تقويل
ده ربى صلى عليه وسلم ليوم الدين
ولا بعد سلام الله للقول يا خلق سبيل
لكن بكفره يسئ للى الإلاه علاه
ولا دارى ان الخزى والنار كمان مأواه
اللهم صلى وسلم عليك يا حبيبى يا محمد يا رسول الله

اللّي أساء للرسول...عَـند السِفـارة شبابْ

من أصل نسل الفلول..واللّي ضميرهُم غابْ

مِنْ إمتَى كان الدّين يحميه شباب مسااطيلْ

د اللّي يسيئ للنبي..ملعُـون في كُل كتابْ

الدنيا ليل و نهار&&&سبحان الواحد القهار
يامن أسأت له&&&هيحاسبك إله جبار
مهما حاولت تنكر&&&ستفشي كل الأسرار
ملعون بقي ملعون&&& وموعدك هو النار

للي أساء للنبي
مش همه بس الإساءة
أصل البعيد مش غبي
ده حمار عايز فهامة
والبردعة ناقصاه
والتبن هو دواه
والأصل مش مـ الطين
ده أكيد ناشئ مـ النار
فشيطانه له قرنين
والنسل نسل حمار

اللي أساء للنبي
عيل ولا يسوى
واحناعرب أخلاق
فرضا شتم هو
نرد بالقسوة
ولا نمشي ع الميثاق
عهد الرسول لينا
نردبالحسني
مش بالضجيج والقوة

تحياتي

محمد الرحمه المهداه للعالمين
===============

يامن قال عنك ربك

أنك لعلى خلق عظيم

فكيف أصفك ياحبيبى

بعد ماقال الكريم

وقد برئك ربك

من سب كل لئيم

ذلك العتل الزنيم

×××××××××

يامن قال عنك ربك

أنك رؤوف رحيم

وأنك ياحبيبى

رحمه للعا لمين

×××××××××

فحنوك ياحبيبى

على جزع النخيل

بعد سماعك الأنين

لخير رد ياحبيبى

على إفتراء المشركين

» مساجلة عن شهر رمضان الكريم
» تهنئة لشعب مصر / رجاء المشاركة
» رباعيات اللي أساء للنبي
» اللي أساء للنبي / محمود جمعة
» مساجلة كذبة إبريل "رجاء الدخول"- طارق منيب