كل ليله (بعد التعديل)

كل ليله قبل اما نام

بافتكرها واحن ليها

وافتكر أيام زمان

كل سكه مشينا فيها

كل كلمة حب حلوه

كل فرحه وكل غنوه

واللقى وقت الغروب

والحنين اللي ف عنيها
=====
با افتكر أول مقابله

كنا ليل والشمس غايبه

يومها كانت واقفه خايفه

والعيون متلهفين

وافتكر شبكة ءادينا

واحنا رايحين عالمدينه

نقضي أوقاتنا الجميله

لما كنا صغيرين
=====
ببقا شايف كل حاجه

قصاد عنيا كأنها

لسه عايشه ف الحقيقه

لسه جاي من عندها

ببقا شايف كل ذكرى

كات جميله ف عهدها

لسه حاسس كل لمسه

من ءاديها احتاجتها
،
ببقا ويا الذكرى عايش

ببقا مش داري بنفسي

عقلي بره الدنيا خالص

وافضل اضحك وافضل ابكي
.

الشاعر الغنائي الجميل / رضا عثمان

قول كمان يا عم رضا وغني

وإطربني كمان وكمان

إيه العظمة دي ربنا يزيدك يارب

تقدم رائع وملحوظ من أغنية إلي إغنية

دائماً في إبداع با أبو الرضا يا جميل

الاخ الحبيب الشاعر الجميل

رضا عثمان

ياعم الجميل .. جميل .. قبل وبعد التعديل .

وده يخليك تفكر الف مره قبل النشر .

عارف يا رضا :

انا عندى قصايد والله العظيم من 2007 والى الآن لم اجرؤ

على نشرها لعدم الرضا عنها . فلا تتعجل .

الله ينور على النص وعلى موضوعه . احييك واشد على يدك

بس على الله ما تطلعش فى إيدى .

هههههههههههههههههههههههههههههههه

مساؤك عاطراّ وبهى ...