اخر نساء الكون

لو اخر نسا ء الكون

ولو بنت ل اجا ممنون

ونور الدنيا من ضيك

منيش عايزك

ولو وصي عليكي آمون

وكهنة معبد الفيله

وكام فرعون

وكان من صحبتك نايله

وسلطتي عليا إيزيس

والهة الجمال فيكي

ولو ظنك بيغريكي

منيش عايد ف يوم ليكي

ولو كان الحكم كيوبيد

قتلتي الحب جوايا

وكان عربيد

ولو يلعبي ميت عفريت

منيش عايزلياليكي

ولا الجنه اللي ف اديكي

مفاتيحها

فسيبي جروحي مطرحها

انا مالحقت اطيبها

دانا محير طبايبها

فخليكي كما كنتي

في اخر صف ف الذكري

وخليني علي حالي

أواسي الروح بموالي

ومتغتيش علي جرحي

معدش الجرح يألمني

منيش عاوزك فمتجيشي

بموت وانتي اللي بتعيشي

ولو كان بكره فيكي حياه

هموت اليوم ولاتجيشي

(طاهر الصوفاني)

رسالة شديدة اللهجة

من شاعر قدير عنيد

لدرجة أني كنت هاتدخل وهاطلب منه السماح

بس سماح ايه إذا كان آمون وكهنة معبد الفيلة و إيزيس وآلهة الجمال

والفراعنة بجلالة قدرهم معرفوش يقنعوك

أنا العبد الفقير اللي هاقنعك

شاعرنا الجميل نص لا يقدر علي إخراجة بهذا الجمال سوي ( طاهر الصوفاني )

لي الشرف أن أكون أول من مر عليه وأستمتع به .

اخى الشاعر الحبيب

طاهر الصوفانى

حالة رفض مع سبق الإصرار والترصد .

واراك هنا قد تحديت طاهر الصوفانى فى من نصوصك الراقيه .

اعجبنى تمسكك بالوزن وسردك المنتظم الذى لايتخلله هوه بين الاحداث .

احييك على جمال وبراعة حرفك الجميل .

مودتى وتحيتى ...

روعة وجمال أخي طاهر

صورك جميلة أدت دورها تماما في ابراز هدف القصيدة في رفض

اي تحرك جديد لتلك العلاقة استحضرت فيها ثقافتك الثرية من أجامممنون

لايزيس وكيوبيد ومصر الفرعونية ،،،

أحييك علي نصك الرائع المتميز

وأثبت النص تقديرا وأعجابا

جميلة جدا
الفكرة الـ مسيرها الاصرار متوافقة ومتراتبة مع توارد التركيبات والوزن والايقاع

تحياتي
لقلمك الرائع أيها الشاعر

ولو كان بكره فيكي حياه

هموت اليوم ولاتجيشي

الله الله مش لاقى كلام يتقال بجد روعه شاعرنا الجميل نحياتى لك

جميل أستاذ طاهر
ربنا يكرمك و يوفقك شاعرنا الرائع