إوعــك تـرحــل - نصر الدين سالمان

اوعــك تـرحــل

كل الناس مش طايقه وجودك ** كل الناس كبلها حديدك

تستعجب علي سر غتاتك ** علي عِندك علي سر جحودك

قولتلهم فيها "إنَّ" يا ناس *** ربنا يفضح حتي جدودك

كل الناس مش طايقه وجودك

كل ما نزرع زَرعـة تاكلهــا *** كل ما تيجي أحلام تقـتلـهـا

كل ما نعـدل حاجه ميلـهـا *** انهب واقـتـل نشف نيـلـهـا

ماما أمريكا سابت ف عميلها ونِتـنْ عمك وشارون سيدك

كل الناس مش طايقه وجودك

قـاعـد لازق مش هتسيبها *** الأم دي كارهاك وغاصبها

نـاهـب قـوتـهــا ومـقـلـبـهــا *** واقلامـهـا قاصفها وضاربها

أمــن الـدولـــــه بـتـعـذبهــا *** وتعـلـمـهـا تـبـقـي عـبـيـدك

كل الناس مش طايقه وجودك

سيبها بقه مصمصت أبوها *** خليت كل الناس يشفوها

جه بلطجه وجِمال دهسوها *** بالمولوتوف أندال حرقوها

وفـ يوم ثورة شعبنا جوها ** فاكرين إن الخيل ها يفيدك

كل الناس مش طايقه وجودك

هـبَّـوا ولادنا أسود نهشتهم ردوا فيرانك .. دخلوا بيوتهم

ياما علـمت ويامـا قـرِّيـتـهـم يكرهوا ف اخواتهم .. غريتهم

عبدوا فيك علشان ورِّيتـهـم عـيـنك الحـمـرا وكل قـيـودك

كل الناس مش طايقه وجودك

الـثـروات في أوروبا كانـزهـا والأفواه في بلـدنـا خـارسـهـا

فِتَنَكْ بين طوايفنا داسيسها والأفكار م الشعب رافسها

فــاكـــر إن بـلـدنــــا وارثـهـــا ومبَـجَّـح ومْعَـدِّي حـدودك

كل الناس مش طايقه وجودك

شايف كهل بيدهسْ صورتك شايف ستْ بتلعن سيرتك

والأطفال بتشد ف شُورتك والعواجيز بتفّْ ف قورتك

والـوزرا بـتـلـعـن أبـو جيرتك رب الكـون يكـرم ويـزيـــدك

كل الناس مش طايقه وجودك

اوعــك تـرحــل زي أخــــوك مـهـمـن تـبـعــد رح نـجـبــوك

زي مـا كِــرِه الكـفــر أبــــوك م الـمصيـلحـة زمـان طردوك

رح تـتـحــاكــــــم ونــــذلـــوك تلاتين سنه بـهـدلنـا جنودك

كل الناس مش طايقه وجودك

الاخ الشاعر

نصر الدين سالمان

على فكره . هو حاول الهرب مع اسرته .

لكن رجال قواتنا المسلحه رجّعوه من طيارته .

وابلغوا القياده العسكريه . وكانت النتيجه تحذير شديد اللهجه

له ولاسرته . ونحن ننتظر محاكمته عن قريب إن شاء الله .

كلماتك صائبه اخى نصر واحييك عليها .

مودتى وتحيتى ...

» تـمـــام يا سـيادة الريـس - نصر الدين سالمان
» الشاعر نصر الدين سالمان في خطر
» في مكمن القنص - نصر الدين سالمان
» رمضان آهو جــه - نصر الدين سالمان
» شاعرنا ده حمار