ملك الموت حضر

ملك الموت لما حضر
الحزن هوا اللى انتصر
الكل كان شاهد على الكفاح
كفاح إنتهى بالنجاح
لأم ربت تمانية أيتام
قاومت كل جراح وآلالام
واحدة بعد ما ربتها
هجرتها وضميرها نام
وبعد ما خلتهم رجال
كل واحد ليه بيت وعيال
جالها شلل خلاها فى السرير
وولادها جالهم إختبار الضمير
مين شال أم تعبت عشانه كتير
مين ساعد أمه اللى سنها كبير
مين اللى ساعد شوية واللى ساعد كتير
ومين مشفهاش من بعيد
وكان قلبه أشد من الحديد
ويوم ما ماتت كانت نتيجة الإختبار
مين داق عشانها المرار
ومين سابها من أول الإختبار
كله يومها حاسب نفسه بالدموع
كله إتمنالها الرجوع
صعب تفارقها فى القبر
ساعتها تتمنى الصبر
بعضهم بيتكلموا فى توزيع حاجتها
بدل ما يدعوا ربنا يثبتها
بعضهم بدل ما يخلوا
فلوسها صدقة عشانها
بيتكلموا فى حاجتها وتمنها
ياااه لما يموت الضمير
يخلى الغنى مذلول فقير
يموت القلب وينتهى الحب
وتبدأ بداية جديدة للغلب
صحصح ضميرك تعيش سلطان
موت ضميرك تبقى مش إنسان

حاله انسانيه تأثرت بها

فكانت تلك القصيده . والتى كانت تحتاج الى التروى

قبل نشرها . درش انا سبق وقلت لك :

حاول تعتنى بموسيقى الشعر للجمله الشاعريه .

وانا منتظر منك النص الكامل .

مودتى وتحيتى ..

أستاذى عادل عوض سند شكرا لك على مرورك الغالى دمت بخير وود وسعادة