ليبيا والمجنون

مجنون ليبيا


يقول الراوى كان ياماكان
فى سالف العصروالأوان


من أربعين سنة وأكثر
طلعت الأرض شيطان


ظهرفى ليبيا على شكل
عـقيد مجنون خبلان

عمل إنقلاب عسكرى
وسماه ثورة الشجعان


غير العملة وأخذ الفلوس
وإداهم صك الآمان

نططهم على بيوت بعض
وحل أزمة الاسكان

وعملهم الهباب الأخضر
نظريات فى الجنان

ونحت له تماثيل كبيرة
علقها فى كل ميدان


غيـر أسماء شهور
ماشين عليها سنيـن


لقاهم صابرين وساكتيـن
لغى السنة والقوانين

عـمل لهم لخبطة
خلاهم ماشيـن دايخيـن

وسماها جماهيرية
وقالهم أنتم الآن حاكمين


أخذ فلوس البترول
وضيعها شمال ويمين

ثوارأمريكا اللاتينيـة
و الآيرلاند يين

تشاد وجيبوتى والنيجر
والأخوة الصوماليين

بيرلسكونى وكانلونى
إشمعنى الايطالييـن


وعلشان يخلد أسمه ويكبره
ويدخل التاريخ ويبان

عمل شوية حروب وهمية
على النمل و الدبان

إشمعنى هتلر ونابليون
ومسولينى وجنكيزخان


وحدة مع كام بلد يكبر
ويبقى زعيم الباذنجان


السادات ومصرفهموه
وقالوا عليه خربان

رمى طوبـة العـرب
وإندارعلى الأفريكان

دور فى كل القارة
يشوف شعب غلبان

يمكن بالفلوس يصدق
إنه عبقرى وفنان


ويبقى ملك الملوك
شمهورش زعيم الجان

لابس طاقية وجلابية
وممشى وراه نسوان

فوق لوكيربى فجرطيارة
فيها ثلثمائة إنسان

كشفوه وحاصروا ليبيا
وجـت عالشعب الغلبان



ولما الامريكان ضربوه
نـام فـى خيمة كتان

وكبرت فى رأسه يسميها
أسم على كل الألوان



الجماهيرية العربية الليبية
الشعبية الأشتراكية العظمى كمان


يـمهـل ولايهمل
وكما تدين تدان

ودارت بيـه الأيام
وقامت ثورة البلدان

نزل عليه البلم
ووشه جاب ألوان

قعد يهلوس ويخرف
مين هادول الجرذان


مش ده شعبى
أنا شعبى فى حبى ولهان

دول بتوع القاعدة
وحبوب الهلوسة والأدمان

بيساعدهم توانسة
مصرييـن وأمريكان

أنا دافع ثمن بقائى هنا
وحاأضربكم بالطيران

نزحف بالملايين ونطهرليبيا
من الليبييـن فى كل مكان

ضربوه الناتو والأمريكان
وقالوله إظهر وبان

وظهر مجنون ثانى
نسخة أحدث فى الجنان

قعد معوج ومتنك وقال
طظ فينا وفى الأمريكان

وحايقطعها وحايقسمها
ويولع فى البترول والسكان

ولما تفضى حايسميها
أسم أوريجينال وجنان



الجماهيرية العربية الليبية
الشعبية الاشتراكية العظمى الفاضية
كمان وكمان


حد عايز بلد إيجارجديد
ولاحد ياخد زعيم وأبنه
ويدينا بدالهم أى حاجة حديد

الاستاذ الشاعر

د / مراد سليمان

هيه جايه اهى .. وقربت للقصيده الكامله .

شوية مجهود كمان وتصل اليها .

منتظر اقرأ لك الاجود ...