طيب - عاقل - مش مجنون

[b][size=24]
( طيب عاقل مش مجنون )

وإية الفايدة إنى أكون
وسط عالم مش مُهَذَب
طيب عاقل مش مجنون
واللى حاكمنى مش مؤدَب
لا ليا طعم ولا لون
رأى جِوة مِنى مَدفون
كأنى ساكِن بَرة الكون
بعيد مُنعَزِل مش بَقَرب
**************
كل هَمى أكون نَفسى
أطلع أركب على كُرسى
عمرى ماقـُلت يوم نِفسى
أصلح شئ أو أجرب
**************
نفسى أعمل أيوة حاجة
لية أكون مليان سَذَاجة ..؟
بارد عايش فى ثلاجة
لقولة رأى مِنُة أهرب
*************
صوت العقل بينادينى
أنا وغيرى بيهدينى
لية مِكَتِف عاصِب عينى ..؟
وأنا عطشان بِدى أشرب
**************
صوت الحُرية بيندَهلى
شايف شَكلُة بيضحَكلى
لية بمشيلـُة على مَهلى ..؟
سايب إيدى للريح تضرب
***************
عايز صوتى يعلى ويكبر
زى أذانى .. الله أكبر
أزرع أمل لونة أخضر
أبنى أعمر ولا أخرب
***************
لازم لسانى يقول الحَق
أعودُة ديمن على مبدأ
فى وش الظالم ينطَق لأ
بإسم مَصر إياك تِلعَب
**************
يوسف أبو زينة
3/2/2012 م
[/size[/b]]

أخى يوسف
لا فض فوك أيها الرائع
كنت هنا و سأعود
دمت بود

أخى يوسف
لا فض فوك أيها الرائع
كنت هنا و سأعود
دمت بود

أستاذى الكبير الشاعر.. عاطف الجندى
تحية طيبة ..
اسعدنى تعليقك الجميل على عملى المتواضع
مرورك زاد من إثراء العمل لك كل الورود
مع حبى وتحياتى

اخى الشاعر

يوسف ابو زينه

لا اسكت الله لك حسا .

كله بالصبر وان شاء الله اللى جاى احسن .

مودتى وتحيتى ...

الأستاذ يوسف أبو زينة

جميل ما قرأته لك أيها المبدع

وعين العقل يا شاعر

تحيتي وتقديري

قول الحق وميهمكش

أوعك منه تخاف وتكش

كسر وش الناس الظالمه

قول لندل متتحكمش

تحيتى لفكرتك الرائعه شاعرنا الراقى يوسف ايو زينه

دمت بحب وخير وسعاده