حكاية حب

انتي وأنا

شايلين ورود الحب

في كف الهنا

واسحب دراع النجمه

من حضن السما

وارسم على الشبابيك

روحين بيتلاقو

وبيخطفو

كل ابتسامة حب

من فوق شفايف الكون

وبيرسموها على شفايفهم

بيغنو وبيرقصو

مع العصافير

حضنين ورود الروح

مستنين الليل

وقت ما يدبل

شعاع الشمس

ويختفي

ويبتدي وقت الاصيل

ويقولها بأربع حروف

متلونين بلون

وقت الغروب

بحبك

تبتسم

تسرق

دموع الفرحه

من وسط القلوب

وتدوووب

وتقولي

فاكر .. فاكر اول

هدية جبتهالي

كانت

قلبين في قلب

حضنو ايدينا وقتها

وكأننا

عايشين بقلب

واحد

بنحس شئ واح

نرفع ادينا للسما

ندعي اله واحد

انه جمعنا سوا

عايشين في ليل الهوا

وكأننا واحد

وابتمست وقالت

نفس الاربع حروف

متزيينين بالنور

من على الطروف

ومشينا واحنا سوا

والنووور عمال يدوور





بقلمي / محمد الغرباوي

19/5/2011

الشاعر /محمد الغرباوي
أيه الرومانسيه العاليه دي ياعم محمد
صحيح أخويا هايص وانا لايص
كل عام وانت بخير

أشكرك أستاذ محمود جمعة على ردك الجميل
أنترني حقا
وعيد سعيد

ههه
تسلملي أستاذ فارس
والله دي حاجه قديمة يا استاذ فارس بس حبيت اعرضها عليكم
شرفني تعليقك

شرفني
تعليقك الشاعر محمود قطب
تحياتي ؛

تسلملي استاذ حسن الجمال
كلماتك تزيدني فخرا بأنها منك
شرفني تعليقك
تحياتي ؛

أشكرك بشدة أستاذي الفاضل عادل عوض
وتحياتي اليك
والي كل الشعراء
والادباء