قبل ما يفوت الاوان

قبل ما يفوت الأوان
لملم اللى باقي منى
امسك اللي باقي فيا
واشتريني
وانسى روحك لو يومين
قبل ما تفارق وافارق
قبل ما تضيع السنين
انسى اسمك وانسى ذاتك
وافتكر لحظة ميلادك
لما كنا مشتاقين للحلم يكبر
جوا جوانا المنور بالعمار
افتكر ضحكة شبابك بالنهار
افتكر
كان بينا عشق من الزمان المستحيل
ألف مره يحاولو ينتهكو امتلاكك للحياه
وانت رافض الاستكانه
كلمة الموت اللي عايز ينتصر
مشطوبه من قاموس حياتك
وانت رافض جوا نفسك الانهزام
كل ما يميل الزمان بينا تقولى متخافيش
انتى باقيه رغم كل الكون عشان خاطرك هعيش
كنت نفسك كنت ذاتك كنت صوت الحق بيأسس ولادك
كنت بتربي العيال ف المدرسه ع الخوف عليا
واما هزيت الجميع بدموع عنيا
قمت واخد شنطتك رايح لفين؟
هتسيبنى من بعد اللي كان بينا على مر السنين؟
بتقول مليش فيكى مكان ؟
أيام زمان
ليه كنت صابر ع الضنا
ومصبر القلب اللي ياما خطت الأحلام عليه
ولا شافش منها الا الوسن
ليه كنت راضي تعيش جبان
واما الحياة حطت ف ايدك سرها
خايف تعيش؟
خايف تكون فاعل جريء
واقف ف ضدى وألف ميت مليون فريق متقسمين
ولا حد فاكر من دموعى الطيبه غير المهانه
ليه غصب عن ليل المدينه
سرقت ضيك م العيال وجريت
واقف بعيد بتشدنى
والكون بعيد بيشدنى
وانا بتمزع
لا عنيك بترحم شدتى
لا ألمى بيخفف إديك عنى بكرباج عِندها
فجأه بقيت انت الأهم
ومعادش فاضل جوا منك لو بواقى خوف عليا
وانا لما شوفت قساوتك العميانه عنى بعندها
جفت دموعى
وشطبت اسمك من تاريخ العاشقين
ومشيت
ولا بعد منك هلقى كف يهون الأيام عليا
ولا بعد منى هتلتقى حضن يواسيك

الابنه الشاعره الجميله

دعاء العطار

النص ده مسبب .. وكلماته آلمتنى فعلا .

به يأس وعدم تصديق للواقع . وبه لوم واسف .

عموما انا استمتعت به وقرأته مرتان لجمال محتواه .

ربما اعود اليه مرة اخرى بعد ما اسمع رأى الاصدقاء .

تحياتى ايتها الرائعه ..

النص للتثبيت

بواسطتى تقديرا للشعر والشاعره ...

تحياتى وتقديرى ...

النص ده المفروض يتثبت فى ميدان والكل يتعلم منه
ايه العظمه دى دعاء
ارجو تبعتيلى طلب صداقه ع الفيس
انا اسمى
عبدالتواب الرفاعى

الاخت العزيزه و الشاعرة الكبيرة دعاء
تحياتى لكى و للقصيدة الجميلة التى قد جذبتنى و معنيها الجميلة
فهذا ليس جديد عليكى
اتمنى من الله ان تسعدى و نرى لكى دئما الجديد

الشاعرة الجميلة المعانى والاحاسيس .. دعاء العطار

احسن قلمك وصف قاسى المشاعر ملىء بالحزن

راق لى تواجدى بين احرفك الراقية

دمت بكل خير بعيدا عن الاحزان مودتى وحبى

دوعا حبيبة قلبي وابنتي الغاليه حمد الله علي السلامه
واوعي تغيبي تاني علينا

دعاء الراقية
تحياتى و تقديري
كنت هنا و قرأت الجميل
تقبلى خالص ودي

حمدا لله على سلامتك

اطمئننا على تواجدك

وأقلقتنا كلماتك

مودتى

عادل عوض سند كتب:: الابنه الشاعره الجميله

دعاء العطار

النص ده مسبب .. وكلماته آلمتنى فعلا .

به يأس وعدم تصديق للواقع . وبه لوم واسف .

عموما انا استمتعت به وقرأته مرتان لجمال محتواه .

ربما اعود اليه مرة اخرى بعد ما اسمع رأى الاصدقاء .

تحياتى ايتها الرائعه ..

أبي العزيز الألم نابع من قلبي لا من نصي
تحياتى لك ولمصر الـ........... غاليه

عبد التواب الرفاعى كتب:: النص ده المفروض يتثبت فى ميدان والكل يتعلم منه
ايه العظمه دى دعاء
ارجو تبعتيلى طلب صداقه ع الفيس
انا اسمى
عبدالتواب الرفاعى

الشاعر الكبير عبد التواب الرفاعي مرور طيب شرفت به والعظمة لله يا صديقي
تحياتى

محمد صلاح قنديل كتب:: الاخت العزيزه و الشاعرة الكبيرة دعاء
تحياتى لكى و للقصيدة الجميلة التى قد جذبتنى و معنيها الجميلة
فهذا ليس جديد عليكى
اتمنى من الله ان تسعدى و نرى لكى دئما الجديد

كل ما تكتبلي تعليق يا محمد افتكر ندوات الجامعه وشلة الشعرا الغلابه بتوع كوباية الشاي اللي ع النوته من عند عم صلاح
كانت أيام جميله قوى
تحياتى صديقي العزيز

بسمة الورد كتب:: الشاعرة الجميلة المعانى والاحاسيس .. دعاء العطار

احسن قلمك وصف قاسى المشاعر ملىء بالحزن

راق لى تواجدى بين احرفك الراقية

دمت بكل خير بعيدا عن الاحزان مودتى وحبى

لم ولن تحسن الأقلام في وصف المشهد استاذتى
فالحسرة أعمق من ان توصف
تحياتى

م/عطية شواش كتب:: دوعا حبيبة قلبي وابنتي الغاليه حمد الله علي السلامه
واوعي تغيبي تاني علينا

حاضر يا بابا اسأل انت بس وانا مش هغيب

عاطف الجندى كتب:: دعاء الراقية
تحياتى و تقديري
كنت هنا و قرأت الجميل
تقبلى خالص ودي

شاعرنا الكبير ورب اسرة منتدانا
مرور طيب شرفت به
تحياتى استاذى الغالى

عاطف عاشور كتب:: حمدا لله على سلامتك

اطمئننا على تواجدك

وأقلقتنا كلماتك

مودتى

أستاذى لم تقلقك كلماتى بل أقلكتك مأساتنا

لنا الله ولكى الله يا مصر

» قبل ما يفوت الأوان
» " قبل ما يفوت الأوان " أرجو المشاركة
» أن الاوان
» قبل الاوان
» اما ان الاوان لمحاكمة الظالمين ونصر المظلومين- الذين يشاركون