نصيحة لإأبني

نصيحة لإبني
ـــ


نصيحة بقولها ليك يابني

وخدها خلاص

مافيش في العمر يوم باقي

غير الإخلاص

وكلمة بريئة بمحبة

وحِب الناس

وصاحب كل من صاحبك

علي الإخلاص

وأوعي في يوم تخون خاين

ولا تعاتب في يوم خاين

وخلي في طبعك الإخلاص

ـــ

نصيحة كمان ومش هانسي

ومش عايزك كمان تنسي

فروض ربك

تصلي تصوم

في محرابك

واوعك تهجر القرآن

ورتل في كلام ربك

تعيش مرتاح

وراضي عليك كمان ربك

ـــــ

نصيحة أخيرة

أنا يا بني عايز راحتك

ومصلحتك

داعيلك يابني من قلبي

وعمري في يوم ما جرّحتك

أنا خايف عليك يابني

من الشياطين

يهدّوا كل بنياني

سنين عمري وأحلامي

وفرحي معاك

عاهدني يابني

ماليكش دعوة يوم بيهم

وأنا عمري وهبته فداك

عشان تسعد وفي الجنة

يكون مسواك

ونتقابل كريم ربك

يجمّعنا ف نعيمة هناك

ــــــــــــــ