الى أستاذي محروس عطرب

أستـــــــاذي
أستاذ الكبار
ياللي غنيت للقمر
ياللي شجعت الصغار
ياللي دلتني الطريق
ياللي قولت الكلمه نار
ليه تروح تقعد بعيد
وانت نجم وف المدار
دا انت قلمك بيك عنيد
ليه حنيت للانكسار
قوم وغني بكل بيت
قول قصيدة لانفجار
وللع الدنيا بشرارها
خللي كل القاعه نار
رتل الأشعار ، بصوتك
متتع الناس والمزار
ياللي ريشتك صاخبه عودك
اصلب العود باقتدار
وامحي يأسك من طموحك
وارفع الراس بافتخار
الغناء فى الشعر لونك
نور بيسطع ف النهار
والفصحه لو للملوك
العاميه ف كل دار
هوا بس الشعر فصحه
الفصيح يبني الحوار
كان شاميه أو عاميه
كله بيعوم ف البحار
وانت ايدك متعافيه
والميزان بالمللي سار
واللي شايف روحه عنتر
يبقى فارس فوق حمار
سيفه قمميع المزنطل
لو يبارز يبقى فار
اللي يفتح صدره يصغر
والتواضع للكبار
واللي يعلى بصوته يسخر
من زميله يبقى جار
وانت ليك تلميذ بيفخر
انه تلميذ للكبار

الاخ الحبيب الشاعر

رضا عثمان

كلمات جميله كُتبت فى شاعر حبيب واخ كريم ويستحقها .

وقد سمعتها منك بالأمس ونالت اعجاب الحضور .

وانت كتبت :

والفصحه لو للملوك
العاميه ف كل دار

وهنا اختلف الوزن . فلو كتبت :

والفصيح لو للملوك

انت للعاميه دار

لاستقام الوزن . ملاحظه كتبتها من حبى اليك وحرصى على نصوصك .

مودتى وتحيتى ...