قطر العمر

قطر العمر
يا قطر العمر يا محمِّل كتير أحزان
باقولك إيه من الآخر
ما تيجي ف مرة نتفاصل
على الرحلة وع الأيام
يا تاخد الباقي وتروّح
يا تعتقني من الأحزان
أنا مصلوب ومتكتف على القضبان
فلنكاتك تملي حديد
ولا بتلين لأوجاعي
وانا المدبوح وسال دمي على كفك
ولا يكفك عن الجريان طلوع الروح
ما تاخدها ويلا تروح
مادام عشمي ف أفراحك بقى أوهام
محطةو تانية اقول هانت
ألاقي التالتة ف السابعة
وهااااااااات يا جروح
تقيل حملك يا قطر جروح
ف نزِّلي شوية حزن ف محطة
عشان اقدر أكون وياك
وهدِّي شويةع السكة
وسيبني أبوح
وبلِّ الروح ولو مرة
بحضن حبيب
وطلِّة عيد
عشان اشفي ولو لحظة
وجرحي يطيِب
ده انا وياك من الأول وللآخر
و حقي عليك من الاخر
ف يوم إفراج
كفاية عليك سنين العمر عبّتها
جراح وهموم
فريّحني
وسيّب الباقي للدنيا
وخد لياليك
ومتاخفش
لا يوم هابكي على فراقك
ولا ها دعي ف مرة عليك
ولو دمعة ملت عيني على اللي راح
هاقول سامح يا دمع العين
قدر مكتوب
ولو ما رضتش بالقسمة
عشان خاطري تريحني
وعبِّي الباقي م الرحلة
وخدها وروح
يا قطر و روح

أخى بكرى
مرحبا بك فى بيتك و منتداك
و أهلا بشاعر و صديق جميل
تنقل القصيدة للعامية للتخصص
و منه ستشترك فى المسابقة بإذن الله
مع خالص ودي

أهلا و سهلا بالشاعر بكرى
شرفت المنتدى
قصيدة جميلة
تسلم الأيادى

الله عليك يا استاذ بكرى حلوه بجد تسلم ايدك عليها

الشاعر / بكري جابر
تحياتي لك
واهلا ومرحبا بك
وقصيدتك الاولي هنا تبشر بأننا سوف نستمتع
بشعر وبشاعر جميل ومتميز
دمت بود

الشاعر استاذ بكرى
نص قوى وشاعر جميل انت
اهلا بك

الشاعر القدير الأستاذ بكري جابر
أولا أهلا و سهلا بك و بأولى مشاركاتك
الرائعة لقد سررت كثيرا لقراءتها
سعداء بانضمامك إلينا
نورت المنتدى بوجودك فيه

تقديري

أعجبتني جداً الفكرة وحسن النظم وسلاسة القصيدة ولحنها

تقبل مروري أيها الشاعر الكريم