30 سنه كانت رزاله

انتهى عصر الجهاله
انتهى عصر العماله
وعصر اخد استقاله
وابتدأ عصر النباله
والحكايه فى كل حاله
انها تبدا بصدق
وتنتهى دايما
بالخيانه والنداله
قلنا لما يغور مبارك
هيلاقو حل للبطاله
30 سنه كانت فساد
30 سنه كانت رزاله
30 سنه والوضع ميئوس
هنعدله كات استحاله
وقامت الثوره ف عجاله
اهو جالنا نور
وجالنا حريه وعداله
باكتساح
وكل واحد نسبته
كانت محاله
وبرضه م الاحزاب التانيه
فى مجلس شعبنا
كانت كماله
بالله عليك
اتغير ايه
ان اللسان اصبح يقول
بالفصاحه والخطب
وكام مقاله
الفعل فين
الامن فين
واللى عايزاه المعايش
هو فين
والنداله فى البشر
هيه النداله
ناخد مثل
فى حكايه الغاز
ياخد الاخوان مكان
انته اخوانى هتاخد
وكمان هتبقى م العزاز
وياخد النور مكان
والمحسوبيه هيه هيه
وتلاقى انبوبه استحاله
يعنى ايه ياخدوا البطاقه
وتمشى من غير البطاقه
يعنى تجرى عند بيت فلان
وبيت فلان
هتجيب لهم منين
للجرى طاقه
متسيبوها زى ما كانت بتمشى
حملوها للارزقيه
وابعدوا الناس الزباله
سيارات وتلف ع البيوت
ومش حكايه لو زادت جنيه
يعنى ايه
يعنى لا يتحكم فلان
ولا اتحايل على فلان
ولا اجرى فى كل مكان
ولا تقوللى بطاقه ولا دكان
ابعدونا عن الضلاله
يفضل الاخوان ضمير
والنور هدى
يراقب عليهم فى كل اطلاله
ولا عاجبكم وجعنا
ودوختنا وصداعنا
هيبقى انتوا والزمن
وحسنى اللى باعنا
ياخد فلان انبوبه
والتانى ايش معنى
ويقولو وطنى جديد
لكن ملوش معنى
عايزينكو تفضلوا
نصنا الحلو
اللى يمتعنا
وتفضل سيرتكوا الطيبه
دايما تشبعنا
وايدكوا الحنينه
تطبطب على ضهرنا
لو مره يوم ضعنا
تبقى كرامتنا
ما تصيبنا اذلاله
انتهى عصر العماله
وابتدأ عصر النباله
والحكايه فى كل حاله
انها تبدا بصدق
وتنتهى دايما
بالخيانه والنداله

تنقل للعامية
مع خالص الود

الاخ عطيه خضيرى

ربما اخرجت بعض الرفض لما يدور الآن

وذكرت بعض المثالب التى تؤرقنا .

ونتمنى من الله ان يكونوا عند حسن ظننا .

رغم انى ما اراه الآن يشككنى فى ذلك .

مودتى وتحيتى ...

» كانت غلطه ...!!!
» انسى كانت
» كانت وكنت..!
» كانت وكنت..!
» كانت زمان..... قعدة شوى