إرتجاله ف عرض الغياب

(1)



مشتاق لحضنك

والبدن مرعوش

وساقع

وانتى خايفه تكلفتينى

تكسرى ضلوعى اللى فاضله

تموتينى

يعنى ايه ؟

الذكريات

حاضره بسؤالها

والجحيم

حاضر بناره

وانتى حاضره

بالغياب

الذكر لعنه

والتناسى لعنتين

وجنّتك

أشبه بجنّة المسيخ

وفتنتك

أشد فتنه من بنات الليل

هويت

ياللى استجرت بربنا

م العشق

لكنه ابتلاك

وعرفت طعم النوم

على الإمساك

ومش صابح صيام

الذكريات

داخله اعتصام

ميفضّهوش الغاز

ولا يفضّوه رتب

عشان كده

الذكريات

قلة ادب





(2)

هوا انتى ليه

زى المحارم جوا منى ؟

وبعشقك

عشق الغياب لغياب جديد

صوفى

وقلبى ف العلا أصبح زهيد

لكن زهدى

ف العلن

ونفسى طاقه من الرياء والكدب

جسمى

سايل الصبّار

ف يوم فطام رضيع

وحلقى مرّ زى دور البرد

شوق

مش قادر اوصف حجمه فيا

من التوهج

بس فيه اصرار غريب

ع الإحتمال

معرفش ليه القلب مال

ولعبت زى الحرّانين

ف التلج

عريان البدن

بذمتك

مش شايفه قلبى ازاى بيعشق رؤيتك ؟



(3)



قلقان

من امبارح يكون تمهيد لبكره

والهلع

ف شكل فكره

بتتغزل ف العقل

مش لازم أفلفص

لجل فعلا تعرفى انى بتخنق

والشماعات

اتكسرت ساعة الفشل

عشان كده

لابد من أوهام جديده

ظلم بيّن

لو تشوفى الجرح صاحى

وتجرحينى

حتى لو كان جرح هيّن

لو ضرورى تعذّبينى

عذّبينى

بس من فضلك

يا ريت قبل الرّحيل

تبقى تبوسينى



(4)



محمود يا رب ف كل حال

سواء هعيش

سواء هاحب

وهيّا اخر كلمتين باقيين

من الأسماء

لكنّ النطق أصبح شئ محال

محمود يا رب

ف كل حال

لي شرف المرور الاول والشرف لي

نص قرأته وسأعود مرارا كي أقرأه

تقبل مروري واعجابي

جميله

أحمد رجب معيط كتب:

لي شرف المرور الاول والشرف لي

نص قرأته وسأعود مرارا كي أقرأه

تقبل مروري واعجابي

شكراً يا أستاذ أحمد .. الشرف لى

عبد التواب الرفاعى كتب:

جميله

أنت الأجمل يا أستاذ عبد التواب

عاطف الجندى كتب:

أسامة الراقي
هنا شعر حقيقى
و قصيدة جميلة
أهنئك عليها
دمت راقيا كما أنت

أستاذ عاطف الجندى : أشكرك شكراً جزيلاً
مؤخراً علمت من صديقى الأديب الأستاذ : (محمد جمال الدين) بأمر الجائزه .. إعذرنى على إنى لم أهنئك مسبقاً
مبروك

م/عطية شواش كتب:

يا اسامه نحن لم نعد في زمن الرمز والاسقاط نحن في زمن البجاحه فلا اقل من مواجهة البجاحه ببجاحه انت شاعر رائع فافصح

تثبت بواسطتي

ههههههههههههههههههههههه

شكراً يا أستاذ عطيَّه

رأيى أن غرضية الإبداع تكمن فى الرمز
فلنترك الإفصاح للسياسه
ولى منابر أخرى للإفصاح عما أريد
فلا أقل من أحترمكم وأقدم لكم ما ترتضونه وما تتوقعون قراءته منى

قصيدة جميلة فعلا يا اسامة

تصويرك و الفاظك اكثر من رائعة


تحياتي و تقديري

عاطف عبدالعزيز الحناوي كتب:

قصيدة جميلة فعلا يا اسامة

تصويرك و الفاظك اكثر من رائعة


تحياتي و تقديري

إنت الأروع يا أستاذعاطف .. شكراً

عادل عوض سند كتب:

لك اسلوب مميز فى سرد الفكره

ولك مفردات خاصه وتهوى الرمزيه كما قال اخى عطيه .

واظنك لاتهوى المباشره التى لاتحتاج الى تأويل .

اسامه الجميل احييك على كلماتك

وتقبل مرورى ومودتى ...

فعلاً يا أستاذ عادل .. أنا مش من محبى المباشره , الإبداع ضد المباشره من الأساس .. من وجهة نظرى طبعاً

شكراً لك .. ومرورك شرف ليا