شهيد أمام الصامدين ( شهيد طب عين شمس علاء)

اهداء الى روح شهيد كلية طب علاء عبد الهادي

رحمه الله وادخله فسيح جناته



اليوم دا يومك ياشهيد المسعفين

اليوم دا يومك يا دمعه القلب الحزين

صرخت ضروب المظلومين

آدي علاء رمز الوفاء

شهيد امام الصامدين

يا شرخ في القلب انكسر

يا نبض في الروح اتبطر

يا عود ريحان ورد السنين

اليو م دا يومك يا شهيد المسعفين

يا ورده لسه بتبتهج تطلب ربيع

يا حلم لسه بيبتدي حب الجميع

ادي الكبير وادي الرضيع

صرخوا فراقك وانته بتأدي اليمين

اليوم دا يومك يا شهيد المسعفين

امك تقول انك لها ينبوع حنان

وانك وطن جوه الوطن مالوش مكان

يا حلم مات لكن بقى صوته امان

اديك في جنه ربنا وصوتك رنين

اليوم دا يومك يا امام الصامدين

اليوم دا يومك يا شهيد المسعفين


خالد صبح