خَـجـولـة من إيــة

[center] خجولة من إية
شايف فى عنيكى خَجَل الدنيا
وف إيديكى رعشة لامسة إيدية
مش قادرة تبُصى لية فى عنية00؟
طب كل دا لية 00؟
خَجولَة من إية
***********
خُدينى للكلام اللى جوة عنيكى
إبعدى السِتار اللى شايفُة فيكى
حَسِسينى معاكى إن أنا ليكى
إنتى حاسة بإية
خَجولَة من اية
***********
ناقصنى كتير وانا وياكى
ناقصنى اسمع اشوف هواكى
أنا معاكى ولا أنا مش معاكى
بِتفَكرى فى إية
خَجولَة من إية
***********
دا سِكوت ولا كِسوف م القمر
دا خَجَل ولا خوف م القَدر
بينى وبينك جِدار مالوش أثر
ياريت تِكسَرية
خَجولَة من إية
***********
حايشة الكلام لية مش بتقولية00؟
حايشة الغرام اللى جواكى لية00؟
قولية وإخلَصى م اللى إنتى فية
مابتروديش لية00؟
خَجولَة من إية
***********
كلمات : يوسف أبو زينة
28 / 10 / 2011م[/center]

أخي يوسف
قصيدة جميلة و احساس عال
رائع أيها الجميل
دمت بود

الشاعر الجميل يوسف ابو زينة دائما ما احب قراءة اعمالك الجميلة ولكنى لم اشعر بك فى هذه القصيدة ولم اشعر انك كاتبها لانك لديك اقوى وابدع من ذلك

أخي يوسف
قصيدة جميلة و احساس عال
رائع أيها الجميل
دمت بود

الشاعر الجميل عاطف الجندى
اشكرك على ردك الجميل
كلك ذوق ياجميل

مكسوفه من عمك يوسف ؟؟

مكسوفه من ايه ؟؟

دا لطيف وزي البسبوسه

طب دوقي ايديه

هههههههههههههه ايوه كده يانمس

ههههههههههههههههه

انا مش عارف هى مكسوفة لية ياشاعرنا
ونبى قولها ماتكسفش انا حبوب ولطيف قوى
ههههههههههههههههههههههه
ربنا مايحرمنا من مساعدتك
دمت بخير

الاخ الشاعر

يوسف ابو زينه

تسجيل الاحاسيس فور مداهمتنا لنا . مطلوب ان نسجله كما هو

ولكن عندما نحاول نشرها لابد من التروى ومراجعة موسيقى الشعر .

وهذا لايقلل من اعجابى بالقصيده والفكره .

تقبل مرورى ومودتى ...

أخى العزيز عال عوض
اصلها مكسوفة وانا كنت عايز مساعدة سريعة
ههههههههههههه
شاكر لك التنوية للتروى قبل النشر
دمت بخير
وكل عام وانت والأسرة الكريمة بخير

الله الله ياعم يوسف...شكلك وقعت يابطل
إيه ياعم الرومانسية والفروسية والكلام الجامد ده..؟؟ بسم الله مشاء الله ..كل يوم مشاركة جديدة..أنا مش بحسدك.. أنا بقرررررر بس هههههههه
ربنا يسعد أيامك ويطمّن قلبك برضاه
وكل سنة وانت طيب ياحبيبي

حبيبى استاذ .. رضا
دا بعض ماعندكم ياسيدى
انا واقع لشوشتى فى حبك انت ياجميل
وفى اشعارك الأجمل اللى بستحسنها ديما
كل سنة وانت طيب لا تنسانى فى عرفة بالدعاء لى
ربنا يتقبل منك حج مبرور وذنب مغفور إن شاء الله
ترجع لنا بالسلامة
دمت بخير

الشاعر الجميل يوسف ابو زينة دائما ما احب قراءة اعمالك الجميلة ولكنى لم اشعر بك فى هذه القصيدة ولم اشعر انك كاتبها لانك لديك اقوى وابدع من ذلك

الشاعر الجميل .. استاذ حمدى
عذرا لما قدمت لسرعة النشر
انتظر الأجمل فيما بعد
دمت بخير