كان ذنبهم ايه اللى ماتو ف بورسعيد

كان ذنبهم ايه اللى ماتو ف بورسعيد
كان ذنبهم ايه لما راحو يشجعو

كان ذنبه ايه الطفل لما يروح سعيد
وامه بتستناه ... تقوم تودعه

طب ذنبها إيه دي اللي حرقو قلبها
طعنوها ليه والجهل مززع كبدها

ملعون أبو القرش اللي يقطف زرعها
على كل إيد عالأمن ... عايزه تزعزعه
....
كبدي عليك يا ضنايا وانت بتتفزع
لما بعنيك بتشوف أبوك غرقان ف دمه

وامك صراخها القلب منه بيتخلع
وبكاها بيخلي الحجر يشتاق يضمه

عماله تحضن فيه وقاعده تكلمه
وتقول له قوم دا الحلم لسه بنرسمه

عايز تفوتني في الطريق من أوله
أنا كنت حاطه العطر ليك ... قوم يلا شمه
....
ولا اللي كانت قاعده تتمكيج في بيتها
وماسكه تليفونها وبتكلم خطيبها

وتقول له هستنى رجوعك بالسلامه
وفجأه صوت صفاره بيخليه يسيبها

رموه شوية بلطجيه من بعيد
علشان يقابل ربنا ويموت شهيد

وهيا مستنيه لما يعود لها
ومكتشى عارفه اللي بيستنى حبيبها
....

الاخ الحبيب الشاعر

رضا عثمان

قرات هذا النص وانت تعرف رايى فيه .

نص حزين حزن مصر أكملها .

احييك واشد على يدك ايها العزيز .

مودتى وتحيتى ...