الحب الحقيقى

موضوع: الحب الحقيقى الخميس أبريل 21, 2011 11:43 am

قالوا عنه كلام عجيب
لو يفوت هتعيش غريب
حبك الأول هيفضل
لو هتعرف ميت حبيب
تلقى قلبك مش معاك
وتلاقيه ساكن هناك
الحبيب الأولانى
سهرَّك والنوم جفاك
الكلام مافيهوش جديد
كلنا سمعناه أكيد
له ضحايا فى الحقيقة
وإللى مات حسبوه شهيد
وإللى عاش مأسوف عليه
هان عليه إللى ف إيديه
وإنشغل بعذاب ضميره
وإللى مالهوش حق فيه
بس بعد العيد يا خال
إنفتل كحك الحلال
ويَّا فرحة بالمرايل
والمدارس والعيال
شكل تانى من الغرام
كل وقت وله كلام
حب تانى بطعم تانى
وكل حب وله مقام
حب فيه آخر الأمانى
حب يدِّى مش أنانى
حب فيه أسمى المعانى
والسعادة والسلام
ــــــــــــــــــــــــــــــــــــــــ
طلعت الحداد

الله ينور عليك ياأستاذ طلعت......
_____________________
قصدك الحب البرئ
والمشعلل والجرئ
والطفوله
والكهوله
واللى بيحب الصديق
والابوه والامومه
والشقيقة والشقيق
ماحلى شعرك ماحلى قولك
شعر غزله ف بحر نولك
احلى كلمه واحلى ريق Suspect

_________________
ابدعت ياأستاذ طلعت
تقبل مرورى
تحياتى

قصيده جميله اهنيك عليها اخي طلعت
دمت بخير Very Happy

طلعت الحداد كتب:: قالوا عنه كلام عجيب
لو يفوت هتعيش غريب
حبك الأول هيفضل
لو هتعرف ميت حبيب
تلقى قلبك مش معاك
وتلاقيه ساكن هناك
الحبيب الأولانى
سهرَّك والنوم جفاك
الكلام مافيهوش جديد
كلنا سمعناه أكيد
له ضحايا فى الحقيقة
وإللى مات حسبوه شهيد
وإللى عاش مأسوف عليه
هان عليه إللى ف إيديه
وإنشغل بعذاب ضميره
وإللى مالهوش حق فيه
بس بعد العيد يا خال
إنفتل كحك الحلال
ويَّا فرحة بالمرايل
والمدارس والعيال
شكل تانى من الغرام
كل وقت وله كلام
حب تانى بطعم تانى
وكل حب وله مقام
حب فيه آخر الأمانى
حب يدِّى مش أنانى
حب فيه أسمى المعانى
والسعادة والسلام
ــــــــــــــــــــــــــــــــــــــــ
طلعت الحداد

الله عليك يا كبير
دمت اخى طلعت ودام لنا ابداعك
فى انتظار جديدك
تقبل مرورى واعجابى
Very Happy

موضوع: رد: الحب الحقيقى السبت أبريل 23, 2011 6:56 am

والله صدقت .. حب طغى على الحب الاول .

وكل حب وله مقام كما قلت .

اخى الشاعر الجميل

طلعت الحداد

{ إنفتل كعك الحلال } جمله فى منتهى الرقى وصفيه وبها

مواراه وهى مخور النص الرائع الذى نحن بصدده .

قصيده جميله اخى طلعت وانت استخدمت بحر الرمل بمهاره

طوال القصيده . وانت كتبت :

كلنا سمعناه أكيد ... ولو كتبت ... { كلنا عشناه اكيد }

لاستقام الوزن . فقط تلك الشطره .

احييك وتقبل مودتى وتحيتى ..

الأستاذ الفاضل والأخ الكريم /حسن الجمال
شكرا جزيلا على مرورك الطيب وكلماتك الجميلة
تقبل تحيتى وعظيم إحترامى
ـــــــــــــــــــــــــــــــــــــــــــــــــــــ
أخى العزيز أ. / رضا عثمان
شكرا جزيلا على مرورك الكريم
ـــــــــــــــــــــــــــــــــــــــــــــــــــــ
الأخ الكبير والشاعر الأكبر أستاذ/محمود قطب
تشريف كريم من حضرتك مع خالص تقديرى وإحترامى.
ــــــــــــــــــــــــــــــــــــــــــــــــــــ
الأستاذ الكبير والناقد العملاق أ./ عادل عوض سند
والله كانت مكتوبة كما أشرت ولكننى رأيت تأكيد تجربته على الجميع أمر محرج ومحدد جدا فطرحت الأمر على التوسعة والتخفيف كما أننى أشعر بأنها مكسورة كما تفضلت ولكن القافية حكمت بما إسترحت له
شكرا أستاذى الفاضل على هذه اللمحة المهنية الراقية
مع فائق إحترامى وتقديرى.
شكرا أستاذى

موضوع: رد: الحب الحقيقى الأحد أبريل 24, 2011 1:00 pm

ما أروعك شاعرنا الجميل

الاستاذ طلعت حداد

تحيتى لجمال وروعة حروفك

وروعة الحب

دمت بكل حب وأبداع

الأستاذ الشاعر الجميل طلعت الحداد
احيك على هذا النص الرائع الحب الحقيقى
واتمنى من الله العلى القدير ان يديم عليك
حسن البيان Mad

صلاح الكومى