أكيد انت مصري

موضوع: أكيد انت مصري الجمعة أغسطس 05, 2011 7:36 pm

أكيد انت مصري

حياتك مرار؟ ؟ ؟

وشايل تاريخك

على ضهر محنى ؟

ويطول طريقك ؟

ويسودّ ليلك وما له نهار ؟

أكيد انت مصري

.....................
...................

حياتك مرار ؟ ؟ ؟

يذلك غفير ؟

يذلك رغيف ؟

ونيلك في حضنك

وحلقك جفاف ؟

وأرض صبية

وسمرا وعفية

وعيشتك كفاف ؟

أكيد انت مصري

..................
..................

حياتك مرار ؟ ؟ ؟

وواقف طابور؟

وتحسب ساعات ؟

وأصلا طابورك

ما لوهشي نهاية

وعمرك ثواني

ولسّاك أخير ؟

أكيد انت مصري

..................
..................

حياتك مرار ؟ ؟ ؟

وجوعك مصاحبك ؟

وهو عدوك ؟

رغيفك شحيح ؟

وشكله قبيح ؟

وتدفع عشانه كرامة أبوك ؟

ولا منه تشبع ؟

ولا تموت كريم ؟

أكيد انت مصري

..................
...................

حياتك مرار ؟ ؟ ؟

وتشحت حقوقك ؟

وبتبات جعان ؟

وتدفع إتاوة ؟

ولو يوم تعارض

تلاقي المقارض

بتنهش في جسمك ؟

وتفقد رجولتك ؟

وتلقى الديابة بتنهش

في عرضك ؟

ولا حيلة ليك ؟

ويعلا صراخها

يفجر ودانك ؟

وانت بإيدك تخزق عينيك ؟

وتنزل دموعها فتحرق جبينك ؟

وتختار نهاية

يا إما القرافة ؟

يا إما السراية ؟

أكيد انت مصري

..................
...................

حياتك مرار ؟ ؟ ؟

وكم مرة نادى عليك التاريخ ؟

وكام مرة ولعت

في قلبك حرايق ؟

وكام مرة شابت

في ساعتك دقايق ؟

وهي تنادي :

ما تفهم يا مصري

ولسّاك مسالم ؟

وابنك في مهده وشاب م المظالم ؟

ولسّاك مسالم ؟

عمى ؛ واتعميت

وجوع ؛ولاقيت

وذل ؛وجنيت

ولسّاك مسالم ؟

طب امتى هشوفك

بتمحى مرارك وتاخد قرارك ؟

وترجع لأصلك :

وترفع راياتك وراسك يا ثاير ؟

واقولك ساعتها :

أكيد انت مصري

أكيد انت مصري

أكيد انت مصري

أكيد انت مصري

أكيد انت مصري

................

" هذه القصيدة وقفة مع النفس ، وخطاب ذاتي أمام المرآة " قبل القصيدة لئلا يفهمني أحد خطأ .

وشكلك ياغاندي

مقطع في كبدي

أكيد إنت مصري ؟؟

ياعم انت هندي ..

ياعم عبد الرحمن .. والنبي ماتشتمش وتقول انت مصري

احسن الكلمه دي حتزعل منك ناس كتير

م/عطية شواش كتب:: وشكلك ياغاندي

مقطع في كبدي

أكيد إنت مصري ؟؟

ياعم انت هندي ..

ياعم عبد الرحمن .. والنبي ماتشتمش وتقول انت مصري

احسن الكلمه دي حتزعل منك ناس كتير

يا صباح الفل

الباشمهندس أول من يعدي على العمل ؟

ايه الشرف ده ؟

حقك على راسي

ما عاش ولا كان اللي يشتم مصر او المصري

" أكيد انت مصري " ما هياش شتيمة والله

دي مجرد إقرار واقع

ما تحرمناش من مرورك

أخي الشاعر الجميل عبد الرحمن الشاعر

أعتقد كتبت هذة القصيدة أو علي الأقل بدأتها قبل الثورة .. فالمصري الساكت

الساكن مكانه آتحرك خلاص وزلزل الارض من تحت حكامه ووضعهم في قفص

الاتهام وسيقتص منهم جميعا إن شاء الله

قصيدة جميلة تذكرني بأسلوب عمنا أحمد فؤاد نجم ..بالذات في قصيدة له

اسمها عشان أنت مصري سارت علي نفس درب قصيدتك ..

عرضت بأمتياز لحال المصريين وصعوبة حياتهم وأمتهانهم من أجل لقمة العيش

وهو ما كان أحد عوامل الثورة علي الظلم والفساد

اللهم حول حال مصر أهلها الي حال يرضيك

خالص التقدير والاعجاب بعملك الرائع

كل عام وأنت بالف خير

محمود جمعة كتب:: أخي الشاعر الجميل عبد الرحمن الشاعر

أعتقد كتبت هذة القصيدة أو علي الأقل بدأتها قبل الثورة .. فالمصري الساكت

الساكن مكانه آتحرك خلاص وزلزل الارض من تحت حكامه ووضعهم في قفص

الاتهام وسيقتص منهم جميعا إن شاء الله

قصيدة جميلة تذكرني بأسلوب عمنا أحمد فؤاد نجم ..بالذات في قصيدة له

اسمها عشان أنت مصري سارت علي نفس درب قصيدتك ..

عرضت بأمتياز لحال المصريين وصعوبة حياتهم وأمتهانهم من أجل لقمة العيش

وهو ما كان أحد عوامل الثورة علي الظلم والفساد

اللهم حول حال مصر أهلها الي حال يرضيك

خالص التقدير والاعجاب بعملك الرائع

كل عام وأنت بالف خير

أستاذنا الشاعر / محمود جمعة

السلام عليكم ورحمة الله وبركاته

أبدأ من حيث انتهيت أنت فأقول

وكل عام وحضرتك بألف صحة وعافية دينا وبدنا

أما بخصوص القصيدة

فهي من ديوان لي اسمه " فاطنة " وكله دعوة للخروج عن الصمت

فقد أصبت أنت الحقيقة

أما بخصوص مشابهتها لنجم فكلنا يتحدث عن مصر وبلسان أبنائها

فلا بد من التلاقي . وإن كنت أنا لا أحب أسلوب نجم ، على عكس جاهين

وسرور .

شكر الله لك مرورك هذا وتعليقك الكريم

عشان انت مصرى
وعندك كرامه
عدلت العمامه
وهزمت اللمامه
وعندك علامه
محاكمة مبارك

عشان انت مصرى
وهامتك لفوق
ما تصحى وفوق
وغنى بشوق
ولحن ودندن
اغانى انتصارك

عشان انت مصرى
ما تفقد امل
جدد عمل
ولا يوم كلل
ودوس العلل
واهزم حصارك

والله يابنى قصيده زمانها انتهى واصبر شويه حانبقى احسن بس اوعى تنسى الامل

yousry_osman كتب:: عشان انت مصرى
وعندك كرامه
عدلت العمامه
وهزمت اللمامه
وعندك علامه
محاكمة مبارك

عشان انت مصرى
وهامتك لفوق
ما تصحى وفوق
وغنى بشوق
ولحن ودندن
اغانى انتصارك

عشان انت مصرى
ما تفقد امل
جدد عمل
ولا يوم كلل
ودوس العلل
واهزم حصارك

والله يابنى قصيده زمانها انتهى واصبر شويه حانبقى احسن بس اوعى تنسى الامل

الشاعر الخلوق يسري عثمان

السلام عليكم ورحمة الله وبركاته

صدقت والله

لكن لن تهدأ قلوب الناس ولن يخمد بركانهم حتى يتحقق القصاص

ومع الأسف بدأنا نسمع من يتعاطف مع المجرمين

وحسبنا الله ونعم الوكيل

فكان لا بد من التذكير

دمت في خير

اخى عبد الرحمن الشاعر احسنت وابدعت وانا فعلا مصرى بس من غير شتيمة تحياتى يا استاذ

حمدى شيبة كتب:: اخى عبد الرحمن الشاعر احسنت وابدعت وانا فعلا مصرى بس من غير شتيمة تحياتى يا استاذ

أستاذنا حمدي شيبة

يا فندم دا أنا أحرقها وأحرق اللي كتبها

ولا يكون فيها حرف واحد ينم عن إساءة لحضرتك

كل الحكاية زي ما انتم عارفين هي إن الشاعر

بيقول " انت " وهو يقصد " أنا "

حديث مع النفس مش أكتر

اهو ربنا قر عينك وشوفت الصريين زي ما انت عاوزهم

ولو يوم تعارض

تلاقي المقارض

بتنهش في جسمك ؟

وتفقد رجولتك ؟

وتلقى الديابة بتنهش

في عرضك ؟

ولا حيلة ليك ؟

ويعلا صراخها

يفجر ودانك ؟

وانت بإيدك تخزق عينيك ؟

الله عليك وعلي جمال ايقاعك الفاجومي
وجمال تعبيراتك والمضادات المستخدمه في النص

اتفق تماما مع ملاحظات الاستاذ محمود جمعه واحييك علي ما كتبت يا صديقي
دمت شاعرا
اخي عبد الرحمن الشاعر

أحمد عبد الرازق كتب:: اهو ربنا قر عينك وشوفت الصريين زي ما انت عاوزهم

ولو يوم تعارض

تلاقي المقارض

بتنهش في جسمك ؟

وتفقد رجولتك ؟

وتلقى الديابة بتنهش

في عرضك ؟

ولا حيلة ليك ؟

ويعلا صراخها

يفجر ودانك ؟

وانت بإيدك تخزق عينيك ؟

الله عليك وعلي جمال ايقاعك الفاجومي
وجمال تعبيراتك والمضادات المستخدمه في النص

اتفق تماما مع ملاحظات الاستاذ محمود جمعه واحييك علي ما كتبت يا صديقي
دمت شاعرا
اخي عبد الرحمن الشاعر

أولا لازم تقوللي إيه الفاجومي ده لأني والله ما اعرفه

ثانيا : تصدقني لو قلت لك إني كنت مستني رأيك

مساء الفل يا ابو احميد وياريت كل مصري يبقى مصري بجد

تحياتي يالغالي

وشايل تاريخك

على ضهر محنى ؟

ويطول طريقك ؟

ويسوّد ليلك وما له نهار ؟

بجد الله عليك
بس ان شاء الله جى اليوم اللى المصرى يتعافى فيه ويبقا قد تاريخه ويقدر باذن الله يصنع تاريخ يوازى التاريخ اللى شايله وتيجى اجيال بعده تقدر برضه تبقا قده وتشيله
تسلم الايادى على القصيدة الجميلة وتسلم على الصورة الاكثر من رائعة التى اشرت اليها
لك تحياتى وودى

حسن الجمال. كتب:: وشايل تاريخك

على ضهر محنى ؟

ويطول طريقك ؟

ويسوّد ليلك وما له نهار ؟
بجد الله عليك
بس ان شاء الله جى اليوم اللى المصرى يتعافى فيه ويبقا قد تاريخه ويقدر باذن الله يصنع تاريخ يوازى التاريخ اللى شايله وتيجى اجيال بعده تقدر برضه تبقا قده وتشيله
تسلم الايادى على القصيدة الجميلة وتسلم على الصورة الاكثر من رائعة التى اشرت اليها
لك تحياتى وودى

شاعرنا الحَسَنَ الجَمَال ِ / حسن الجمّال

السلام عليكم ورحمة الله وبركاته

فاجأني مرورك لأني أظنه الأول على عمل لي

ولكنها كانت نعم المفاجأة

ووالله يا أستاذنا حسن إن مبارك وأمثاله قتلوا فينا تاريخنا

وهي جريمة لا بد من القصاص الفوري لها

ومن المؤسف ظهور تلك الأصوات التي تنادي بالعفو

عنه لأنه مريض.

وأنا كتبت هذه القصيدة متمثلا الذات المصرية في صور نفسي

أمام المرآة .

وأرجو من الإدارة والإشراف زيادة هذا السطر قبل القصيدة لكي لا

يفهمني أحد خطأ على أنني أشتم الإنسان المصري

والسطر هو :

" هذه القصيدة وقفة مع النفس ، وخطاب ذاتي أمام المرآة "

توقعى جاء فى محله .

فأنا توقعت ان تلك الكتابات كانت قبل الثوره .

ولكن هل الخوف اخى هو الذى اجل النشر الى هذا الوقت ؟؟؟

ههههههههههههههههههههههههههههه

دعابه تقبلها من اخيك ..

الاستاذ الشاعر

عبد الرحمن الشاعر

ذكرت بمهارتك كل السلبيات والتى كان بالفعل يدمنها المصرى

غصباّ وإجباراّ . فى قصيده اوضحت كم كنا نعانى تحت الضغط

المفروض علينا . ولكن الحمد لله سبحانه وتعالى ان خلصنا وعادت

لنا مصريتنا والتى إفتقدناها كثيراّ .

استخدمت المتقارب بمهاره وإقتدار . وانت كتبت :

ويسوّد ليلك وما له نهار ؟

واظن هنا الشده وُضعت خطأ لكونك كنت تقصد وضع السكون على

الدال . لان وضع الشده على الواو يحدث خروج عن التفعيله .

ملحوظه واكيد غابت عنك اثناء الكتابه او نتاج السرعه .

مودتى وتقديرى ...

عادل عوض سند كتب:: توقعى جاء فى محله .

فأنا توقعت ان تلك الكتابات كانت قبل الثوره .

ولكن هل الخوف اخى هو الذى اجل النشر الى هذا الوقت ؟؟؟

ههههههههههههههههههههههههههههه

دعابه تقبلها من اخيك ..

الاستاذ الشاعر

عبد الرحمن الشاعر

ذكرت بمهارتك كل السلبيات والتى كان بالفعل يدمنها المصرى

غصباّ وإجباراّ . فى قصيده اوضحت كم كنا نعانى تحت الضغط

المفروض علينا . ولكن الحمد لله سبحانه وتعالى ان خلصنا وعادت

لنا مصريتنا والتى إفتقدناها كثيراّ .

استخدمت المتقارب بمهاره وإقتدار . وانت كتبت :

ويسوّد ليلك وما له نهار ؟

واظن هنا الشده وُضعت خطأ لكونك كنت تقصد وضع السكون على

الدال . لان وضع الشده على الواو يحدث خروج عن التفعيله .

ملحوظه واكيد غابت عنك اثناء الكتابه او نتاج السرعه .

مودتى وتقديرى ...

حبيب الكل بلا نفاق ولا مجاملة

أستاذنا الغالي عادل عوض

كل عام وأنت بكامل الصحة والعافية

أشكر لك بداية موقفك من طلبي السابق بخصوص الرسالة التي كنت قد أرسلتها لك

ثانيا : حتى ولو لم تكن جملتك دعابة فحقك عليّ أن أتقبلها بنفس راضية

أما بخصوص الشدة فهي خطأ بالفعل والتصحيح " يسودّ "

وأرجو تصحيحها مع وضع جملة

" هذه القصيدة وقفة مع النفس ، وخطاب ذاتي أمام المرآة " قبل القصيدة لئلا يفهمني أحد خطأ .

دمت ناصحا صدوقا

كل عام وانت بكل خير

رمضان كريم

الاخ الحبيب الغالى الشاعر

عبد الرحمن الشاعر

طلبك السابق كان واجب علىّ ان انفذه لانه يمسنا كمسلمين

ولاننا كنا مثلك تماماّ نرفضه لما يحمل من استفزاز .

وطلبك الاخير تم تنفيذه ووضع الجمله المشار اليها اسفل النص .

وتم التعديل . وانا تحت امرك يا استاذ عبد الرحمن .

مودتى وخالص تقديرى ...

عادل عوض سند كتب:: الاخ الحبيب الغالى الشاعر

عبد الرحمن الشاعر

طلبك السابق كان واجب علىّ ان انفذه لانه يمسنا كمسلمين

ولاننا كنا مثلك تماماّ نرفضه لما يحمل من استفزاز .

وطلبك الاخير تم تنفيذه ووضع الجمله المشار اليها اسفل النص .

وتم التعديل . وانا تحت امرك يا استاذ عبد الرحمن .

مودتى وخالص تقديرى ...

أستاذنا / عادل عوض

نفعك الله ونفع بك ، وجعل عملك كله صالحا وثقل به ميزانك يوم لا ينفعك إلا هو

خالص تحياتي وتقديري

تسلم ايدك اخى عبدالرحمن
دمت ودامت نباضاتك
والف حمد والف شكر للمولى
عز وجل
اللى رجعنا زى زمان
نفتخر بمصريتنا
ونبطل نعتبر كلمة مصرى اهانه
رمضانك سكر
Very Happy

الشاعر محمود قطب كتب:: تسلم ايدك اخى عبدالرحمن
دمت ودامت نباضاتك
والف حمد والف شكر للمولى
عز وجل
اللى رجعنا زى زمان
نفتخر بمصريتنا
ونبطل نعتبر كلمة مصرى اهانه
رمضانك سكر

أخي وحبيبي الشاعر الخلوق / محمود قطب

أسعد الله لحظاتك وكل أوقاتك كما أسعدتني بمرورك على كلماتي

وأنا معاك في إن بعضنا كان يرى إن كلمة " مصري " كانت إهانة

لكن والله عمرها ما كانت ولا هتكون

إنما القصيدة كانت حوار بيني وبين نفسي على وضع أكرم ناس على الأرض ( في نظري ) وهم " المصريين "

وأحيانا بيكون عنف اللوم هو السبيل الوحيد لتحريك الساكن

كل عام وانت بخير صديقي العزيز

تقبل تحياتي

عشان أنت مصري
مليت القفص
بعادلي ومبارك
وباقي الحرس
محيت الدنس
ووضع انعكس
بايدك يامصري
محيت عار زمان
وسيرتك حتصبح
فـ كل مكان
تقول إني مصري
سبب كل فخري

من وحي كلماتك الرائعة بعد تغير الحال بعد ثورة 25 يناير.. تقبل مروري

طارق منيب كتب:: عشان أنت مصري
مليت القفص
بعادلي ومبارك
وباقي الحرس
محيت الدنس
ووضع انعكس
بايدك يامصري
محيت عار زمان
وسيرتك حتصبح
فـ كل مكان
تقول إني مصري
سبب كل فخري

من وحي كلماتك الرائعة بعد تغير الحال بعد ثورة 25 يناير.. تقبل مروري

أستاذنا طارق منيب

أشكر لك جدا مرورك الطيب وكلماتك الراقية

وأسأل الله أنت تكون محاكمة مبارك وكلابه هي البداية وليست النهاية

فكم شعرنا ( أو متحدثا عن نفسي ) شعرت بالمهانة بسبب جنسيتي

داخل مصر وخارج مصر ، فكم منعت من دخول شرم الشيخ مثلا لأنني

مصري في حين لم يمنع منها اسرائيلي

وكم عوملت معاملة السوء خارج مصر لأنني مصري

وكم أتى غير المصري إلى بلادنا واشترى لحمنا تحت حماية كلاب مبارك

واذا تخاصم المصري مع غيره كان غيره على الحق فقط لأنه ( سايح )

إنما ابن البلد فهو مصري ( مش معاه دولار )

ولك أن تتخيل شعور إنسان يرى أن مصريته هي أشرف ما فيه بعد دينه

ومع ذلك هي سبب إهانته في بلده وخارج بلده

فحسبنا الله ونعم الوكيل

وبرغم ذلك كله نسمع أصواتا من مجموعة خونة تتطالب بالعفو عن مبارك

اللهم انتقم لي ولكل مصري من أولئك الظالمين وأمثالهم

صدقني ياشاعرنا الكبير أنا مقيم بالمملكة العربية السعودية منذ زمن طويل

وكنت أنصح الشباب دائماً بالهجرة.. وأقول لهم هي الحل

ولكن أعتقد إن هذه الثورة المباركة .. أعادت لنا كرامتنا وآدميتنا

ولنا أن نفتخر بأننا مصريين

هههههههههههههههه

إيه دا كله يا أستاذعبد الرحمن

بتحبطنا لييييييييييه بس

الأوضاع هتتدعدل إن شاءالله

بس والله قصيده زى العسل

طاهر الصوفاني كتب:: كل عام وانت بكل خير

رمضان كريم

حبيب قلبى طاهر باشا الصوفاني

وكل عام وانت بألف خير يا باشا

رمضان كريم صحيح

مش عارف ليه حسيت ان البتاعة دي دايقتك

هههههههههههههههههههههههههههه

على العموم قلبك ابيض ، ولا يهمك ، حقك عليا

هكتب واحدة تانية تكون بلسم ان شاء الله لما أشوف مبارك

وكلابه في الحبل من رجليهم واحنا بنضرب فيهم بالجزم

يعني هما أحسن من شجرة الدر وللا المستعصم

مساؤه فل يا باشا

» أكيد انت مصري
» أكيد انت مصري
» أكيد الضميرمخنوق
» أكيد ماتت
» أكيد مغجزة