قوليلى بجد ( رداً على الشاعر رضا محمود - محتاجة لحد )

[size=24] ( قوليلى بجد )
قوليلى بجد
أنا ولا هو اللى شاغل بالك
مين ياحبيبتى اللى مالى خيالك
بتفكرى فيا ...... مشغولة بيا
ولا أنا بحلم .... انا مش خَيالِك
محتاج الرد
............
قوليلى بجد
حيرانة لسة ..... ولا إختارتى
قلبك من جوة .. شايل صورتى
محتاجة لمين ...... من الأتنين
بتجيبى فى سيرتة ولا فى سيرتى
مع أى حد
...........
أنا عايز أعرف معاكى مصيرى
هتكونى ليا ........... ولا لغيرى
محتاج لكلمة .......أو رد ببسمة
أو غمزة خد
لو ف قلبك رد
قوليلى... بجد
................
كلمات : يوسف ابو زينة
25 / 10 / 2011 م

[/size[/size[/center]]]

جميله الكلمات ورائع السرد وغنائيه راقصه استاذ يوسف
كل التحايا

الله الله...إيه الحلاوة دي ياعم يوسف..؟؟
طب إحنا ياعم مش قدك..كده هنضيع
أخي وصديقي العزيز...الشاعر الرااائع..يوسف أبو زينة
لي شرف المرور الأول على كلماتك وقصيدتك الجميلة التي أراها أفضل رد على ما كتبته
دُمت بكل الخير ياحبيبي


أخى رضا محمود
والله انا شايفك الأجمل بكتير حبيبى
شاعر كلك إحساس ورقة
كل ماسطرتة نقطة فى بحر أشعارك الرومانسية
اسعدنى تعليقك الجميل
دمت بصحة وبخير

ايوواااااااااااااااااااااااااااااااااااه

غنوا وردوا علي بعض انت وعم رضا

طب واحد شايل دقنه ....

بس حلو الكلام .... تحياتي

[b]
الشاعر عطية شواش
احنا بنغنى عشان انت تسمع تقول رأيك
وهو دا اللى حصل ..................
حلو منك تفاعلك والأجمل قفشاتك
دمت بخير

الاخ الحبيب الشاعر

يوسف ابو زينه

تفاعل رائع مع كلمات الاخ رضا .

ولنعتبرها تكملة لنفس الموضوع .

تحيتى ومودتى ...

الأخ الحبيب عادل عوض
شكرا لمرورك الجميل وتفاعلك مع اعمالى
وثناءك عليها
فنعتبرها تكملة لنفس الموضوع مثلما قلت
تقبل تحيتى وحبى

جميله الكلمات ورائع السرد وغنائيه راقصه استاذ يوسف
كل التحايا



اشكرك استاذ رأفت على ثناءك على عملى
وتفاعلك الجميل
تقبل تحيتى وحبى

الله عليك وعلى تفاعلك الجميل
اخى يوسف
دمت ودام ابداعك



اشكرك سيدى على مرورك الأجمل
ثناءك اسعدنى كثيرا
بارك الله فيك
تقبل محبتى وودى