اليوم يا عرب

اليوم يا عرب


اليوم ياعرب
مهرجان إعتزال
عميد الزعماء العرب
وبطل الأبطال

فى الشرق والغرب
صرخ الحال
وقال بلاد العرب
فيها رجال

ماعادش مجال
لمال ولاعيال
ولاسلاح متشال
ولاحتى كلام يتقال

من دكتاتور
إتحررت قلوب
ومن فوق الصدور
إنزاحت تلال

اليوم ياعرب
يوم للتوبة
واللى لسه عايز
ياريت يلحق يتوب

مباشر ع الهواء
يوم للشعوب
مافيش دموع وبكاء
على لبن مسكوب

لاحصون ولاكتايب
لامرتزقة ولاحبايب
يوم ف التاريخ
متقدر ومكتوب

القذافى مع السابقين
زين العابدين ومبارك
والدور جاى على مين
علشان نلحق نبارك

بيقولوا على صالح
وأنا باأقول بشار
واحد وشه كالح
والثانى فشار

عامل دكتورومتعلم
وهوجزارإبن جزار
حاكمين شعوبهم
بالحديد والنار

كل واحد قاعد ومتبت
وبيتكلم عن الشرعية
شرعية إيه ياحرامية
هو إستعمار

حد يضرب شعبه
بالدبابات
ومدافع ورشاشات
إلا إن كان حمار

ما بيخافوش ربهم
ولا ناسيينه
ولاعبرة م اللى قبلهم
ولسه شايفينه

أكيد الشيطان
لاعب فيهم
والشلة اللى حواليهم
مخهم واقفينه


وحاجة لها العجب
الشعب ينضرب
بجيشه
وهو أعزل مسالم
اللى جاى طبعا
عارفينه

على شعوبهم أسود
وفى الحروب نعامة
ينسفوا البيوت
ويخافوا م الحمامة

أجدع جيوش
ف العالم جيوشنا
ساعة المعارك
تعالى شوفنا

أول مانلمح
جيوش الأعادى
نجرى ولا أى
شئ يحوشنا