عاشق

وســـنين
سبيانى فأرضك
وسنين سيبانى

وصبرت كتير
عقبال م ارتاحت راحة ايدى لخدك
عاشق
ويدوب عاشقانى
طب ايه
خايفة ؟
آه
يا عنيكى الشايفة
خايفة اللى منيش شايفـُه
واللى مكــُنتش خايفـُه يرُج ضلوعى
ويعكر صفو النور فـ شموعى
ياعنين
ممكن نتشرف
ممكن نتعرف تانى
ممكن
من عندى طريق وامانى
ومنك ضـــــوء
مع نظرة شوق شيفانى
انتى موافقانى
و انا
زارع فيكى ودادى
بس خريف الزمن السادى بزهرهُ المعتعفن
رافض يتكفن اى ربيع
حالف ما يضيع
ف خَضار الزمن الجى
بيغازل فيكى الشوف والضى
وبيتحدانى
بيحارب فيا
لو قصدُه يفرَّق
بين السكة وامانيا
فانا واقف صامد جمب شروقك حى
رافض
انى أفوز غير بيكى
ورابط فـ ميدانى
وبحاول امَلىِّ حروف عنوانى
تاريخ متأصل فيكى
ويدوب
بيحاول يتهجانى